Новости за 18.02.2019

Presidenti i Shteteve të Bashkuara, Donald Trump, ka komentuar një intervistë të transmetuar të dielën, në të cilën pretendohej se zyrtarët amerikanë kanë diskutuar mënyrat se si ta shkarkojnë atë nga posti i presidentit. Përmes një postimi në Twitter, presidenti Trump shkroi për “sjellje tradhëtare” dhe një “përpjekje burokratike të grusht-shtetit”. Në intervistë, ish shefi i FBI-së, Andrew McCabe, tha se bisedimet ndërmjet zyrtarëve u mbajtën në vitin 2017 për t'u thirrur në një klauzolë që... Читать дальше...

Presidenti i Francës, Emmanuel Macron do ta përshkruajë Brexitin si një “thirrje për zgjim” gjatë një fjalimi të cilin pritet ta mbajë në fund të këtij muaji. Ai do të nënvizojë faktin se Evropa duhet të jetë më bindëse në përballje me fuqitë tjera rivale botërore, thanë burime në kabinetin e presidentit francez, shkruan agjencia Reuters. Fjalët e tij do të jenë një paralajmërim për kontinentin që nuk po mundet ta projektojë fuqinë e tij dhe të mbrojë veten, thanë ndihmësit e presidentit francez... Читать дальше...

Ministri i Jashtëm i Lituanisë, Linas Linkevicius, tha se sanksionet e Bashkimit Evropian ndaj Rusisë për shkak të veprimeve të saja destabliziuese në Ukrainë, janë “ndonjëherë shumë pak, ndonjëherë shumë vonë”. Në një intervistë për Radion Evropa e Lirë, Linkevicius tha se BE-ja do të jetë më efektive nëse i ndërmerr masat ndaj Rusisë, menjëherë dhe fuqishëm. BE-ja ka vënë sanksione ndaj Rusisë në përgjigje të mbështetjes së saj për militantët gjatë konfliktit që ka vrarë më shumë se 10,300... Читать дальше...

Shefja e diplomacisë evropiane, Federica Mogherini konfirmoi se është e gatshme të organizojë takime maratonike në nivel të presidentëve, në mënyrë që të arrihet marrëveshja për normalizimin e raporteve ndërmjet Kosovës dhe Serbisë. Megjithatë, ajo tha se tash për tash, nuk ekzistojnë kushte për të thirrur një takim të ri. Sipas Mogherinit, duhet të ketë “pezullim ose heqje të tarifës ndaj mallrave serbe dhe të Bosnjës” nga ana e Kosovës, në mënyrë që të krijohen kushtet për një takim të ri ndërmjet presidentëve të Kosovës dhe Serbisë... Читать дальше...

Kryeministri i Kosovës, Ramush Haradinaj, ka ripërsëritur qëndrimin e tij që taksa ndaj mallrave të Serbisë dhe Bosnjë e Hercegovinës, nuk do të hiqet. Deklaratën e tillë Haradinaj e ka bërë të hënën në Gllogjan të Deçanit, duke shtuar se nuk është mirë të provojë askush nga partnerët e koalicionit qeverisës që ta heqë taksën, pa vendim unanim e të gjithë partnerëve brenda këtij koalicioni. “Tarifa nuk hiqet deri në njohje. Kuptojeni këtë. Në këtë drejtim unë e pres përkrahjen e të gjithë juve... Читать дальше...

Organizatat që merren me përkujdesjen e migrantëve, kanë përshëndetur aksionin e Ministrisë së Punëve të Brendshme, për shpërbërjen e grupit të organizuar për trafikimin e migrantëve. Ata kanë theksuar, se në bazë të informacioneve që posedojnë,migrantët për të hyr në territorin e Maqedonisë së Veriut ilegalisht dhe me qëllim që të shlyejnë borxhet ndaj trafikantëve, jo rrallë janë detyruar të bëjnë punë nga më të ndryshmet. Nga Ministria e Punëve të Brendshme, për Radion Evropa e Lirë kanë thënë... Читать дальше...

Presidenti i Bjellorusisë, Alyaksandr Lukashenko, tha se vendi i tij gjithmonë do të jetë “partner i Bashkimit Evropian”. Pas takimit me Komisionerin Evropian për Buxhet dhe Burime Njerëzore Gunther Oettinger, presidenti Lukashenko tha se problemet mes BE dhe Bjellorusisë kanë ekzistuar gjithmonë, “por ato nuk kanë karakter kronik dhe mund të zgjidhen”. Takimi i Lukashenkos me Oettinger u mbajt vetëm pak ditë pasi ai vizitoi Rusinë, ku bisedoi me presidentin rus, Vladimir Putin, mbi bashkëpunimin e mëtejshëm të të dy vendeve. Читать дальше...

Një Gjykatë në Francë refuzoi të ndalojë shfaqjen nëpër kinematë e vendit të një filmi që ndërlidhet me skandalet seksuale të Kishës Katolike. Filmi “Grace a Dieu” i regjisorit francez Francois Ozon, fitoi çmimin kryesor në Festivalin e Filmit në Berlin. Filmi portretizon priftin Bernard Preynat, i cili ka qenë i akuzuar për ngacmimin e dhjetra djemve gjatë viteve 1980 dhe 90-të. Avokatët e Preynat thonë se filmi paraqet akuzat kundër klientit të tyre si fakte dhe se duhet të bllokohet sepse nuk respekton prezumimin e pafajësisë. Читать дальше...

Në një fshat në Kroaci, brenda një frigoriferi është gjetur trupi i një gruaje e cila ishte zhdukur më shumë se 18 vjet më parë, njoftoi policia. Policia tha se ka arrestuar motrën më të vjetër të Jasmina Dominic, e cila u raportua e zhdukur në vitin 2005, por ishte parë për herë të fundit në vitin 2000, kur ishte 23 vjeç. Trupi u gjet të shtunën në një frigorifer në korridorin e shtëpisë së familjes Dominic në fshatin Pavlovec, në verilindje të Zagrebit, njoftoi policia përmes një deklarate. Читать дальше...

Kryeministri i Kosovës, Ramush Haradinaj ka thënë se taksa doganore 100 për qind e vendosur ndaj importeve nga Serbia dhe Bosnjë e Hercegovina do të mbetet në fuqi për aq kohë sa ai të jetë në postin e kryeministrit. “Shpresoj më dëgjuat shumë mirë. Po e shihni ku kam ardhur për ta thënë. Sa jam unë kryetar qeverie taksa nuk hiqet”, ka thënë Haradinaj gjatë një vizite që i bëri kompleksit memorial në Gllogjan. Haradinaj ishte këmbëngulës se taksa nuk duhet të hiqet pa njohjen e shtetit të Kosovës nga ana e Serbisë. Читать дальше...

Krimi ekonomik, evazioni fiskal, ekonomia joligjore dhe shkalla e lartë e korrupsionit, janë disa nga problemet që e kanë përcjellë Kosovën në këto 11 vjet të pavarësisë, e të cilat po vlerësohet se kanë ndikuar negativisht edhe në zhvillimin e saj ekonomik. Me gjithë të arriturat në aspektin ekonomik, këto fenomene negative kanë penguar zhvillimin e aktiviteteve ekonomike në vend, thonë zyrtarë të Qeverisë së Kosovës dhe përfaqësues të komunitetit të bizneseve. Haki Shatri, këshilltar për ekonomi i kryeministrit të Kosovës... Читать дальше...

Kryeministri i Maqedonisë së Veriut, njëherësh kryetar i Lidhjes Social Demokrate, Zoran Zaev, tha se do të vazhdojë bisedimet me partnerët e koalicionit për gjetjen e një kandidati të përbashkët për zgjedhjet e ardhshme parlamentare. “Besoj se kjo është e mundshme. Nëse e bëjmë këtë, edhe njëherë e konfirmojmë idenë ‘një shoqëri për të gjithë’ dhe i dërgojmë mesazh të qartë qytetarëve se qëndrojmë prapa personit, për të cilin paraprakisht pajtohemi se do të ishte një president i shkëlqyeshëm i... Читать дальше...

Ministri i Jashtëm i Gjermanisë, tha se është “shumë e vështirë” të organizohet riatdhesimi i shtetasve evropianë, të cilën në Siri i janë bashkuar grupit militant “Shteti Islamik”. Një kthim mund të jetë i mundur vetëm nëse "ne mund të garantojmë se këta njerëz do të ndalohen dhe do të dërgohen këtu në gjykatë", tha Heiko Maas për televizionin ARD. Për këtë, "nevojitet informacioni gjyqësor dhe për këtë ende nuk jemi gati" tha ai. Nën kushte të tilla, sipas tij, një riatdhesim do të ishte "jashtëzakonisht i vështirë për t'u arritur". Читать дальше...

Një koment i kryeministrit izraelit, Benjamin Netanyahu në Varshavë rreth Polonisë dhe Holokaustit duket se do të zbehë samitin e liderëve të Evropës Qendrore, që do të mbahet këtë javë në Izrael. Vendimi i papritur i Polonisë për të zvogëluar prezencën në konferencën e Vishegradit, ka ngritur pikëpyetje për takimin, të cilën Netanyahu e ka cilësuar të rëndësishme për të luftuar kritikat me të cilat përballet Izraeli në forume ndërkombëtare. Kriza ka shpërthyer javën e kaluar kur Netanyahu u... Читать дальше...

Kurdët e Sirisë iu bën thirrje evropianëve të mos i lënë ata, kur grupi militant “Shteti Islamik” të jetë i mundur. Kurdët, që luftojnë kundër grupit militant IS, konsiderohen si terroristë nga ana e Turqisë. Zëdhënësi i kurdëve të Sirisë, Aldar Halil i tha agjencisë AFP se evropianët duhet të ndihmojnë në krijimin e forcave ndërkombëtare në verilindje të Sirisë. “Vendet evropiane kanë përgjegjësi politike dhe morale dhe nëse nuk i përmbahen, do të na zhgënjejnë” ka thënë ai . Zëdhënësi kurd i bëri thirrje Francës... Читать дальше...

Kryeministri i Republikës së Kosovës, Ramush Haradinaj, ka thënë se Kosova është e bekuar me miqësinë amerikane. Haradinaj takoi delegacionin amerikan, të cilët vizituan Kosovën me rastin e 11-vjetorit të pavarësisë. “Jemi të bekuar me lidhjet e përhershme unike, që kemi ndërtuar me miqtë amerikanë, bazuar në vlerat më të larta njerëzore. Zoti i bekoftë dy popujt tanë”, ka shkruar Haradinaj përmes një postimi në profilin e tij në Facebook. Në takim ishin të pranishëm edhe delegacionet nga vendet tjera. Читать дальше...

Ditën e pavarësisë së Kosovës, më 17 shkurt, një delegacion i senatorëve të Shteteve të Bashkuara të Amerikës, vizituan Komandën e Forcës Tokësore të Forcës së Sigurisë së Kosovës. Kryesuesi i delegacionit të senatorëve nga SHBA-të, senatori James M. Inhofe, tha se po punojnë në ndalimin e rritjes së ndikimit rus në rajon. “Jam i nderuar që udhëheq delegacionin nga Kongresi amerikan, në Kosovë. Kosova është një partner i rëndësishëm për Shtetet e Bashkuara dhe për NATO-n, pasi që punojmë së bashku... Читать дальше...

Rreth orës 3 të mëngjesit të së hënës, në veri të Mitrovicës ka ndodhur një shpërthim afër një lokali. Lajmin për Radion Evropa e Lirë e ka konfirmuar zëvendësdrejtori i Policisë së Kosovës për rajonin e veriut, Besim Hoti. Ai ka thënë se nuk ka të lënduar, por vetëm disa dëme materiale. “Shpërthimi ka ndodhur rreth orës të 3 të mëngjesit. Ende nuk dihen motivet e këtij incidenti. Policia ka dalë në vendin e ngjarjes dhe hetimet janë në fazën fillestare. Kryesit e këtij veprimi, ende janë të panjohur për policinë”, ka thënë Hoti. Читать дальше...

Pakistani ka thirrur për konsultime ambasadorin e tij nga Nju Delhi, pas rritjes së tensioneve në mes të dy fqinjëve të armatosur me armë bërthamore, ka njoftuar Zyra e Jashtme e Islamabadit më 18 shkurt. “Ne kemi thirrur Komisionarin e Lartë nga India për konsultime. Ai është larguar nga Nju Delhi këtë mëngjes”, ka thënë zëdhënësi i kësaj Zyre në Pakistan, Mohammad Faisal. Ky vendim ka ardhur pasi dhjetëra trupa paramilitare indiane dhe ushtarë të armatosur janë vrarë në dy incidente të ndara së fundmi. Читать дальше...

Australia ka thënë se një “subjekt i sofistikuar shtetëror” është përgjegjës për një sulm kibernetik ndaj ligjvënësve australianë më herët gjatë këtij muaji, duke mos përjashtuar mundësinë se sulmi është kryer nga një shtet i huaj. Kryeministri australian, Scott Morrison ka thënë më 18 shkurt se zyrtarët e sigurisë janë duke hetuar edhe një ndërhyrje në rrjetet e partive më të mëdha politike, pak para mbajtjes së zgjedhjeve kombëtare në muajin maj. Ligjvënësve australianë u është thënë që të ndërrojnë me urgjencë fjalëkalimet... Читать дальше...

Ish-ushtruesi i detyrës së shefit të FBI-së, Andrew McCabe ka thënë se presidenti amerikan, Donald Trump mund të ketë kryer krim kur ka shkarkuar James Comeyn nga pozita e drejtuesit të kësaj agjencie, në përpjekje për t’i dhënë fund hetimeve që po zhvillohen për presidentin Trump dhe lidhjeve të dyshuara të fushatës së tij presidenciale me Rusinë. McCabe po ashtu ka thënë, në një intevistë për programin televiziv 60 minuta në CBS, se FBI-ja ishte justifikuar për hapjen e hetimeve rreth asaj nëse... Читать дальше...

Arabia Saudite ka nënshkruar marrëveshje për investime me Pakistanin në vlerë të 20 miliardë dollarëve, duke bërë përpjekje për të forcuar ekonominë e dobët të këtij shteti. Marrëveshjet janë nënshkruar në kuadër të një turneu aziatik që është duke realizuar princi saudit i kurorës, Mohammed bin Salman. Pakistani në anën tjetër ka nevojë urgjente për të balancuar krizën buxhetore dhe është në kërkim të mbështetësve ndërkombëtarë. Në njërën nga marrëveshjet përfshihet edhe rafineria e naftës... Читать дальше...

Përkundër faktit se disa vende mund të kenë tërhequr aktin e njohjes, autoritetet në Prishtinë besojnë se janë 116 shtete që e kanë njohur Kosovën si shtet. Ky numër ishte prezantuar edhe një vit më parë, në shënimin e 10 vjetorit të pavarësisë. Konfuzioni rreth numrit të njohjeve është shtuar pas fushatës diplomatike të Serbisë e orientuar drejt shfuqizimit apo anulimit të njohjeve të Kosovës nga shtete të caktuara. Por, Fatmir Haxholli, këshilltar i ministrit të Punëve të Jashtme i Qeverisë së Kosovës... Читать дальше...