Актаныш янында фурага бәрелгән микроавтобус йөртүчесе үлгән
Актаныш янында юл кырыенда туктап торган фурага килеп бәрелгән микроавтобус йөртүчесе үлгән. Бу хакта Россия Эчке эшләр министрлыгының Татарстан буенча матбугат хезмәте хәбәр итә.
М7 юлында Toyota микроавтобусының туктап торган Mercedes йөк машинасына бәрелүе турында хәбәр ителде. Медиклар һәлакәт урыныннан микроавтобус йөртүчене һәм 3 пассажирны хастаханәгә алып киткән иде.
Полициядә хәбәр итүләренчә, алган җәрәхәтләрдән йөртүче үлгән. Хәзер Дәүләт автоинспекциясе хезмәткәрләре авария килеп чыгу сәбәпләрен тикшерә.