Новости за 07.06.2019

Шоми 7 июн дар саҳнаи Zygmunt Hübner Powszechny – як театри Варшава нахустнамоише бо номи «Бонувони паноҳанда» ба саҳна гузошта шуд, ки дар он занҳои муҳоҷир қиссаҳои худро баён мекунанд. Коргардони ин намоишнома Катарина Сингиера мегӯяд, чор зани муҳоҷир аз Тоҷикистон, Ироқ, Доғистону Чеченистон ва ҳамчунин ҳунарпешаҳои Полша аз саргузаштҳои талхи худ қисса мекунанд. Дар нақши паноҳандаи тоҷик – зане аз Тоҷикистон бо номи Гулбарг Сайфова, модари чор фарзанд аст, ки бо далелҳои сиёсӣ тарки кишвар карда дар Полша муқимӣ шудааст. Читать дальше...

Як пурсиш маълум кардааст, ки сайтбандӣ дар Тоҷикистон натиҷаи баръакс дод ва мардум ҳамоно аз сомонаҳое истифода мебаранд, ки дастрасӣ ба он муттасил маҳдуд мешавад

Бозии дӯстона миёни тимҳои миллии футболи Тоҷикистон ва Афғонистон, ки шоми имрӯз, 7-уми июн, дар Варзишгоҳи марказии шаҳри Душанбе баргузор шуд, бо ҳисоби мусовии 1:1 ба поён расид.

Рӯзи 9-уми июн дар Қазоқистон интихоботи зудҳангоми президентӣ баргузор мешавад. Кумисюни марказии интихобот ва раъйпурсии Қазоқистон гуфт, дар дохил ва хориҷи кишвар даҳ ҳазор нуқта ва ҳавзаи овоздиҳӣ ташкил кардаанд.

Хешовандонаш ба Радиои Озодӣ гуфтанд, ки ӯ шоми 6-уми июн дар хона ва дар миёни фарзандону дигар наздиконаш ҷон додааст. Фарзандаш Аҳмад гуфт, Султони Ҳамад гирифтори саратони меъда буд ва тайи 8 моҳи ахир аз ин беморӣ ранҷ кашидааст.

Бахтиёр Усмонов, навраси 11-солаи тоҷик қиссаи аз дохили чоҳи оби ҷӯш наҷот додани як ҳамсолашро ба Радиои Озодӣ нақл кард.

Иттиҳодияи Аврупо аз ҳукумати Тоҷикистон хост, парвандаи вакили мудофеи зиндонӣ Бузургмеҳр Ёровро бознигарӣ кунад, вазъи озодии баёнро беҳбуд бахшад ва шиканҷа дар боздоштгоҳу зиндонҳоро пурра аз байн барад.

Мақомоти Афғонистон мегӯянд, дар як амалиёт дар вилояти Форёб 83 нафарро аз зиндони Толибон раҳо карданд. Дар байни онҳо се шаҳрванди Тоҷикистон, чаҳор нафар аз Узбекистон ва як шаҳрванди Қирғизистон будаанд, ки ба ДИИШ нисбат дода мешаванд.

Журналисти маъруфи таҳқиқгар Иван Голунов, ки барои вебсайти мустақили хабарии Meduza, қароргоҳаш дар Латвия кор мекунад, ахиран дар Маскав бо иттиҳоми гӯё фурӯши маводи мухаддир боздошт ва латукӯб шуд.

Додгоҳи шаҳри Хуҷанд муҳлати боздошти Шамил Ҳакимов, узви 68-солаи созмони насронии "Шоҳидони Яҳво"-ро то 26-уми июни имсол дароз кардааст. Фаъолияти ин созмон аз соли 2007 боз дар Тоҷикистон мамнуъст. Шамил Ҳакимов моҳи феврали имсол дастгир шудааст. Созмони “Форум 18” навишт, алайҳи ӯ бо моддаи “барангехтани кинаву адовати миллӣ ва мазҳабӣ” парванда кушодаанд. Қонуни ҷиноии Тоҷикистон барои ин амал аз панҷ то даҳ сол зиндонро пешбинӣ мекунад. Бино ба хабари “Форум 18”, Шамил Ҳакимов гӯиё ҷамъияти “Шоҳидони Яҳво”-ро раҳбарӣ мекард. Читать дальше...

Мардуми деҳоти офатзада мунтазири кумак мебошанд, хабарнигори шинохта Султони Ҳамад дар Душанбе дафн шуд, собиқ раиси зиндони Хуҷанд худ аз озодӣ маҳрум гашт, боздошти тоҷикони узви гурӯҳи даҳшатафкани "давлати исломӣ" дар Афғонистон ва матолиби дигар.

Чархаи дувуми нерӯгоҳи барқи обии Роғун ба таври санҷишӣ ба кор оғоз кардааст, аммо феълан нерӯи барқ истеҳсол намекунад.

Созмони Дидбони ҳуқуқи башар (Human Rights Watch) гуфт, аз эҳтимол дур аст, ки интихоботи президентии рӯзи 9-уми июн дар Қазоқистон "аз интихоботҳои пешина фарқ дошта бошад". Интихоботҳое, ки ба қавли масъулони созмон, аз тарафи нозирони мустақил ноозод ва ноодилона баҳогузорӣ шудаанд.  Ин изҳорот рӯзи 5-уми июн зери номи "Интихоботи Қазоқистон ва интиқоле, ки вуҷуд надорад" аз номи муҳаққиқи созмони Human Rights Watch (HRW) Мира Риттман нашр шуд. Дар он гуфта шудааст, ки ҳукумати Қазоқистон мисли пешин худкома боқӣ мондааст. Читать дальше...

Роҳбарони 11 кишвар, аз ҷумла Тоҷикистону Русия, Чин, Қазоқистон, Узбекистон, Ҳинд ва Покистон барои иштирок дар нишасти Созмони ҳамкориҳои Шонгҳой дар шаҳри Бишкеки Қирғизистон ҷамъ меоянд. Президентҳои Афғонистон, Белорус, Эрон ва Муғулистон низ ба ҳайси нозир дар ин нишаст ширкат мекунанд. Дар ин бора аз дастгоҳи президенти Қирғизистон рӯзи 7-уми июн хабар доданд. Дар поёни нишаст имзои наздик ба 20 ҳуҷҷат дар назар аст. Қарор аст, саммит рӯзҳои 13-14-уми июн баргузор шавад. Дар робита ба... Читать дальше...

Вазорати энержӣ ва захираҳои оби Тоҷикистон рӯзи 7-уми июн хабар дод, ки Иттиҳоди Аврупо барои сохтани нерӯгоҳи барқи обии "Себзор" дар ноҳияи Роштқалъаи вилояти Бадахшон 20 миллион евро медиҳад. Неругоҳ дар дарёи Шоҳдара сохта шуда, маблағи Иттиҳоди Аврупо харҷи сохтмонро пурра мепӯшонад. Сохтмони неругоҳ ҳанӯз соли 2015 оғоз ёфта буд. Нерӯгоҳи "Себзор" 10 МВт иқтидор хоҳад дошт. Мақомот мегӯянд, барқи ин неругоҳ на танҳо вилоятро таъмин мекунад, балки ба Афғонистон ҳам содирот мешавад. Баъд... Читать дальше...

Дар шаҳри Ишқобод, пойтахти Туркманистон, сартарош ва устоҳои холкӯбӣ пас аз фишори мақомот ба фаъолияти пинҳонӣ гузаштаанд. Бахши туркмании Радиои Озодӣ навишт, ки бештари онҳо дар ҳоли ҳозир дар хонаҳо кор мекунанд.  Бастани кошонаву сартарошхонаҳо дар пойтахти Туркманистон охирҳои моҳи май оғоз шуд. Соҳибони сартарошхона, кошонаҳои ҳусн ва ҳуҷраҳои масҳгарӣ гуфтанд, ки ба иллати дароз нашудани иҷозатномаи корашон маҷбуранд фаъолиятро қатъ кунанд. Ин марказҳо бештар дар хиёбонҳои марказии Ишқобод ҷойгир буданд. Читать дальше...

Интизор меравад, ширкати "Новапорт", ки қароргоҳаш дар шаҳри Маскав аст, идораи фурудгоҳҳои Самарқанд, Урганҷ ва Намангони Узбекистонро ба даст бигирад. Созиши пешакӣ дар ин бора ҳангоми сафари ахири сарвазири Русия Дмитрий Медмедев ба шаҳри Тошканд ҳосил шудааст. "Созишномаро 30-юми май мудири ширкат Роман Тротсенко ва муовини аввали вазири нақлиёти Узбекистон дар ҳузури сарвазирони ду кишвар имзо карданд. Албатта, ин ҳоло дар шакли ёддошт аст. Ширкатҳо паҳлӯҳои иқтисодии тарҳро меомӯзанд ва... Читать дальше...

Дар барномаи имрӯзи "Озодӣ Онлайн" назару андешаҳои Шуморо дар бораи се чиз ба ҳама мерасонем. Дар бораи пули муҳоҷирон, гум шудани онҳо дар Русия ва ид кардани кӯдакон дар Тоҷикистон.

Ҳафт асири гурӯҳи Толибон аз ҳисоби ҷангҷӯёни созмони тундрави “Давлати исломӣ” ва шаҳрвандони кишварҳои Иттиҳоди Давлатҳои Мустақил будаанд. Ахиран нерӯҳои Афғонистон дар пайи як амалиёт дар вилояти Форёб 83 нафарро аз зиндони Толибон раҳо карданд. Дар байни онҳо 10 тан аз саркардаҳои ДОИШ низ будааст. Як мақоми афғон рӯзи 6-уми июн ба хабаргузории “Интерфакс” гуфтааст, се нафари онҳо зодагони Тоҷикистонанд, ки дар гузашта узви гуруҳи террористии “Ансоруллоҳ” будаанд. Ҳамчунин ба гуфтаи ин мақоми афғон... Читать дальше...

Дар барномаи имрӯзи "Озодӣ Онлайн" назару андешаҳои Шуморо дар бораи се чиз ба ҳама мерасонем. Дар бораи пули муҳоҷирон, гум шудани онҳо дар Русия ва ид кардани кӯдакон дар Тоҷикистон.

Конгресси 69-уми ФИФА (Федератсиюни байналмилалии футбол), ки рӯзи 5-уми июн дар Порис баргузор шуд, Ҷанни Инфантиноро аз нав ба вазифаи президенти ин ташкилоти ҷаҳонӣ интихоб кард. Инфантинои 49-солаи швейтсарӣ ягона номзад ба ин вазифа буд.  Ӯ аз моҳи феврали соли 2016 ба ФИФА раҳбарӣ мекунад. То ӯ президенти ФИФА Йозеф Блаттер буд. Вай соли 2015 дар пайи моҷарои давомдори марбут ба фасоди густарда дар ФИФА билохира баъди 17 соли раҳбарӣ ба футболи ҷаҳонӣ канор рафт.  Ҷанни Инфантино вазифаи... Читать дальше...

Бар асари омадани сел дар ноҳияи Панҷи вилояти Хатлон як сокини 63-солаи ноҳия ҷон бохтааст. Мақомоти Кумитаи ҳолатҳои фавқулодаи Тоҷикистон рӯзи 7-уми июн гуфтанд, “Марат Зокиров дар саҳро гӯсфанд мечаронд ва зери сел монд.” Тафсилоти аз ин бештар дар даст нест. Ҳодиса рӯзи шашуми июн рух додааст. Марат Зокиров дар деҳаи “Пешқадам”-и ноҳияи Панҷ мезист ва чӯпонӣ мекард. Дар як ҳафтаи ахир дар минтақаҳои гуногуни Тоҷикистон сел омад ва даҳҳо манзили сокинон ва роҳҳоро вайрон кард. Дар ин ҳодиса дар Панҷакент ва Хуросон се нафар ҷон бохтанд. Читать дальше...

Эътилофи минтақавии кишварҳои Амрико аз ҷомеаи байналмилалӣ даъват кард, то болои муттафиқони Вэнесуэлла, аз ҷумла Русия, фишори бештар оранд. Онҳо гуфтанд, бояд бӯҳрон дар ин кишвари Амрикои Ҷанубӣ рафъ гардида, "ҳукуамти ғайриқонунӣ" аз қудрат дур шавад. Рӯзи 6-уми июн гурӯҳи Лима, ки дар он шумораи зиёди кишварҳои амрикоӣ имзо гузоштаанд, изҳорот пахш намуд. Ин гуруҳ таъкид кардааст, ки кишварҳои пуштибони режими президенти Вэнесуэлла Николас Мадуро бояд зери фишори бештар қарор гиранд. Аз ҷумла, Русия, Чин, Куба ва Туркия. Читать дальше...

Фармондеҳони воломақоми нерӯҳои мусаллаҳи Амрико мегӯянд, ирсоли нерӯҳои иловагии амрикоӣ ба Халиҷи Форс боис шуд, ки Теҳрон аз нақшаи ҳамла болои нерӯҳои Амрико даст кашад. Дар айни замон генерал Френк Маккензӣ таъкид мекунад, ки таҳдид аз сӯи Эрон ҳанӯз ҳам воқеист. Рӯзи 6-уми июн дар шаҳри Бағдод фармондеҳи ситоди марказии нерӯҳои мусаллаҳи Амрико Маккензӣ дар сӯҳбат бо рӯзноманигорон иброз дошт ки эҳтимол барои рафъи таҳдиди Эрон сафарбарии нерӯҳои иловагӣ дархост шавад.

Варзишгарони тоҷик дар 5-умин Бозиҳои ҷаҳонии наврасон (World Junior Compatriot Games), ки дар шаҳри Ханти-Мансийски Русия баргузор шуд, сазовори ду медал – 1 тилло ва 1 нуқра гардиданд