Новости за 23.06.2019

Дар Прага, пойтахти Ҷумҳурии Чех бузургтарин тазоҳуроти сӣ соли охир бо ширкати даҳҳо ҳазор нафар ҷараён гирифт. Митинг дар боғи Летна, маконе баргузор гашт, ки соли 1989 ним миллион нафар зидди ҳукумати коммунистии ин кишвар намоиш барпо карда буданд.

Мақомот дар Тоҷикистон мегӯянд, ки бояд танҳо соҳибони симкортҳо шиносномаи коғазии худро ба корти ҳуввият иваз кунанд. Вале бархе аз сокинон гуфтанд, ҳушдор гирифтаанд, ки барои дарёфти пули фиристодаи наздикон аз хориҷа ва ё гирифтани пули нафақа бояд бо корти ҳуввият биёянд. Назарҳои гуногунро дар бораи ивази шиноснома дар навори видео бинед.

Дар се соли охир садҳо шаҳрванди Тоҷикистон кӯшиш кардаанд, ки дар Аврупо ва ё кишварҳои дигари ғарбӣ ҳаққи паноҳандагӣ бигиранд.

Хабарнигори Радиои Озодӣ аз чанд роҳгузар дар Душанбе пурсид, ки аз нигоҳи онҳо чаро баъзе аз сокинон аз кишвар мераванд?

Ҳукумати Эфиопия хабар дод, ки аз кӯшиши кудето ё табаддулоти давлатӣ дар ин кишвар пешгирӣ кардааст. Абий Аҳмад, нахуствазири Эфиопия, рӯзи 22-юми июн ба телевизиони давлатӣ гуфт, нақшаи табаддулотро як генерали артиш ва дигарон кашида буданд. Вай афзуд, дар ҷараёни амалиёт шуморе кушта ва захмӣ шудаанд. Сафорати Амрико дар Эфиопия гуфт, дар бораи даргириҳои мусаллаҳона дар шаҳри Аддис-Абаба иттилоъ дарёфт кардааст. Эфиопия яке аз муттаҳидони асосии Амрико дар минтақа дониста мешавад.

Гулнора Каримова, духтари раиси ҷумҳури пешини Узбекистон, ки дар зиндон адои ҷазо мекунад, аз президент Шавкат Мирзиёев хостааст, нисбат ба ӯ раҳм кунад. Вай дар номае гуфтааст, вазъи саломатиаш хуб нест.

Манобеи бахши узбекии Радиои Озодӣ гуфтаанд, ки раиси ҷумҳури ин кишвар Шавкат Мирзиёевро ҳангоми сафараш ба шаҳри Оҳангарони вилояти Тошканд “фиреб” додаанд. Мирзиёев рӯзи 1-уми июни имсол дар Оҳангарон як бинои кӯдакистонро кушод ва ба истифода дод. Дар ҳоле ки, ба қавли сокинон, сохтмони кӯдакистон ниҳоӣ нашудааст ва баъдан рафтани презиент дубора дари онро бастаанд. “Кӯдаконеро, ки ҳангоми сафари президент ҳамчун тарбиятгирандаҳои бочға муаррифӣ карданд, ба “иҷора” гирифта буданд”, -- гуфтааст... Читать дальше...

Аъзои ҳизбҳои сиёсии Тоҷикистонро аз ҳаққи узвият дар Кумисюни марказии интихобот, як ниҳоди нозир ба ҷараёни раъйдиҳӣ ва шумориши овоз, маҳрум хоҳанд кард.

Бозиҳои даври ниҳоии Ҷоми Конфедератсияи футболи Осиё - 2019 26 июни соли равон доир мегарданд

Расонаҳои амрикоӣ гузориш доданд, ки Иёлоти Муттаҳида алайҳи системаҳои компютерии Эрон ҳамлаҳои киберӣ анҷом додааст. Рӯзномаи “Вашингтон Пост” ва хабаргузории “Ассошиайтед Пресс” ба нақл аз мақомҳои амрикоӣ гузориш доданд, ки ҳамлаҳо рӯзи 20-уми июн, пас аз чанд соати сарнагунии як ҳавопаймои бесарнишини амрикоӣ тавассути Эрон, сурат гирифтааст. Ҳар ду расона рӯзи 22-юми июн навиштанд, ҳамлаҳои киберӣ ба компютерҳои артиши Эронро Доналд Трамп, раиси ҷумҳури Амрико тасдиқ карда буд. Мақомҳои... Читать дальше...

Сафорати Амрико аз сокинони Тоҷикистон хостааст, ки ба ҳар гуна пешниҳод барои гирифтани раводид ё визаи ин кишвар фирефта нашаванд, вагарана осон ба доми фиребкорон меафтанд. Солҳои охир бархе аз шаҳрвандони Тоҷикистон дар талоши роҳ ёфтан ба Амрико ва кишварҳои аврупоӣ ҳастанд, то ҷойи кор ва маоши муносиб пайдо кунанд. Масъулони сафорат рӯзи 23-юми июн дар огоҳии расмӣ дар Фейсбук гуфтанд, иддае бо истифода аз номи созмонҳои мустақар дар Амрико хадамоти додани раводидро пешниҳод ва дар иваз пул талаб кардаанд. Читать дальше...

Расонаҳои Куриёи Шимолӣ рӯзи 22-юми июн гузориш доданд, ки Ким Чен Ун, раҳбари ин кишвар, аз ҷониби Доналд Трамп, раиси ҷумҳури Амрико, “номаҳои хеле хуб” гирифтааст. Ҳарчанд ҷузъиёти номаҳо ошкор намешавад, хабаргузории марказии Куриёи Шимолӣ гуфт, Ким Чен Ун аз муҳтавои онҳо “хеле розист”. Хабаргузории марказии Куриёи Шимолӣ ҳамчунон гузориш дод, ки Ким Чен Ун аз шуҷоати Доналд Трамп ситоиш кардааст. Қасри Сафед то ҳанӯз дар бораи ин номаҳо чизе нагуфтааст. Нахустин дидори раҳбарони Амрико... Читать дальше...

Дастаи мунтахаби наврасони то 16-солаи Тоҷикистон тими мунтахаби Узбакистонро дар бозии дӯстона шикаст дод

Раиси ҷумҳури Амрико гуфт, рӯзи 24-уми июн зидди Эрон таҳримҳои нав ҷорӣ мекунад, то ин кишвар ба силоҳи ҳастаӣ дастрасӣ пайдо накунад. Ҳушдори Доналд Трамп як рӯз баъди он садо дод, ки ӯ гуфта буд, фақат даҳ дақиқа пеш аз анҷоми ҳамлаҳо ба Эрон аз тасмими худ баргашт.

"Тарҳи "Як камарбанд – як роҳ"-и Чин дар он сурат боис ба рушди иқтисод ва коҳиши фақр мешавад, ки дар кишварҳои шомили ин тарҳ ислоҳоти бунёдии сиёсӣ сурат гирад." Ин хулосаи Бонки Ҷаҳонӣ дар мавриди тарҳи пуриддаои Чин аст. Гузориш охири ҳафтаи гузашта нашр шуд.

Рӯзи 22-юми июн дар шаҳри Хуҷанд бахшида ба Рӯзи Истиқлолияти давлатии Тоҷикистон 2-юм мусобиқаи байналмилалӣ дар ришати шиноварӣ оғоз ёфт

Даҳҳо муҳоҷири тоҷик, ки дар як корхонаи дару тирезасозӣ дар шаҳри Одинтсовои вилояти Маскав кор мекунанд, ба эҳтимоли заҳролудшавӣ ба бемористон бурда шудаанд. Ҳодиса баъд аз зуҳри 22-юми июн рух додааст.