Новости за 03.02.2026

Узган атнада Татарстанда 205 кеше грипп белән авырган. Бу хакта «Татар-информ» хәбәрчесенә Кулланучыларның хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе җитәкчесе урынбасары Любовь Авдонина әйтте.

Россия фәне көнендә, 8 февральдә, Татарстан Республикасы Милли китапханәсендә масштаблы «Белем марафоны» узачак. Кунакларны Казанның әйдәп баручы югары уку йортларының танылган һәм яшь галимнәре катнашында бай программа көтә.

Агымдагы уку елында Татарстанда олимпиадаларның мәктәп этабында катнашучылар 630 меңгә якын булган, төгәлрәк әйткәндә, 628 798 кеше.

Бүген Зәйдә махсус операциядә катнашучы Сергейга (аның хәрби кушаматы – Старый) «Батырлык өчен» медале тапшырдылар. Бүләкне махсус хәрби операциядә катнашучылар белән 50нче очрашуда район башлыгы Рәзиф Кәримов тапшырды. Сергейга 53 яшь, ул махсус операциягә 2024 елның сентябрендә контракт буенча киткән.

Бүген татар мәҗлесләрендә ни өчен фикер бетте? Нигә бәйрәм-мәҗлесләрдә «исән-сау булыгыз»дан башканы әйтә алмыйлар? Татарстан Дәүләт Советының элекке депутаты, җәмәгать эшлеклесе Сурия Усманова әлеге сорауларга җавап эзли. Ул милләтне саклап калу өчен галимнәр белән тыгыз элемтә урнаштырырга һәм эстраданың тәрбияви ролен торгызырга чакыра.

Татарстанда фәнни эзләнүчеләр, тикшеренүчеләр саны республиканың яңа тарихында максимум дәрәҗәсенә җиткән. ТР Премьер-министры Ләйлә Фазлыева ТР Министрлар Кабинетында узган брифингта шул хакта хәбәр итте.

Лаеш районының «Волга» яшьләр үзәгендә «Батырлар. Татарстан Геройлары» программасы финалистлары үз проектларын яклады.

Февраль һәм марттагы бәйрәм көннәрендә Казан – Мәскәү маршрутында өстәмә поездлар билгеләнәчәк, дип хәбәр итә Горький тимер юлының Казан төбәге матбугат хезмәте.

Казанда пилотсыз авиация системалары фәнни-җитештерү үзәген үстерүгә 2 миллиард сум юнәлдереләчәк. ТР вице-премьеры Ләйлә Фазлыева ТР Министрлар Кабинетында узган брифингта шул хакта хәбәр итте.

Юбилейный год работы комиссии

В приветственном слове на заседании, которое прошло сегодня в Доме Правительства РТ, Раис РТ Рустам Минниханов поблагодарил членов комиссии за многолетнюю работу.

«Хочу выразить благодарность нашей комиссии – вот уже десять лет мы вместе работаем. Официально ее деятельность была утверждена постановлением 15 января 2016 года», – отметил Минниханов.

За это время комиссия провела 20 заседаний и рассмотрела 322 объекта. В целом начиная с 2011 года всего было проработано 517 объектов. Читать дальше...

Рөстәм Миңнеханов Тарихи җирлекләрдә шәһәр төзелеше эшчәнлеге мәсьәләләре буенча ведомствоара комиссия утырышын уздырды. Көн тәртибендә - 16 объект иде, шул исәптән Казанда дүрт кунакханә проекты, Гоголь һәм Подлужная урамнары арасындагы баскыч, шулай ук Зөядә мезонинлы торак йорт төзү.

7 февральдә Самараның «Яктылык» мәктәбенең актлар залында «Очрашу кичәсе» узачак. Бу хакта «Самар татарлары» сайты хәбәр итә.

Төмәннең «Яңарыш» газетасында Лариса Тузмөхәмәтованың татар яшьләре берлеге оешмасының актив әгъзасы Вера Бикмеева турында «Иҗат сөюче табибә» дигән язмасы чыкты.

ТР Сәламәтлек саклау министрлыгы һәм Казан дәүләт медицина университеты «Синең медицинага адымнарың» дип аталган профориентация проектын башлап җибәрә. Ул булачак абитуриентларга Россиянең теләсә кайсы медицина югары уку йортына кергәндә өстәмә биш балл алу мөмкинлеге бирәчәк.

2026 елда эш көннәре саны буенча иң озын ай июль булачак – анда 23 эш көне санала. Бу хакта «Работа.ру» сервисының персонал һәм оештыру үсеше буенча директоры Юлия Санина белдерде, дип яза «РИА Новости».

Татарстанда Төркия компанияләре күбрәк булырга тиеш. Төркиянең Бөек милли мәҗлесе депутаты, Гаделлек һәм үсеш партиясе рәисе урынбасары Кюршад Зорлу Казанда ТР Дәүләт Советы Рәисе Фәрит Мөхәммәтшин белән очрашуда шундый фикер белдерде.

Көрәш ярышлары хөкемдары Илшат Гарипов хөкемдарлыкта булган проблемалар, келәмдә дуслык һәм гаделлек, милли спорт төрендә булган үзенчәлекләр турында фикерләре белән уртаклашкан.

Алдагы төндә һәм 4 февраль иртәсендә Татарстанда, шул исәптән Казанда, температура -25...-30 градуска кадәр, ә республиканың көнбатышында -32 градуска кадәр төшәргә мөмкин. Россия Гадәттән тыш хәлләр министрлыгының ТР буенча Баш идарәсендә мондый салкыннарда янгыннар һәм аварияләр куркынычы арта дип кисәтәләр.

Татарстанда эшләүче ЦТС биржасы төзелештә бәяләр билгеләүнең федераль дәүләт мәгълүмати системасына (ФГИС ЦС) керү мөмкинлеген алды һәм сынау режимында актуаль базар мәгълүматлары белән хисапларын тапшыра башлады. Бу биржаның Россия Төзелеш һәм торак-коммуналь хуҗалык министрлыгы белән үзара хезмәттәшлеге нәтиҗәсе булды, дип хәбәр итә биржаның матбугат хезмәте.

Татарстанның мәгариф һәм фән министры Илсур Һадиуллин республикада физика, математика, химия укытучылары җитмәү сәбәпле башкарыла торган эшләр турында сөйләде.

Татарстан белән Төркиянең сәүдә-икътисади, мәдәни һәм парламентара элемтәләре актив үсә. Киләчәктә дә мөнәсәбәтләребезне ныгытырга ниятлибез, дип белдерде ТР Дәүләт Советы Рәисе Фәрит Мөхәммәтшин Казанда Төркия Республикасы делегациясе белән очрашуда.

Казанда кар җыюга комачаулаучы автомобильләрне актив рәвештә эвакуациялиләр. Соңгы тәүлектә шәһәр урамнарыннан 138 җиңел һәм 4 йөк автомобиле чыгарылган. Бу чаралар узган җомгадан гамәлдә булган «Буран» планы кысаларында кабул ителә, дип хәбәр итәләр шәһәр дәүләт автоинспекциясендә.

Татарстанның мәгариф һәм фән министры Илсур Һадиуллин бүген ТР Министрлар Кабинетында Россия фәне көненә багышланган брифингта «Физика-математика алгарышы» сынау проекты юнәлешләрен билгеләп узды.

Шагыйрь Муса Җәлилнең кызы Чулпан Муса кызы Җәлилова әтисенең кулга алынуы һәм үлеме белән бәйле фаҗигале вакыйгалардан соң гаиләнең авыр вакытлар кичерүе турында сөйләгән. Бу хакта Татарстан Республикасының Россия Федерациясендәге Тулы вәкаләтле вәкиллеге телеграм-каналында хәбәр ителә.

Казан мэриясе 4 февраль көнне социаль учреждениеләрнең эш режимы турында хәбәр итте. Мәктәпләр һәм балалар бакчалары гадәттәгечә тулы көнлек эш режимына кайта.