Новости за 04.10.2019

Arabia Saudite po shqyrton një propozim të rebelëve Huthi në Jemen, për një formë të armëpushimit, e cila nëse do të arrihet, mund të forcojë përpjekjet e SHBA-së për të përfunduar një luftën shkatërruese, në njërin nga vendet më të varfëra të botës arabe. Rebelët Huthi gëzojnë mbështetjen e Iranit. Dy javë më parë, rebelët thanë se mund të ndalin sulmet me raketa dhe dronë në Arabinë Saudite, nëse koalicioni i mbështetur nga perëndimi, dhe i udhëhequr nga Arabia Saudite, ndal sulmet ndaj tyre. Читать дальше...

Ambasadori i Shteteve të Bashkuara në Kosovë, Philip Kosnett u ka bërë thirrje qytetarëve të Kosovës që të marrin pjesë në zgjedhjet parlamentare të 6 tetorit. Përmes një video mesazhi, ambasadori Kosnett, kujtoi se sikurse SHBA edhe në Kosovë secila votë vlen. “Në Kosovë, sikurse në SHBA secila votë vlen. Secili zë ka rëndësi. Çfarëdo pikëpamje që keni, këdo që e mbështesni - më 6 tetor dilni dhe votoni. Për veten, për shtetin, për të ardhmen tuaj”, ka thënë Kosnett. Zgjedhjet e parakohshme... Читать дальше...

Presidenti amerikan, Donald Trump, e ka emëruar Richard Grenell si të dërguar të posaçëm për dialogun Kosovë-Serbi, për shkak të besimit të madh që ka tek ai. Kështu i ka thënë Zërit të Amerikës, një zyrtar i lartë i Shtëpisë së Bardhë. Sipas tij, emërimi i një zyrtari të këtij niveli të lartë, dhe përfaqësuesi të aftë, pasqyron angazhimin e presidentit Trump për të arritur një marrëveshje paqeje afatgjatë midis Serbisë dhe Kosovës. Zyrtari amerikan, i tha më tutje Zërit të Amerikës, se përderisa... Читать дальше...

Sekretari amerikan i Shtetit, Mike Pompeo, paralajmëroi udhëheqësit e vendeve të Ballkanit për rreziqet e mundshme nga investimet kineze në teknologji dhe projekte të mëdha të infrastrukturës. "Siç e kam theksuar kudo në Evropë, unë i paralajmërova për rreziqet e investimeve kineze në teknologjitë e ndjeshme dhe strategjinë e ryshfetit të Kinës, për të siguruar marrëveshje të infrastrukturës", tha Pompeo pas takimit me zyrtarë të lartë të Maqedonisë së Veriut. Kina i ka përfshirë disa vende të... Читать дальше...

Sekretari amerikan i Shtetit, Mike Pompeo, pas takimeve në Ohër me drejtuesit shtetërorë të Maqedonisë së Veriut, ka riafirmuar mbështetjen e fuqishme amerikane për paqen, stabilitetin dhe sigurinë, jo vetëm të këtij vendi, por edhe të rajonit, në përgjithësi.

Ministrat e financave të Bashkimit Evropian do t'u thonë homologëve të tyre në një takim të G20-ës më 17 dhe 18 tetor se një përgjigje botërore është e nevojshme për monedhat digjitale, siç është ajo Libra e Facebook-ut, thuhet në një dokument të BE-së. Ministrat, të cilët do të miratojnë zyrtarisht tekstin javën e ardhshme, do t’u bëjnë thirrje gjithashtu partnerëve të G20-ës që të reformojnë aspektin tatimor ndaj kompanive digjitale në vitin 2020, dhe të adresojnë urgjentisht tensionet tregtare... Читать дальше...

Presidenti i Kosovës, Hashim Thaçi, ka zhvilluar një bisedë telefonike me të dërguarin e Shtëpisë së Bardhë për bisedimet Kosovë-Serbi, Richard Grenell. “Emërimi juaj shton besimin tonë në këtë proces dhe në mundësinë për të arritur një marrëveshje të paqes, përfundimtare, me Serbinë”, është shprehur presidenti Thaçi në këtë bisedë telefonike, njofton Presidenca e Kosovës. Presidenti Thaçi i ka thënë ambasadorit Grenell, se emërimi i tij “është konfirmim i përkushtimit personal të presidentit... Читать дальше...

Fushata e partive politike në Kosovë për zgjedhjet e parakohshme parlamentare të 6 tetorit, ashtu sikurse edhe në fushatat e mëhershme, e shpreh tranzicionin e vendit, me premtime që kryesisht nuk kanë mbulesë, thonë njohësit e zhvillimeve politike në vend. Politologu Ramush Tahiri thotë për Radion Evropa e Lirë që gjatë fushatës, e cila ka nisur më 25 shtator dhe që do të përmbyllet më 4 tetor, partitë politike kanë dhënë premtime afërsisht të njëjta. Për shembull, sipas tij, të gjitha partitë... Читать дальше...

Presidenti amerikan, Donald Trump, ka sugjeruar që Shtëpia e Bardhë të fillojë rrjetin e saj të lajmeve, për të kundërshtuar atë që ai thotë se është "urrejtje" e mediave kryesore për Shtetet e Bashkuara. "CNN është një informacion që vetëm duket si një informacion, dhe është një gjë e tmerrshme për vendin tonë. Ne duhet të fillojmë rrjetin tonë dhe të vendosim atje disa lajme të vërteta", tha Trump gjatë një fjalimi më 3 tetor në Florida . "Ne po shohim në atë drejtim...Duhet të bëjmë diçka edhe për këtë. Читать дальше...

Presidenti i Shteteve të Bashkuara, Donald Trump, i cili po përballet me procedurat për shkarkim pasi ka kërkuar nga Ukraina të hetojë rivalin e tij politik, Joe Biden, i ka bërë thirrje edhe Kinës që ta bëjë të njëjtën gjë. Ai ka thënë se edhe Kina, edhe Ukraina duhet të hetojnë Bidenin, kandidat i mundshëm demokrat për president të SHBA-së, dhe djalin e tij. “Presidentit [të Ukrainës, Volodymyr] Zelenskiy - sikur të isha në vendin e tij - do t’i rekomandoja të niste hetimin e Bidenit. Po ashtu... Читать дальше...

Bashkimi Evropian nuk ka dhënë ndonjë reagim formal dhe të drejtpërdrejtë pas emërimit të ambasadorit amerikan në Gjermani, Richard Grenell për të dërguar të posaçëm për dialogun mes Kosovës dhe Serbisë, dialog të cilin deri më tash në emër të BE-së e ka lehtësuar Përfaqësuesja e Lartë për politikë të jashtme dhe siguri, Federica Mogherini. Në BE as nuk janë në gjendje të japin ndonjë reagim formal pasi edhe vetë janë në pritje të konfirmimit të përbërjes së re të Komisionit Evropian, ku në cilësinë... Читать дальше...

Presidenti i Serbisë, Aleksandar Vuçiq, deklaroi se për të është befasues lajmi i emërimit të Richard Grenell, si i dërguar i presidentit amerikan, Donald Trump, për dialogun ndërmjet Kosovës dhe Serbisë. Ai tha se gjatë ditës (më 4 tetor) do të zhvillojë një bisedë telefonike, me Richard Grenell, që është edhe ambasador i SHBA-së në Gjermani. Pas një takimi në Beograd me përfaqësuesit e Listës Serbe, Vuçiq tha se bisedimet ndërmjet Prishtnës dhe Beogradit janë zhvilluar nën ombrellën e Bashkimit... Читать дальше...

Jetësimi i Termocentralit “Kosova e Re”, projekt ky që është në fazën finale, mbetet i varur nga zgjedhjet, përkatësisht rezultati i zgjedhjeve. Bazuar në deklaratat e partive politike gjatë fushatës për zgjedhjet e parakohshme parlamentare, të cilat do të mbahen më 6 tetor në Kosovë, subjektet politike të cilat po synojnë të krijojnë qeverinë e re, po japin vlerësime të ndryshme rreth jetësimit të projektit, që përfaqëson investimin më të madh të huaj në Kosovë. Qeveria e Kosovës kishte nënshkruar... Читать дальше...

Presidenti i Kosovës, Hashim Thaçi shprehu shqetësimin për mundësinë e frikësimit të votuesve serbë në veri të Kosovës, dhe i kërkoi misionit monitorues të Bashkimit Evropian që të jetë i pranishëm në atë pjesë të Kosovës gjatë procesit të votimeve më 6 tetor. Ai u takua më 4 tetor me një delegacion të këtij misioni, të kryesuar nga eurodeputetja, Viola von Cramon-Taubadel. Zgjedhjet e parakohshme parlamentare në Kosovë do të mbahen më 6 tetor. Përveç organizatave lokale, ato do të monitorohen edhe nga misioni i Bashkimit Evropian. Читать дальше...

Rusia ka thënë se është e interesuar për një shkëmbim të plotë të të burgosurve me Ukrainën. Zëdhënësi i Kremlinit, Dmitry Peskov, u tha gazetarëve në Moskë më 4 tetor se "angazhime të caktuara janë duke u bërë në atë drejtim". "Gjithçka varet nga gatishmëria e të dyja palëve", tha Peskov. Deklarata e tij vjen një ditë pasi ministri i Jashtëm i Ukrainës, Vadym Prystayko, tha se "një shkëmbim i gjerë i të burgosurve" do të kryhet javën e ardhshme. Më 7 shtator, Rusia dhe Ukraina shkëmbyen gjithsej 70 të burgosur. Читать дальше...

Prokurori i Përgjithshëm i Ukrainës, Ruslan Ryaboshapka, tha se ai nuk posedon prova që djali i ish-nënpresidentit, Joe Biden, kishte shkelur ligjin dhe se nuk kishte asnjë kontakt me avokatët e huaj në këtë çështje. Presidenti amerikan, Donald Trump, i kërkoi presidentit ukrainas, Volodymyr Zelenskiy, gjatë një telefonate më 25 korrik, të nisë një hetim për Joe Biden dhe djalin e tij Hunter, i cili ishte pjesë e bordit të drejtorëve të një ndërmarrje të gazit në Ukrainë. Kjo thirrje, nxiti një... Читать дальше...

Ambasadori i Shteteve të Bashkuara në Kosovë, Philip Kosnett, ka thënë se emërimi i Richard Grenell, si i dërguar i presidentit amerikan, Donald Trump për dialogun Kosovë-Serbi,  tregon përkushtimin e qeverisë amerikane për një përparim të shpejt drejt një të ardhme paqësore për rajonin. “Mezi pres të punojmë me ambasadorin Ric Grenell si të dërguarin e posaçëm të presidentit për negociatat e paqes mes Serbisë dhe Kosovës. Emërimi i tij, krahas Matt Palmer (i dërguar i Departamentit të Shtetit për Ballkanin Perëndimor)... Читать дальше...

Bashkimi Evropian punon ngushtë me Shtetet e Bashkuara për Ballkanin Perëndimor, ka thënë zëdhënësja e BE-së, Maja Kocijançiq. Reagimi i BE-së, vjen pasi presidenti amerikan Donald Trump, emëroi ambasadorin amerikan në Gjermani, Richard Grenell, të dërguar të administratës së tij në dialogun midis Kosovës dhe Serbisë. “SHBA-ja ka dhënë një kontribut të çmuar në punën tonë në Ballkanin Perëndimor, në veçanti për suksesin e dialogut (Kosovë-Serbi). SHBA-ja dhe BE-ja ndajnë interesin e fuqishëm... Читать дальше...

Kryeministri i Greqisë, Kyriakos Mitsotakis, e akuzoi Turqinë se po mundohet të "shfrytëzojë" krizën e migrantëve për qëllimet e veta, dhe tha se Ankaraja "duhet të kontrollojë flukset e migrantëve". Greqia po ballafaqohet me një rritje të numrit të migrantëve që vijnë nga territori i Turqisë. Kampet e migrantëve, kryesisht sirianë dhe afganë, janë mbipopulluar duke e shtyrë qeverinë greke të shpallë politika më të ashpra për të frenuar numrin e tyre. "Turqia ka aftësinë të kontrollojë numrin e migrantëve në Egje. Читать дальше...

Në Kosovë dhe vende të tjera të Ballkanit shqetësim mbetet numri i madh i qytetarëve që emigrojnë apo duan të emigrojnë në vende të ndryshme të Bashkimit Evropian.

Sekretari amerikan i Shtetit, Mike Pompeo ka vizituar Malin e Zi. Ai u takua me presidentin e Malit të Zi, Millo Gjukanoviq dhe kryeministrin Dushko Markoviq, ku konfirmoi mbështetjen e Uashingtonit për Podgoricën zyrtare.

Sekretari amerikan i Shtetit, Mike Pompeo ka arritur në Mal të Zi, ku ka zhvilluar takime me zyrtarët e lartë shtetëror. Gjatë qëndrimit në Podgoricë, sekretari Pompeo konfirmoi se Uashingtoni edhe më tutje do të mbështesë Malin e Zi në rrugën e integrimit evropian. “Në shikojmë në ju dhe qeverinë tuaj si udhëheqës në përpjekjet rajonale në luftën kundër korrupsionit, sundimin e ligjit dhe lirinë e mediave”, tha Pompeo në konferencën me gazetarë pas takimit më zyrtarët e Malit të Zi. "Shtetet... Читать дальше...

Sekretari amerikan i Shtetit, Mike Pompeo arritii më 4 tetor për një vizitë zyrtare në Malin e Zi.

Autoritetet në Kosovë kanë arrestuar një person, të dyshuar për krime lufte kundër popullatës civile. “Me urdhër të Prokurorisë Speciale të Republikës së Kosovës, Policia e Kosovës, ka arrestuar një person me inicialet R.D., i dyshuar se ka kryer veprën penale ‘Krime lufte kundër popullatës civile’ në kundërshtim me nenin 142 të Ligjit Penal të ish-Republikës Socialiste Federative të Jugosllavisë, ‘Krime të Luftës në shkelje të rëndë’ të Konventave të Gjenevës nga neni 144 i KPRK-së”, thuhet në njoftimin e Prokurorisë Speciale. Читать дальше...

Autoritetet në Hong Kong miratuan me urgjencë një ligj, i cili i ndalon protestiesit të veshin maska.  Udhëheqësja ekzekutive e Hong Kongut, Carrie Lam, tha se kjo masë synon "të kthejë paqen" në kohën kur rendi publik "është në rrezik". Protestat në Hong Kong kanë nisur tash e sa muaj, fillimisht kundër një ligji për ekstradimin, e cili më pas është tërhequr. Protestat më pas janë zgjeruar në fushatë kundër Kinës, pasi, sipas protestuesve, Pekini po e rrit gjithnjë e më shumë ndërhyrjen në autonominë e Hong Kongut. Читать дальше...