Новости за 06.09.2019

Намояндагони Омбудсмени Қирғизистон бо шароити таҳсили хонандагони деҳаи Кенеши вилояти Норин ошно шуданд, ки ба далели садамавӣ будани бинои мактабашон дар контейнерҳо дарс мехонанд. Ба гуфтаи онҳо, шароити таҳсили хонандагони мазкур ба талаботи меъёрҳои раванди омӯзиш ҷавобгӯ набуда, бар хилофи меъёрҳои ҳуқуқи кӯдакон ба таҳсил, саломатӣ ва бехатарии шахсӣ аст. "Контейнерҳо наметавонанд ҷои синфхонаҳоро иваз кунанд. Дар як контейнер танҳо 15-16 хонандаи синфҳои ибтидоӣ метавонанд ҷойгир шаванд... Читать дальше...

Президенти Узбекистон 4-уми сентябр бо баргузории як ҷаласа дар шаҳри Тошканд масъалаи рушди тарбияи ҷисмонӣ ва варзишро дар ин кишвар баррасӣ кард. Ба огаҳии Хадамоти матбуотии президенти Узбекистон, Мирзиёев сатҳи омодагиҳоро ба Бозиҳои тобистонаи олимпии соли 2020 дар Токио ғайриқаноатбахш номида, сахт танқид кардааст. Шавкат Мирзиёев ҳамчунин гуфтааст, ки федератсияҳои варзишӣ ва маъмуриятҳои Узбекистон барои варзишкорон шароити лозимиро фароҳам намекунанд. Дар ҷаласа ҳамчунин қайд карда шудааст... Читать дальше...

Гуфтугуҳо барои табодули зиндониён ва шахсоне, ки дар Русия ва Украина нигаҳдорӣ мешаванд, дар ҳоли анҷомёбӣ ҳастанд. Ин нуктаро президенти Русия Владимир Путин дар ҷаласаи умумии Анҷумани иқтисодии Шарқ баён дошт. Ба гуфтаи президенти Русия, табодул "дастаҷамъӣ" ва барои муътадил шудани муносибатҳои Маскав ва Киев "қадами хуб" хоҳад шуд. Путин санаи дақиқи табодули зиндониёнро эълом накард. Вале манбаи хабаргузории русии Интерфакс дар доираҳои дипломатӣ дирӯз гуфта буд, ки он 7-уми сентябр баргузор мешавад. Читать дальше...

Дар ширкату корхонаҳои давлатии Тоҷикистон низоми "назорати халқӣ" дар шакли "шӯрои нозирон" эҳё хоҳад шуд. Бо ин ҳадаф лоиҳае дар палатаи поёнии порлумони Тоҷикистон барои тасвиб пешниҳод шудааст.

Ҷумҳурии Исломии Эрон рӯзи 6-уми сентябр қадами севуми коҳиши уҳдадориҳояш дар доираи созишномаи ҳастаиро ниҳод. Ин тасмим ба вокунишҳои тунди байналмилалӣ рубарӯ шуд. Иттиҳоди Аврупо, Бритониё ва Фаронса аз ин гоми Эрон изҳори нигаронӣ карда, онро “носозгор” ба созиши ҳастаӣ хонданд.

Дастаи мунтахаби футболи Тоҷикистон дар нахустин бозиаш дар марҳилаи дувуми интихобии қаҳрамонии ҷаҳон-2022 дар майдони худ мунтахаби Қирғизистонро бо ҳисоби 1:0 шикаст дод. Дастаи ҳариф бошад, баръакс дар давоми бозӣ се корти зард гирифт

Дар Қазоқистон 15 тарҳи муштарак бо Чин анҷом шуда, дар ҳоли фаъолият ҳастанд. Дар ин бора рӯзи 5-уми сентябр Женис Қосимбек, муовини сарвазири он кишвар хабар дод. Иттилои Қосимбек дар ҳолест, ки дар чанде аз шаҳрҳои Қазоқистон зидди тарҳҳои муштарак бо Чин эътироз баргузор мешавад. Вале ноиб-сарвазир мегӯяд, дар доираи барномаи саноатсозӣ интизор меравад, 55 тарҳи дигар амалӣ шавад. "Барои иҷрои 15 тарҳи анҷомшуда 3,9 миллиард доллар харҷ гардид. Ин тарҳҳо бахшҳои мухталифи иқтисодро дар бар мегиранд. Читать дальше...

Дар рӯзҳои омодагӣ ба ҷашни Истиқлоли Тоҷикистон – 9 сентябр, дар қатори бисёре аз дастовардҳо, аз сиёсати “дарҳои боз”- и ин кишвар ситоиш мешавад. Вале ҳамзамон танқидҳое низ садо медиҳанд, ки ин равиш яке аз сабабҳои заъфи иқтисодӣ ва рахнаҳои фарҳангию мазҳабӣ дар кишвар гаштааст.

Қурбонгулӣ Бердимуҳаммадов, президенти Туркманистон роҳбари ширкати байналхалқии "АРЕТИ", олигархи рус Игор Макаровро коршиноси умури нафту газ дар назди президент таъйин кард. Вазорати молияи ИМА моҳи январи соли 2018 зидди Игор Макаров таҳрим ҷорӣ карда буд. Ба иттилои маҷаллаи Forbes, Игор Макаров 2,1 миллиард доллар сармоя дорад. Расонаҳои Туркманистон навиштанд, ки Макаров аз таъйин шуданаш ба мақоми нав изҳори сипосгузорӣ кардааст. Вай ҳамзамон афзудааст, ки дар Туркманистон таваллуд шуда, ҳаводори варзиши дучархаронӣ аст. Читать дальше...

Нишасти Созмони Амният ва Ҳамкории Аврупо оид ба вазъи ҳуқуқи башар дар Тоҷикистон аз 16 то 26 сентябр дар Варшава баргузор хоҳад шуд. Дар он ҳайатҳои ҳукумат ва мухолифон иштирок мекунанд.