Новости за 12.07.2019

Mary şäherindäki bankomatlaryň öňünde adamlar bank kartlaryndaky pullaryny nagtlaşdyrmak üçin indi nobata garaşmagy bes etdiler.

Türkmenistanda dowam edýän derman gytçylygynyň we medisina hyzmatlarynyň gymmatlamagynyň döwründe ýurduň ilaty, aýratynam oba ýaşaýjylary tebiplere köp ýüz tutýarlar. Bu barada Azatlygyň Türkmenistandaky habarçylary aýdýarlar.  "Bize myhmançylyga gelen tanşymyz adamlaryň köpçülikleýin lukmanlara, keselhanalara barman, tebiplere we köplenç şarlatan aldawçylara ýüzlenýändigini gürrüň berdi" - diýip, Azatlygyň Aşgabatdaky habarçylarynyň biri 11-nji iýulda habar berdi.  Munuň bilen bir wagtda-da... Читать дальше...

Russiýa we Türkmenistan goşa raýatlara türkmen pasportyny bermegiň üstünde işleýär diýip, Russiýanyň Daşary işler ministrliginiň metbugat wekili Mariýa Zaharowa 12-nji iýulda ministrligiň websaýtynda maglumat ýaýratdy.

Leksiýada aýdylmagyna görä, her ýyl dünýäde 1.5 milliona golaý adam öz janyna kast edýär. Öz janyna kast edýänleriň 76 prosenti pes we orta girdejili ýurtlara düşýär, bu betbagtçylygyň çen bilen 60 prosenti diňe Aziýa ýurtlarynda bolýar.

Türkiýäniň Goranmak ministrligi Russiýanyň S-400 kysymly ýer-asman gorag ulgamynyň birinji tapgyrynyň 12-nji iýulda Ankara gelip gowşandygyny, şeýle-de öňümizdäki günlerde gelmegini dowam etjekdigini mälim etdi. Ankaranyň Moskwa bilen bu baradaky ylalaşygy Türkiýe bilen Waşingtonyň arasynda dartgynlylyklaryň döremegine sebäp bolupdy. S-400 paýtagt Ankaranyň etegindäki Murted howa bazasyna eltildi diýip, ministrligiň beýanatynda aýdylýar. Bu beýanatyň yzy bilen türk lirasy dessine öz hümmetini ýitirip... Читать дальше...

Gazagystanyň paýtagtynda onlarça aýal hökümetiň jaý bilen üpjün etmegini talap edip, ýöriş geçirdi. 30 töweregi ene Nur-Soltanda prezidentiň edarasynyň binasyna barmakçy boldular. Emma, polisiýa olaryň ýoluny böwetledi. Zähmet we sosial goraglylygy ministriniň orunbasary we Nur-Soltanyň häkiminiň orunbasary aýallaryň öňüne çykyp, olaryň meselesini ministrlikde ýa-da häkimiň edarasynda maslahat etmäge çagyrdylar. Aýallar şular ýaly ozalky gepleşikleriň hiç hili oňaýly netije bermändigini aýdyp, bu teklipden ýüz öwürdiler. Читать дальше...

Owganystanyň gündogarynda toý mahaly janyndan geçen hüjümçiniň özüni partlatmagy netijesinde azyndan bäş adam öldi. Nangarhar welaýatynyň häkiminiň metbugat wekiliniň beren maglumatyna görä, Paçeragam etrabynda ýetginjek hüjümçi hökümetiň tarapynda çykyş edýän harby kommandiriň öýüniň içinde özüni ýarypdyr. Malek Toryň topary “Talyban” we “Yslam döwleti” ekstremistiki toparynyň jeňçilerine garşy söweşýär. 12-nji iýuldaky hüjümde başga-da 40 adam ýaralandy. Toýdaky hüjümiň jogapkärçiligini hiç bir topar öz üstüne almady. Читать дальше...

ABŞ pars aýlygynda gämileriň ýany bilen ýüzjek harby eskorty, ýagny goragy esaslandyrmaga ýakynlandygyny aýtdy. Mundan birnäçe sagat öň, Britaniýa eýran gämileriniň britan nebit tankerine “päsgelçilik döretmäge synanyşandygyny” aýdypdy. ABŞ-nyň baş ştablarynyň başlyklarynyň birleşen komitetiniň ýolbaşçylygyna hödürlenen general Mark Milleý Waşingtonyň “söwda gämileriniň harby goraglylygyny we deňiz goraglylygyny üpjün etmek üçin” koalisiýany esaslandyrmak ugrunda tagalla edýändigini mälim edipdi. Читать дальше...

ABŞ Eýranyň daşary işler ministri Mohammad Jawad Zarife gadagançylyklary girizmekden häzirlikçe saklanýar diýip, Reuters maglumat berýär. Bu iki ýurduň arasyndaky dartgynlylyklaryň barha ýitileşýän döwri Waşingtonyň diplomatiýa üçin mümkinçiligi aradan aýyrmaýandygyna çalym edýär. Reuters bu ýagdaýdan habarly iki çeşmä salgylanyp maglumat berdi. Şol bir wagtda, bu kararyň sebäpleri barada hiç zat aýdylmady. Bu maglumat dogrusynda ABŞ resmilerinden häzirlikçe kommentariýa almak başartmady. ... Читать дальше...

Russiýanyň prezidenti Wladimir Putin bilen Ukrainanyň prezidenti Wolodymyr Zelenskiý ilkinji gezek telefon söhbetdeşligini geçirip, onuň dowamynda Ukrainanyň gündogaryndaky konflikti we tussaglaryň alyş-çalşygyny maslahat etdiler. Kreml 11-nji iýuldaky söhbetdeşligiň Zelenskiý tarapyndan inisirlenendigini aýtdy. Ukrain prezidentiniň websaýtynda ýerleşdirilen maglumata görä, maý aýynda häkimiýet başyna geçen Zelenskiý Russiýa tarapyndan tussag edilen ukrain deňizçileriniň azat edilmegi meselesini gozgapdyr. Читать дальше...

Pakistanyň gündogarynda ýolagçy otlusynyň ýük wagony bilen çaknyşmagy netijesinde azyndan 23 adam öldi, onlarçasy hem ýaralandy. Saglyk resmileriniň maglumatyna görä, hadysada azyndan 84 adam ýaralanyp, olaryň käbiriniň ýagdaýy agyr bolmagynda galýar. Ýerli polisiýa resmisi otlynyň ýurduň gündogaryndaky Lahore şäherinden günorta-günbataryndaky Bulujystan welaýatyna ugrandygyny, şeýle-de hadysanyň Walhar wokzalynda ýüze çykandygyny mälim etdi. Hadysanyň sebäpleri häzirlikçe aýdyň däl. Emma... Читать дальше...