Новости за 14.08.2019

Наздикони панҷ нафар аз маҳкумшудагон бо ҷурми даст доштан дар ошӯби зиндони шаҳри Хуҷанд аз шиканҷа шудани пайвандони худ ба Омбудсмени Тоҷикистон шикоят кардаанд. Онҳо аз Ваколатдор оид ба ҳуқуқи инсон хостаанд, ки фарзандонашонро аз наздик дида, ба мушкилашон расидагӣ кунад. Волидони Фарҳод Содиқов, Нусратулло Қодиров, Далер Бобоев, Сафрониддин Шомуродов ва Алишер Ҳамидов бовар доранд, ки фарзандонашон "зери шиканҷа гуноҳро ба дӯш гирифтаанд". Пештар мақомот ҳамагуна шиканҷа ва латту кӯби муттаҳамонро рад карда буданд. Читать дальше...

Тозатарин ахбор ва гузоришҳои марбут ба Тоҷикистон, минтақа ва ҷаҳон дар маҷаллаи шомгоҳии Радиои Озодӣ.

Масъулони як бошгоҳи паноҳандагон дар Полша аз Мустафо Ҳаётов, ҷавони 25 солаи тоҷик, тақозо кардаанд, ки ба гуруснашинӣ хотима диҳад, вагарна маҷбуранд бо зӯр ба ӯ ғизо диҳанд, чун саломатиаш бад мешавад.

Мусобиқаи  байналмилалӣ оид ба теннис  барои дарёфти "Ҷоми раисҷумҳури Тоҷикистон"cоли даҳум  аст, ки дар шаҳри Душанбе доир мегардад

Додгоҳи Маскав шикояти Самариддин Раҷабовро баррасӣ мекунад.

Модарони маҳбусони зиндони Хуҷанд ба ҳукми фарзандонашон розӣ нестанд.

Имрон Хон, сарвазири Покистон, ба одамоне, ки дар Кашмири зери назорати Ҳинд зиндагӣ   мекунанд, ҳамбастагии худро баён кардааст. Ӯ рӯзи 14-уми август дар изҳороте бахшида ба Рӯзи Истиқлолияти Покистон гуфт, “онҳо қурбонии зулми Ҳиндустон ҳастанд." Хон афзуд: “Рӯзи истиқлолият як имконият барои хушбахтии бузург аст, аммо имрӯз мо аз бадбахтии бародарони кашмириамон ғамгинем. Бародарони кашмириамонро бовар мекунонам, ки дар бари онҳо ҳастем." Президенти Покистон Ориф Алвӣ дар маросиме дар Исломобод низ бо чунин паёме баромад кард ва гуфт... Читать дальше...

Мақомдорони тоҷик боздошти Хӯҷа-Командирро тасдиқ кардаанд, сабти симкортҳо бо шиносномаҳои нав тамдид ёфтааст, вуруди гӯшт ва ғизои чорво аз боҷу андоз озод мешавад муҳокимаи Самариддин Раҷабов дар Русия ва матолиби дигар.

Наздикони кӯдаке, ки ду рӯз пеш дар шоҳроҳи Душанбе-Ваҳдат дар деҳаи Шаҳристони ҷамоати Гулистон пайдо карданд, баъд аз гузориши Радиои Озодӣ аз худ дарак доданд.

Илҳомиддин Қурбонов, як корбари Радиои Озодӣ бо ирсоли видеои як кӯдаке, ки дар роҳ пайдо кардаанд, хост, дар пайдо кардани волидонаш кӯмак кунем. Дар видео тифли тақрибан 5-сола дида мешавад, ки мегӯяд, падараш Мирзо ва модараш Зуҳро ном дорад. Телефон барои тамос: 909-04-83-04

Ба иттилои Созмони ҷаҳонии тандурустӣ (СҶТ), дар кишварҳое амсоли Қазоқистон, Ангола, Камерун, Чад, Нигерия, Филиппин, Судони Ҷанубӣ, Судон ва Тайланд бемории сурхак дар ҳоли густариш аст. Дар ин бора дар гузориши нимсолаи СҶТ зикр шудааст, ки 13 август нашр гардид. Дар нимсолаи аввали 2019 баъди соли 2006 бори аввал сатҳи рекордии бемории сурхак ба қайд гирифта шудааст. Ба иттилои созмон, дар саросари ҷаҳон 364 ҳазор мавриди гирифторӣ ба ин беморӣ сабт шудааст. Дар гузориш омадааст, ки сатҳи... Читать дальше...

Қодирбек Отамбоев, писари Алмосбек Отамбоев, президенти пешини Қирғизистон аз мухолифон даъват кард, зидди худкомагии мақомот муборизаи қонуниро шуруъ кунанд. Навори муроҷиати Қодирбек Отамбоев дар Фейсбук нашр шуд. Ҳаводиси 7-8 августро писари Отамбоев ҳамчун "авҷи раванди маҳви неруҳои мухолифин" унвон кард. "Аммо ин бор мо набояд мунтазир монем, ки кай ба суроғи ҳар кадоми мо меоянд. Ин маънои онро дорад, ки имрӯз ҳамаи нерӯҳои мухолифин бояд дарк кунанд - ояндаи давлат дар хатар аст. Мо бояд... Читать дальше...

Кумитаи миллии олимпии Тоҷикистон аз анҷоми бозиҳои даври 11-уми Чемпионати Тоҷикистон-2019 миёни дастаҳои лигаи олӣ хабар дод, ки аз аз чор бозӣ дар сетоаш меҳмонон ғалаба карданд

Рӯзи сешанбе дар бозори молии Уолл-стрит қурби саҳмияҳо баъди изҳори назари Доналд Трамп, президенти ИМА боло рафт. Трамп гуфт, тасмим дорад, пардохтҳои гумрукиро барои маҳсулоти чинӣ ба таъхир андозад. Арзиши саҳмияҳои 80% ширкатҳое, ки дар бозори молии амрикоӣ ба фурӯш гузошта шудаанд, якборо боло рафт. Трамп эълом кард, ки тасмим дорад, ҷорисозии пардохтҳои иловагии гумрукиро барои молҳои содиротии Чин ба таъхир гузорад. Ин тасмим сармоягузоронро умедвор сохт, ки аз ҷанги молӣ байни ИМА ва Чин нигарон буданд. Читать дальше...

Президенти Узбекистон Шавкат Мирзиёев 12 август фармон "Дар бораи чораҳои рушди минбаъдаи соҳаи сайёҳӣ"-ро дар кишвараш имзо кард. Ба иттилои расонаҳои хабарӣ, сар аз 1 январи соли 2020 барои шаҳрвандони 20 кишвари дар зер омада ба муҳлати 30 шабонарӯз низоми бидуни раводид (виза) ҷорӣ хоҳад шуд. Антигуа ва Барбуда Барбадос Белиз Гренада Ҷумҳурии Доминикана Мексика Ҷумҳурии Гватемала Ҷумҳурии Гондурас Ҷумҳурии Коста-Рика Ҷумҳурии Куба Ҷумҳурии Никарагуа Ҷумҳурии Панама ... Читать дальше...

Маҳбуси 43-сола Олимҷон Абдуллоев тақрибан як моҳ пеш аз зиндони сукунатии рақами 51-и шаҳри Тошканд фирор кардааст. Ба гуфтаи як корманди Раёсати зиндонҳои Узбекистон, Абдуллоев ҳадафи пайгарди қонунӣ қарор дода шудааст. Ҳамсуҳбати мо гуфт, маҳбуси фирорӣ бо ҷурми "куштори барқасдона" 20 сол зиндонӣ шуда буд. "Пас аз адои 15 соли ҷазо ӯро ба бахши сукунатӣ интиқол дода буданд. То ба озодӣ баромаданаш 5 сол монда буд. Вале бо афроди ҷинояткор созиш карда, шиносномаро дарёфт ва фирор намудааст",-афзуд ӯ. Читать дальше...

Гардиши айём чунин аст, ки мардум танҳо ё ғолибан рӯйи воқеаро мебинанд ва чизҳои зиёде паси парда мемонанд. Он пинҳонмондаҳо ва ногуфтаҳо имкон намедиҳанд, ҳамаи фишангу абзор ва сабабу омилҳои воқеа рӯшан шавад.

Дар "Озодӣ Онлайн" имрӯз асосан дар бораи беназорат мондани кӯдакон суҳбат мешавад ва ҳам дар ин бора, ки чанд фарзанд доштан хуб аст. Панҷ, чаҳор ё севу ду? Видеоҳои ҷолиби шумо аз рӯзи ид ва роҳҳои Душанбе бахше аз барнома аст.

Тоҷикистонро дар Қаҳрамонии ҷаҳон оид ба гуштин ду варзишгар: Асламҷон Азизов ва Далер Ризозода муаррифӣ мекунанд

Аҳолии зиёд, фарзандони бетарбия ва дузди зинокор, роҳҳои пешгирӣ аз таваллуд мавзӯҳои барномаи имрӯзи Озодӣ Онлайн аст. Видеоҳои корбарон аз Тоҷикистону Русияро ҳам дар барнома ҷой додаем.

Додгоҳе дар Маскав рӯзи 14-уми август шикояти вакилони Самариддин Раҷабов, як зодаи Тоҷикистонро баррасӣ мекунад. Ӯ барои иштирок дар гирдиҳамоии бидуни иҷоза дар пойтахти Русия ва "истифода аз зӯр нисбат ба намояндаи ҳукумат" муттаҳам аст. Худи Раҷабов чунин иттиҳомотро рад мекунад.

Манобеъ дар ҳукумати Тоҷикистон тасдиқ карданд, ки мӯҳлати аз нав ба қайд гирифтани симкортҳо бо шиносномаи намунаи нав, тамдид шудааст. Ин муҳлат то 15-уми август муқаррар шуда буд.

Мақомоти Тоҷикистон боздошти Хӯҷа Каримов (Хӯҷа-Командир), аз фармондеҳони пешини Фронти Халқиро тасдиқ карданд. Сомонаи “Ахбор.ком” шаби 13-уми август бо такя ба манобеаш дар ду ниҳоди расмии Тоҷикистон хабар дод, ки Каримов дар Дубай дастгир шудааст.

Дастаи мунтахаби ҷавонони зери 19-солаи Тоҷикистон бо раҳбарии сармураббӣ Зайниддин Раҳимов, ки бозии севумашро дар мусобиқоти қаҳрамонии Анҷумани футболи Осиёи Марказӣ (CAFA) бо мунтахаби ҷавонони Узбекистон бо ҳисоби 2:2 анҷом дод, ҳамакнун барои медалҳои тилло бо тими Эрон рақобат мекунад.

Президенти ИМА Доналд Трамп номзадии Стивен Э. Бигунро, ки дар гуфтугӯҳо бо Кореяи Шимолӣ Вашингтонро намояндагӣ мекард, ба мақоми сафирии кишвараш дар Русия баррасӣ дорад. Дар ин бора Reuters бо истинод ба як манбаъ дар Кохи Сафед хабар дод. Расонаи Vox ду рӯз пеш бо такя ба ду шахси наздик ба Трамп хабар дод, ки Бигун номзади асосӣ ба мақоми сафирии ИМА дар Русия аст. Сафорати ИМА дар Москва ҳафтаи гузашта номаи Ҷон Ҳатсман ба Трампро нашр кард, ки гуфта буд, 3 октябр аз мақоми худ канор хоҳад рафт. Читать дальше...