Новости за 12.09.2022

Ministri i Mbrojtjes së Izraelit, Benny Gantz, tha se Irani po përdor mbi 10 ndërtesa ushtarake në Siri për të prodhuar raketa të avancuara dhe armë. Për vite me radhë, Izraeli ka kryer sulme në Siri ndaj atyre që i përshkruan si shënjestra të lidhura me Iranin. Duke folur në një konferencë në Nju Jork, Gantz prezantoi një hartë që ai tha se paraqesin ndërtesat ushtarake të Centre D'Etudes et de Recherches Scientifiques (CERS), agjenci qeveritare siriane, që sipas tij është e përfshirë në prodhimin e raketave dhe armëve për Iranin. Читать дальше...

Organizatorët e ngjarjes panevropiane për komunitetin LGBT, EuroPride, kanë nisur këtë ngjarje më 12 shtator në Serbi, me vendosjen e flamujve me ngjyra të ylberit. EuroPride po mbahet në Beograd të Serbisë pavarësisht se mbajtja e kësaj ngjarjeje u anulua muajin e kaluar nga autoritetet. Ceremonia hapëse e javës së EuroPride kaloi pa incidente, pavarësisht protestave të grupeve fetare dhe nacionaliste dhe paralajmërimeve të presidentit të Serbisë, Aleksandar Vuçiq, i cili muajin e kaluar tha se kjo ngjarje nuk do të mbahej. Читать дальше...

Agjencia Evropiane e Barnave (EMA) ka rekomanduar autorizimin e një doze të modifikuar të vaksinës kundër koronavirusit të kompanisë Pfizer-BioNTech. Kjo dozë përfshin mbrojtjen nga dy variantet e fundit të Omicron-it, teksa shtetet evropiane po tentojnë të fuqizojnë fushatat e imunizimit të popullsisë para dimrit. EMA tha më 12 shtator se studimet laboratorike sugjerojnë se vaksina e kombinuar – që shënjestron virusin origjinal të sëmundjes COVID-19 dhe nënvariantet e Omicron-it BA.4 dhe BA.5 – duhet të shkaktojë një përgjigje efektive. Читать дальше...

“Kam një vit këtu, tani më është bërë njëjtë”, thotë Dragica Gashiq, pjesëtarja e parë nga komuniteti serb e kthyer në Gjakovë - qytet rreth 80 kilometra në perëndim të Prishtinës. Ajo u kthye në vendlindjen e saj dy dekada pas zhvendosjes prej aty. Por, kthimi në një mjedis ku gjatë luftës së viteve 1998/99 u vranë më shumë se 1 mijë bashkëqytetarë të saj shqiptarë, u bë shkak për rezistencë dhe protesta, vitin e kaluar. Sot, Gashiq thotë se beson se qytetarët e Gjakovës e kanë pranuar kthimin e saj dhe se nuk ka më probleme. Читать дальше...

Disa gra bjelloruse po marrin pjesë në stërvitje ushtarake në Poloni, që po organizohen nga ish-pjesëtarë të forcave të sigurisë së Bjellorusisë, të cilët kanë dalë kundër sundimtarit autoritar, Alyaksandr Lukashenka, dhe tani synojnë ta çlirojnë vendin e tyre. Gjatë stërvitjeve, tri gra kanë folur për Radion Evropa e Lirë rreth motiveve të tyre. (Përgatitën: Trim Haliti dhe Bujar Tërstena)

Një ekspert për të drejtat e njeriut i Kombeve të Bashkuara tha se kushtet në Afganistan, nën sundimin e talibanëve, po shkojnë “drejt autoritarizmit”, teksa bëri thirrje për ndryshime që të ndalet ky trend. “Ndalesat e ashpra ndaj të drejtave të grave dhe vajzave, veprimet hakmarrëse ndaj kundërshtarëve dhe kritikëve dhe shtypja e lirisë së shprehjes nga talibanët përbëjnë rrëshqitje drejt autoritarizmit”, tha Richard Bennett, raportues i posaçëm i OKB-së për situatën e të drejtave të njeriut në Afganistan. Читать дальше...

Nevoja për mbrojtjen e shtetit nga sulmet kibernetike është po aq e madhe sa edhe mbrojtja fizike përmes ushtrisë dhe policisë. Kështu vlerësojnë ekspertët e fushës së informatikës dhe të komunikimit pas sulmeve kibernetike ndaj faqes zyrtare të Ministrisë së Arsimit dhe Shkencës të Maqedonisë së Veriut. Që nga 10 shtatori faqja e kësaj ministrie është jashtë funksionit pas sulmit nga një grup hakerësh grek, që mori përgjegjësinë. Në faqen e Ministrisë së Arsimit në internet u shfaq mesazhi, “Hakuar nga ekipi grek i hakerëve Netëatchers”... Читать дальше...

Ministria e Drejtësisë e Maqedonisë së Veriut njoftoi të hënën, më 12 shtator, se po kërkon ekstradimin nga Hungaria të ish-kryeministrit, Nikolla Gruevski. Gruevski më 13 nëntor të vitit 2018 ishte arratisur në Hungari, ndërsa pak ditë më vonë kishte njoftuar se autoritetet në Budapest i kishin miratuar kërkesën për azil politik, për shkak të, siç ka thënë, “ndjekjes politike nga Qeveria e kryeministrit [të atëhershëm të Maqedonisë së Veriut] Zoran Zaev”. Pretendimet e tij janë hedhur poshtë... Читать дальше...

Mbreti Charles III tha para Parlamentit britanik të hënën se është “i vendosur që me besnikëri” të ndjekë shembullin e nënës së tij, Mbretëreshës Elizabeth II, teksa shtoi se deputetët britanikë janë “instrumenti i demokracisë sonë”. Gjatë ceremonisë në Parlament, Charles e shfrytëzoi këtë adresim për të nderuar nënën e tij dhe u zotua se do të respektojë parimet e qeverisjes kushtetuese. “Në kohën kur ishte shumë e re, Mbretëresha u zotua se do të shërbente për shtetin dhe popullin e saj dhe... Читать дальше...

Kancelari gjerman Olaf Scholz, ka shprehur keqardhje që Irani nuk është pajtuar me propozimet e shteteve evropiane për ringjallje të marrëveshjes bërthamore. Sipas tij, një refuzim i tillë zvogëlon mundësitë për arritje të marrëveshjes “në të ardhmen e afërt”. “Më vjen keq që Irani nuk ka dhënë përgjigje pozitive për propozimet e bëra nga koordinatorët evropianë”, ka thënë ai në një konferencë për media në Berlin. “Irani nuk ka arsye që të mos pajtohet me këto propozime”. Gjermania është një prej tri shteteve evropiane ... Читать дальше...

Zahrije Shala, një grua në të 50-tat nga Malisheva, thotë se i është dashur të presë tre vjet për të kryer një operacion në Klinikën e Kirurgjisë Vaskulare të Qendrës Klinike Universitare të Kosovës (QKUK). “Vetëm tash, pas gjithë asaj pritjeje, kam arritur ta kryej operacionin në këmbë”, thotë Zahrija. Ajo kishte probleme me venat e gjakut dhe është gati të përfundojë rikuperimin në spital. Thotë se pritja e gjatë për operacion ia ka rënduar si sëmundjen, ashtu edhe gjendjen psikologjike. ... Читать дальше...

Numri i njerëzve që bëjnë punë të detyrueshme apo që janë të martuar kundër dëshirës së tyre, shkon në gati 50 milionë në vitet e fundit, ka thënë Agjencia e Kombeve të Bashkuara për Punën. Në raportin më të ri të kësaj agjencie është thënë se krizat sikurse pandemia e koronavirusit, konfliktet e armatosura dhe ndryshimet klimatike kanë rritur pengesat në punësim dhe edukim. Për pasojë, është rritur varfëria ekstreme dhe migrimi i detyrueshëm, është thënë në raport. Kombet e Bashkuara kanë... Читать дальше...

Në Bërdo të Sllovenisë mbahet të hënën samiti i Procesit Bërdo-Brioni, ku do të diskutohet për situatën në Ballkanin Perëndimor. Përveç nikoqirit të takimit, presidentit slloven, Borut Pahor, është paralajmëruar se do të marrin pjesë edhe presidentja e Kosovës, Vjosa Osmani, i Shqipërisë, Bajram Begaj, i Serbisë, Aleksandar Vuçiq, i Malit të Zi, Millo Gjukanoviq, i Maqedonisë së Veriut, Stevo Pendarovski, i Kroacisë, Zoran Millanoviq, si dhe anëtarët e presidencës trepalëshe të Bosnjës, Shefik Xhaferoviq, Millorad Dodik dhe Zhelko Komshiq. Читать дальше...

Vizitorëve në Zelandë të Re nuk do t’iu kërkohet që të jenë të vaksinuar kundër koronavirusit për të hyrë në shtet, ka thënë kryeministrja e këtij vendi, Jacinda Ardern. Ky shtet nuk do të kërkojë më as vendosjen e maskës, përveç në spitale dhe shtëpi të kujdesit për të moshuarit. “Është koha që në mënyrë të sigurt të kalojmë në kapitullin e ri të menaxhimit të koronavirusit dhe të jetojmë pa masat e jashtëzakonshme që i kemi miratuar më parë”, ka thënë Ardern. Ky shtet pati mbyllur kufijtë... Читать дальше...

Rezultati i zgjedhjeve në Suedi ka qenë shumë i ngushtë për të shpallur rezultatin, ka thënë kryeministrja e këtij shteti, Magdalena Andersson. Në sondazhe fillimisht është parashikuar fitorja e koalicionit të krahut të majtë – që është në pushtet – mirëpo rezultatet më vonë kanë sugjeruar se mund të fitojë blloku i krahut të djathtë. Imigrimi dhe veprat kriminale kanë qenë dy çështje kyçe të fushatës. Partia e ekstremit të djathtë, Demokratët e Suedisë, synon të bëhet partia e dytë më e madhe në shtet. Читать дальше...