Новости за 27.05.2018

Вакилони Маҷлиси Намояндагон – палатаи поёнии порлумони Тоҷикистон – тарҳи қонуни нав “Дар бораи ҳифзи маълумоти шахсӣ”-ро дуруст кардаанд. Бино ба ин қонун, ба гурӯҳи маълумоти дорои хусусияти маҳрамона – гӯш кардани сӯҳбатҳои телефонӣ, фош кардани маълумот дар бораи бемории инсон, ҳаёти хусусиву оилавиаш шомил мешавад. “Маълумоти шахсии инсон иттилоъ дар бораи  ному насаб, ҷои таваллуд, маҳалли зист, шумораи фарзандон, вазъи саломатӣ, хусусиятҳои физиологӣ ва биологиро дар бар мегирад”, - гуфта шудааст дар тарҳи қонун. Читать дальше...

Ташхиси тиббии пеш аз издивоҷ ҳам шубҳаи баъзе аз домодҳоро дар мавриди гӯиё нодухтар будани ҳамсаронашон рафъ накардааст.

Доналд Трамп, раиси ҷумҳури Амрико, гуфт, ҳанӯз ҳам умедвор аст, ки рӯзи 12-уми июн бо раҳбари Куриёи Шимолӣ дар Сингапур мулоқот хоҳад кард. Трамп чанд рӯз пеш аз эҳтимоли лағви дидораш бо Ким Чен Ун хабар дода буд. Раиси ҷумҳури Амрико рӯзи 26-уми май дар Вашингтон гуфт, “нияти хуб дар бораи ин мулоқот вуҷуд дорад”. “Бисёриҳо рӯи ин тарҳ кор мекунанд ва он ба хубӣ пеш меравад. Мо рӯзи 12-уми июн дар Сингапур дидор хоҳем кард. Ин сана тағйир накардааст ва ҳама чиз ба хубӣ пеш меравад. Хуб, бибинем, ки чӣ иттифоқ хоҳад афтод”, - афзуд ӯ. Читать дальше...

Бозии даври ниҳоии Лигаи қаҳрамонҳои УЕФА шаби 26-уми май дар варзишгоҳи “Олимпийский”-и Киев - пойтахти Украина баргузор шуд

Вазорати дифои Русия гуфт, ки чаҳор сарбози ин кишвар аз тарафи ҷангҷӯён дар Дейр-аз-Зор, шарқи Сурия кушта шудаанд. Вазорат рӯзи 27-уми май дар ин бора бо нашри баёнияи расмӣ хабар дод. Дар баёния гуфта шудааст, дар ҷараёни ҳамлаи шабонаи гуруҳи террористҳо ба пойгоҳи нирӯҳои ҳукуматии Сурия панҷ сарбози дигари рус ҷароҳат бардоштаанд. Вазорати дифои Русия мегӯяд, дар ин даргирӣ беш аз чиҳил ситезаҷӯ кушта шуд. Русия се сол боз дар ҷанги дохилии Сурия даргир мебошад ва бо мудохилаи худ ба идомаи ҳаёти ҳукумати Башор Асад кумак кардааст. Читать дальше...

Раҷаб Таййиб Эрдуғон, раиси ҷумҳури Туркия, аз ҳамватанонаш хост, ки сармояҳои худ ба доллар ва евроро ба лираи туркӣ иваз карда, арзиши пули миллии кишвари худро дар баробари ончи “дасисаҳои саррофии аҷнабӣ” номид, боло бибаранд. Эрдуғон ин тақозоро рӯзи 26-уми май ҳангоми суханронӣ дар гирдиҳамоӣ дар шаҳри Эрузрум баён кард. Ин гирдиҳамоӣ зимни талошҳо барои интихоботи раёсати ҷумҳурӣ ва порлумонӣ, ки қарор аст рӯзи 24-уми июни имсол баргузор шавад, доир шуда буд.

Як имдодрасони бритониёии эрониасл, ки дар Теҳрон зиндонист, ба хотири иттиҳомҳои нав дубора муҳокима хоҳад шуд. Дар ин бора Мӯсо Ғазанфарободӣ – раиси маҳкамаи инқилобии Теҳрон – рӯзи 26-уми май хабар дод. Нозанин Зоғарӣ-Ратклифф давраи ҳабси панҷсоларо дар Эрон адо мекунад. Ӯро ба тавтиапароканӣ алайҳи ҳукумат айбдор кардаанд. Аммо хонавода ва низ Бунёди Томсон Ройтерз ин иттиҳомро рад мекунанд. Хонум Зағорӣ-Ратклифф ба унвони мудири тарҳе барои Бунёди Томсон Ройтерз кор мекард. Ӯ ҳангоми дидор... Читать дальше...

Донишомӯзони тоҷик дар як сабқати байналмилалӣ дар Ҳиндустон 12 медали тилло ба даст оварданд. Ҳафтумин Олимпиадаи байналмилалӣ аз фанни риёзиёт, физика, кимиё ва биология аз 20 то 26-уми май дар Донишгоҳи Амитии шаҳри Ноидаи Ҳиндустон баргузор шуд. Дар олимпиада хонандаҳои 15 кишвар, аз ҷумла Тоҷикистону Афғонистон, Озарбойҷон, Амрико, Бангладеш, Туркия ва Қазоқистон, иштирок доштанд. Тоҷикистонро дар сабқат 27 нафар намояндагӣ кард. Сафорати Тоҷикистон дар Ҳиндустон рӯзи 27-уми май эълон кард... Читать дальше...

Аз ин ба баъд раисони донишгоҳу мудирони мактабҳо, донишҷӯён, муҳаққиқон ва профессорони тоҷик ҳақ надоранд, бе иҷозаи мақомот ба сафари хидматӣ ваё таҳсил ба хориҷа раванд.

Камёфт шудани маводи ғизоӣ дар шаҳри Ишқобод, маркази Туркманистон, навбати тӯлонии сокинонро дар назди фурӯшгоҳҳо ба вуҷуд овардааст. Баъзе аз онҳо ба хотири риоя накардани “қоидаи” навбатпоӣ бо якдигар даст ба гиребон мешаванд. Бархе аз сокинонии шаҳри Ишқобод дар суҳбат бо Радиои Озодӣ гуфтанд, ки мардум аз нисфи шаб дар навбат истода, равған ва як кило орду як кило қанди сафед мегиранд. Як сокини Ишқобод ба шарти ифшо нашудани номаш ба Радиои Озодӣ гуфт, ҳафтаҳои охир дар назди мағозаҳои... Читать дальше...

Тоҷикистон барои муайян кардани омилҳои нест ва биёбоншавии чарогоҳҳо донишмандони Чинро даъват кардааст.

Вазорати умури хориҷии Тоҷикистон чаҳор кӯдаки тоҷикро аз Сурия ба ватан оварда, вале ному насаби онҳоро ошкор накард. Ин кӯдакон рӯзи 26-уми май ба Душанбе расиданд. Дар Вазорати умури хориҷӣ гуфтанд, ки "ба хотири ҳимояи ҳуқуқи атфол ва риояи ҷанбаҳои ахлоқӣ" аз тафсилоти бештар ва ифшои номи кӯдакон худдорӣ мекунанд. Аз ин пеш, дар моҳи апрели имсол, мақомот чаҳор кӯдаки тоҷикро аз паноҳгоҳе дар маркази Ироқ ба ватан оварда буданд, ки яке аз онҳо Марям Шоеваи ёздаҳсола аст. Он вақт мақомот ному насаб ва... Читать дальше...

​Дастаи «Реал»-и Испания дар бозии ниҳоии Лигаи қаҳрамонҳои УЕФА бар тими  “Ливерпул”-и Англия бо ҳисоби 3:1 пирӯз шуд. Ин бозӣ шаби 26-уми май дар варзишгоҳи “Олимпийский”-и Киев - пойтахти Украина барпо гардид.