Новости за 31.01.2024

Тими миллии Эрон дар бозии охирини ҳаштякниҳоии мусобиқоти қаҳрамонии футболи Осиё дар Қатар дастаи мунтахаби Сурияро аз рӯи силсилаи пеналти ё зарбаҳои 11-метрӣ бо ҳисоби 5:3 (замони асосӣ ва изофа - 1:1) шикаст дод ва ба даври чорякниҳоии Ҷоми Осиё-2023 роҳ ёфт.

Рӯзи 30-юми январ ҷашни Сада буд. Аз муҳимтарин ҷашнҳои роиҷ дар миёни эрониёни бостон, ки акнун дар ҳоли эҳё шудан аст – бавижа дар Тоҷикистон, ки аз соли 2018 ба ин сӯ ба таври расмӣ баргузор мешавад.

Мурофиаи дувуми соҳибкор Абдухалил Холиқзода, нависанда Абдуқодири Рустам ва мудири нашриёти "Эр Граф" Сӯҳроб Раҷабзода рӯзи 26-уми январ дар Боздоштгоҳ гузашт. Ин бор ҳам пушти дарҳои баста.

Хадамоти алоқа бовар дорад, ки пас аз овардани дастгоҳҳои нав аз Чин нархи Интернет дар Тоҷикистон арзон хоҳад шуд.

Мақомоти Тоҷикистон мегӯянд, мумкин аст, дар ояндаи наздик арзиши истифода аз Интернет поин равад. Солҳост, ки дар кишвар шикоят аз суръати сусти Интернет ва қимати баланди он зиёд аст ва рӯзе нест, ки як корбар дар шабакаҳои иҷтимоӣ дар бораи суръати Интернет шикояту даъво накунад.

Гурӯҳе аз ҷавонон дар як маҳфиле дар Душанбе 20-солагии Википедия (Wikipedia)-и тоҷикӣ, яке аз донишномаҳои ройгонро таҷлил карданд. Манбаи иттиллое, ки ҳоло мардуми зиёде аз он истифода мебаранд, агарчӣ иттиллои ноқис дар он кам нест.

Гуруҳе аз ҷавонону донишмандони ҷавон дар Тоҷикистон дар як маҳфиле дар Душанбе 20-солагии Википедияи тоҷикӣ, яке аз донишномаҳои ройгонро таҷлил карданд. Манбаи иттиллое, ки ҳоло мардуми зиёде аз он истифода мебаранд, агарчӣ иттиллои ноқису дурӯғ дар он кам нест.

Содир Ҷабборов, президенти Қирғизистон, ба раиси Кумитаи давлатии амнияти миллии он кишвар Қамчибек Тошиев пешниҳод кард, ки Иттиҳоди футболи Қирғизистонро роҳбарӣ кунад.

Дар ноҳияи Ашт ҷанҷол ба сари як порча аз боғ сабаби решакану аз байн бурдани даҳҳо дарахти зардолу шудааст, ки соҳибонаш ду даҳсола барои парвариши он заҳмат кашидаанд. Набиҷон Одирматов, соҳиби зардолузор мегӯяд, ранҷеро, ки барои бунёди боғ кашида буд, барбод доданд.

​Дастаи мунтахаби Ҷопон, ки дар бозии ҳаштякниҳоии мусобиқоти қаҳрамонии футболи Осиё дар Қатар тими миллии Баҳрайнро бо ҳисоби 3:1 шикаст дод, ба даври чорякниҳоии Ҷоми Осиё-2023 роҳ ёфт. Ин ҳафтумин дастаест, ки ба чорякфинал баромад.

Ахбори Тоҷикистону ҷаҳон

Ҷасади як сарбози Вазорати дифои Тоҷикистонро ба наздиконаш дар ноҳияи Абдураҳмони Ҷомӣ додаанд.

Гурӯҳе аз занону духтарони паноҳанда ва муҳоҷири Афғонистон дар Тоҷикистон эътирози худро аз мамнуъ будани кору таҳсил барои ин қишр дар зери ҳокимияти “Толибон” баён карданд. Онҳо ҳафтаи гузашта бо баҳонаи Рӯзи ҷаҳонии омӯзиш дар сафорати Афғонистон дар Душанбе ҷамъ омаданд.

Гурӯҳе аз занони афғонистонӣ дар ҳафтаи гузашта дар шаҳри Душанбе ҷамъ омада, доир ба аҳволи бади занон дар кишварашон гуфтанд, ки "Толибон" ҳаққи таҳсилу корро аз онҳо гирифтанд.

Нахуствазири пешини Покистон Имрон Хон ва ҳамсараш Бушра Хон рӯзи 31-уми январ ба иттиҳоми фасоди молӣ ба 14 сол зиндон маҳкум шуданд.

​Раиси Оҷонси авиатсияи шаҳрвандии Тоҷикистон бозпурсии чанд корманди Фурудгоҳи Душанберо дар пайванд ба фирори Дилшод Саидмуродов ва ҳамроҳонаш, ки ба қатли бонкдори тоҷик муттаҳам ҳастанд, тасдиқ кард. Вале гуфт, онҳоро ба ҳабс нагирифтаанд.

Чанд ронандаи мошини боркаш мегӯянд, убур аз гузаргоҳи марзии “Фотеҳобод-Ойбек” дар рӯзҳои ахир мушкилтар шудааст. Ба гуфтаи ронандагон, мошинҳои зиёд дар ин гузаргоҳ ҷамъ шудааст ва наметавонанд аз Тоҷикистон ба Узбекистон гузаранд. Мақомот расман масъаларо шарҳ надодаанд.

Дастаи мунтахаби Кореяи Ҷанубӣ, ки дар бозии шашуми ҳаштякниҳоии мусобиқоти қаҳрамонии футболи Осиё дар Қатар тими миллии Арабистони Саудиро аз рӯи силсилаи пеналти ё зарбаҳои 11-метрӣ бо ҳисоби 4:2 (замони асосӣ ва изофа – 1:1) шикаст дод, ба даври чорякниҳоии Ҷоми Осиё-2023 роҳ пайдо кард.