Новости за 17.01.2019

“Rusia pajtohet që Beogradi dhe Prishtina të arrijnë një marrëveshje të pranueshme reciproke në përputhje me Rezolutën 1244”, tha presidenti rus Vladimir Putin në Beograd. Kurse presidenti serb Aleksandar Vuçiq theksoi se, “Serbia është gjithmonë e gatshme për negociata dhe kompromis, por nuk pajtohet me poshtërimin”.

Presidenti i Shteteve të Bashkuara, Donald Trump, ka njoftuar se SHBA-të do të zhvillojnë teknologji të reja, për të siguruar mbrojtje të pakrahasueshme raketore si dhe për të ruajtur përparësinë ndaj vendeve si Rusia, Kina, Irani dhe Korea Veriore. Komentet e tij u bënë në Pentagon, ku filloi rishikimi i sistemit mbrojtës raketor, i pari që nga viti 2010. Presidenti amerikan tha se qëllimi i SHBA-së është i thjeshtë  "ne mund të zbulojmë dhe të shkatërrojmë" çdo raketë që vjen kundër Shteteve të Bashkuara "kudo, çdo kohë dhe në çdo vend". Читать дальше...

Presidenti i SHBA-ve,  Donald Trump tha se Partia Demokratike është "rrëmbyer" nga ata që kundërshtojnë planin e tij për një mur përgjatë kufirit ndërmjet SHBA-ve dhe Meksikës, transmeton Associated Press. Duke folur në Pentagon të enjten, Trump tha se qeveria mbetet e mbyllur, sepse demokratët e kongresit refuzojnë të miratojnë sigurinë e kufirit. Ai pretendon se demokratët në Kongres dhe Senat janë të gatshëm të negociojnë me të për të bërë një marrëveshje për të rihapur qeverinë, por "udhëheqësja... Читать дальше...

Rritja ekonomike në Kosovë këtë vit dhe në dy vitet e ardhshme, pritet të arrijë në 4.5 për qind, thuhet në raportin e fundit ekonomik për Ballkanin Perëndimor të Bankës Botërore. Krahasuar me vendet e rajonit, sipas raportit, rritja më e madhe ekonomike pritet të jetë në Kosovë. Rritja ekonomike për vendet tjera të Ballkanit Perëndimor për vitin 2019 është: Shqipëria 3.6 për qind, Maqedonia 2.9 për qind, Serbia 3.5 për qind, Mali i Zi 2.8 për qind, kurse rritja ekonomike për Bosnjë Hercegovinën ishte 3. Читать дальше...

Komisionari i Bashkimit Evropian për Zgjerim dhe Fqinjësi, Johannes Hahn, gjatë vizitës në Prishtinë është takuar me kryeministrin e Kosovës, Ramush Haradinaj. Asnjëri nuk është deklaruar për mediat pas takimit. (Video: Bujar Tërstena)

Komisionari i Bashkimit Evropian për Zgjerim dhe Fqinjësi, Johannes Hahn, po qëndron në Prishtinë, ku është pritur nga kryeministri i Kosovës, Ramush Haradinaj. Ndonëse nuk kishte deklarata pas takimit, në një postim në rrjetin social facebook, kryeministri Haradinaj ka shkruar se “në takim me Komisionarin e BE-së për Zgjerim, Johannes Hahn, ritheksova se pozicioni i Kosovës është i palëkundur në rrugën e integrimeve drejt BE-së. Në këtë drejtim, kemi shënuar progres në agjendën evropiane dhe pas... Читать дальше...

Presidenti i Rusisë, Vladimir Putin, udhëheq delegacionin e lartë rus gjatë vizitës në Serbi, me qëllim që të zhvillojë bashkëpunimin me vendin që synon të bëhet pjesë e BE-së, shkruan rrjeti televiziv britanik BBC. Në raport përmendet deklarata e Putinit para vizitës, ku akuzonte vendet perendimore për “destabilizimin” e Ballkanit. Ndërkaq “Bloomberg” në raportin për vizitën e Putinit në Serbi, thotë se ai u prit si hero, përderisa Serbia po përpiqet të fitojë fuqinë e nevojshme për të zgjidhur çështjen e Kosovës. Читать дальше...

Avokati i presidentit amerikan Donald Trump, Rudy Giuliani, tha se ai “asnjëherë nuk ka thënë se nuk ka pasur marrëveshje të fshehtë” ndërmjet Rusisë dhe anëtarëve të fushatës së presidentit në vitin 2016. Deklaratat e Giulianit, të bëra për rrjetin televiziv CNN, janë në kontraditë të drejtpërdrejtë me deklarimet e presidentit Trump, i cili disa herë ka përsëritur se nuk ka pasur bashkëpunim me Rusinë, gjatë fushatës së tij të suksesshme për në Shtëpinë e Bardhë. Megjithatë Giuliani e përshkroi... Читать дальше...

Vlera e aksioneve në tregjet botërore është në rënie për shkak të shqetësimeve mbi gjendjen e ekonomisë kineze dhe vendosjen e mundshme të tarifave amerikane për makinat evropiane. Aksionet e prodhuesve të makinave kanë rënë në 1.5 përqind pas deklaratës së përfaqësuesit të Komitetit të Financave të Senatit, Charles Grassley, i cili theksoi se presidenti amerikan, Donald Trump, është “i prirur” të vendosë tarifa mbi importin e makinave nga Evropa në mënyrë që të sigurojë kushte më të mira për tregtinë e prodhimeve bujqësore.

Presidenti i Rusisë, Vladimir Putin ka arritur në aeroportin “Nikola Tesla” të Beogradit ku është pritur nga presidenti i Serbisë, Aleksandar Vuçiq. Tre aeroplanë MIG të Serbisë e kanë përcjellur aeroplanin presidencial prej kufirit ndërmjet Hungarisë dhe Serbisë. Të dy presidentët prej aeroportit vazhduan rrugën për në qendër të Beogradit. Pjesë e diskutimeve do të jetë edhe çështja e Kosovës.

Opozita maqedonase ka bëtë të ditur se grupi i ekspertëve të VMRO DPMNE-së ka nisur punën për hartimin e ankesës që do t’i dorëzohet Gjykatës Kushtetuese për vlerësimin e kushtetutshmërisë së Ligjit për gjuhët, i cili të martën ka dalë në Gazetën Zyrtare pas firmosjes nga kryetari i Kuvendit, Talat Xhaferi. Nga VMRO-ja thonë se ligji është antikushtetues pasi është botuar pa firmën e presidentit Gjorge Ivanov, ndërsa tërësinë e ligjit, gjithashtu e kundërshtojnë, pasi sipas opozitës, Maqedoninë e bënë shtet dygjuhësh... Читать дальше...

Zëdhënësja e Qeverisë së Kosovës, Donjeta Gashi ka konfirmuar për Radion Evropa e Lirë, se Kosova  i është përgjigjur pozitivisht kërkesës së Bosnje Hercegovinës për takim në kuadër të Cefta-s, në lidhje me tarifën ndaj mallrave të Bosnjës dhe Serbisë. Mirëpo Gashi tha se “këto negociata nuk kanë të bëjnë me heqjen e kësaj mase”. "Bosnje dhe Hercegovina ka paraqitur kërkesë për një takim mbi çështjet bilaterale në kuadër të CEFTA-s. Kosova i është përgjigjur në mënyrë pozitive dhe me gjasë ministri... Читать дальше...

Ende nuk është arritur ndonjë marrëveshje ndërmjet Qeverisë së Kosovës dhe mësimdhënësve për ndërprerjen e grevës në arsim. Greva e mësimdhënësve në të gjitha nivelet arsimore ka hyrë të ditën katërt. Kryetari i Sindikatës së Bashkuar për Arsim, Shkencë dhe Kulturë, Rrahman Jasharaj tha për Radion Evropa e Lirë se ende nuk ka plotësim të kërkesave të mësimdhënësve dhe se greva po vazhdon në të gjitha nivelet arsimore. Sipas tij, greva në arsim do të vazhdojë deri në realizimin e kërkesave për ngritjen e koeficientit në Ligjin e pagave. Читать дальше...

Presidenti i Rusisë, Vladimir Putin ka arritur për vizitë në Serbi. Siç është njoftuar nga kabineti i presidentit të Serbisë, Aleksandar Vuçiq, ai do ta presë homologun e tij rus në aeroportin “Nikola Tesla”. Ky është takimi i 14-të midis dy presidentëve. Sipas agjendës së vizitës, të paraqitur nga Presidenca e Serbisë, fillimisht do të mbahet një ceremoni e vendosjes së kurorave në Varrezat e çlirimtarëve të Beogradit dhe pastaj një mirëpritje zyrtare përpara “Pallatit të Serbisë” në Beogradin e Ri. Читать дальше...

Presidenti i Kosovës, Hashim Thaçi në një përgjigje për Radion Evropa e Lirë ka deklaruar se nuk ekziston asnjë marrëveshje e nënshkruar me Serbinë, siç përflitet në deklaratat e disa politikanëve në Kosovë. Përmes një përgjigje me shkrim, Thaçi tha se aktualisht ndodhet në pushime, dhe se do ta takojë Ekipin negociator qysh të hënën.  “Unë në vazhdimësi i kam informuar të dy bashkëkryesuesit e Ekipit Negociator për të gjitha temat që janë diskutuar deri më tani në Bruksel, në kuadër të fazës së... Читать дальше...

Kryeministrja britanike, Theresa May i ka mbijetuar një vote mosbesimi në Parlamentin britanik të mërkurën dhe më pas iu ka bërë thirrje ligjvënësve nga gjithë spektri politik që të bashkohen për të thyer bllokadën që veçse ekziston lidhur me marrëveshjen për largimin e Britanisë nga Bashkimi Evropian. Ligjvënësit kanë votuar me 325 vota në të mirë të Mayt dhe 306 kundër Qeverisë së saj, vetëm 24 orë pasi plani i saj për Brexit nuk ka gjetur përkrahje në shtëpi, transmeton Reuters. Teksa është duke u afruar data e 29 marsit... Читать дальше...

Kryeministri i Kosovës Ramush Haradinaj ka thënë se mirëpret çdo këshillë që vjen nga Komisionari për Zgjerim i Bashkimit Evropian, Johannes Hahn, lidhur me taksën ndaj importeve të Serbisë dhe Bosnjë Hercegovinës. Haradinaj, i ka bërë këto komente pas homazheve që ka bërë te shtatorja e Gjergj Kastriot- Skënderbeut, me rastin e 550-vjetorit të vdekjes së tij. “Kosova ka një agjendë me BE-në për liberalizimin e vizave dhe ne kemi përmbushur të gjitha kushtet”. “Tani ka lindur edhe një temë e re... Читать дальше...

Organizata ndërkombëtare për të drejtat e njeriut Human Rights Watch vlerëson se përparimi në mbrojtjen e të drejtave të njeriut në Kosovë, gjatë vitit të kaluar, ka qenë i ngadalshëm. Në raportin e publikuar të enjten, organizata kujton se udhëheqësit e Kosovës dhe të Serbisë, në muajin gusht, kanë bërë publik një “plan kontrovers” për ndryshimin e kufijve midis dy vendeve si mundësi për zgjidhjen e problemeve të tyre. Por, plani, sipas raportit, ka ngritur shqetësime për të drejtat e njeriut, në rast të transferimit të popullatës. Читать дальше...

Zyrtarë të lartë rusë kanë hedhur poshtë pretendimet se presidenti amerikan, Donald Trump mund të ketë punuar për interesat e Moskës, duke i cilësuar këto deklarata si “absurde” dhe “të çmendura”. Ministri i Jashtëm rus, Sergei Lavrov ka thënë në një konferencë për media më 16 janar se raportimet e mediave amerikane lidhur me këtë çështje reflektojnë një rënie drastike të standardeve të gazetarisë. Gazeta The New York Times ka raportuar javën e kaluar se pas shkarkimit  të James Comeyt nga pozita e drejtorit të FBI-së më 2017... Читать дальше...

Komisionari për Zgjerim i Bashkimit Evropian, Johannes Hahn do të qëndrojë të enjten në Kosovë. Hahn është paralajmëruar se do të zhvillojë një takim me kryeministrinë e Kosovës Ramush Haradinaj. Hahn do të qëndrojë në Kosovë në kohën kur Qeveria e Kosovës nuk është tërhequr nga vendimi për taksën prej 100 për qind për produktet e importuara nga Serbia dhe Bosnje e Hercegovina. Vendosja e kësaj takse  doganore ka ngritur reagime të ashpra nga mekanizmat ndërkombëtarë. Ndërkohë, Serbia, e cila para vendosjes së kësaj takse... Читать дальше...

Shtetet e Bashkuara kanë kundërshtuar një propozim rus për ruajtjen e Traktatit për Armë Bërthamore, me arsyetimin se ky pakt nuk mund të verifikohet në mënyrë adekuate. Këto komente të bëra më 16 janar nga Nënsekretarja amerikane për Kontrollin e Armëve dhe Sigurisë Ndërkombëtare, Adrea Thompson, i kanë hapur rrugën Uashingtonit për t’u tërhequr nga kjo marrëveshje, e nënshkruar në kohën e Luftës së Ftohtë. Duke folur pas takimit në Gjenevë, me zyrtarë rusë dhe amerikanë, Thompson ka thënë se... Читать дальше...

Një gjykatë në Serbi ka liruar të dyshuarit për sulmin e vitit 2008 në Ambasadën e Shteteve të Bashkuara në Beograd. Gjykata e Apelit në Beograd ka thënë më 16 janar se ka përmbysur dënimin e pezulluar me burgim për katër persona të dyshuar dhe ka konfirmuar lirimin e tre personave të tjerë nga një gjykatë më e ulët. Prokurorët kanë dështuar që të ofrojnë të dhëna të mjaftueshme për të mbështetur padinë, është thënë në deklaratë. Protestuesit kanë tentuar të hyjnë në Ambasadën e SHBA-së në... Читать дальше...

Ka kaluar një muaj prej kur mjekët kirurgë në Kosovë janë në grevë. Ditën e mërkurë, grevës i janë bashkangjitur edhe ortopedët-kirurgë, si dhe kirurgët e spitalit regjional të Ferizajt. Aktualisht në grevë janë rreth 220 kirurgë në gjithë Kosovën. Vetëm në Qendrën Klinike Universitare të Kosovës, sipas llogaritjeve të bëra, rreth 200 operacione joemergjente në ditë, nuk po kryhen si rrjedhojë e grevës. Ngjashëm me sektorët tjerë, si arsimi, edhe kërkesa e kirurgëve është rritja e pagave përmes miratimit të Projektligjit për pagat... Читать дальше...

Senati amerikan ka kundërshtuar të mërkurën legjislacionin për të vazhduar aplikimin e sanksioneve në kompanitë e lidhura me manjatin rus, Oleg Deripaska, duke përfshirë kompaninë e aluminit, Rusal, transmeton Reuters. Senatorët kanë votuar me 57 vota për dhe 42 kundër për këtë masë derisa 11 anëtarë të Partisë Republikanë u janë bashkuar demokratëve dhe kanë votuar për rezolutën, teksa janë rritur shqetësimet për ndonjë marrëdhënie të mundshme mes presidentit amerikan, Donald Trump dhe Rusisë. Читать дальше...

Kryeministri i Greqisë, Alexis Tsipras, dhe qeveria e tij i mbijetuan votës së mosbesimit të mërkurën. Një gjë e tillë i hap rrugë Parlamentit grek që të ratifikojë marrëveshjen me Maqedoninë për emrin e kësaj të fundit. Tsipras mori mbështetjen e 151 ligjvënësve në parlamentin prej 300 ulësesh, duke e shmangur kështu thirrjen e zgjedhjeve të parakohshme. Ai e thirri votimin në parlament të dielën, pasi partneri i tij i koalicionit, Panos Kammenos, dha dorëheqje në shenjë proteste ndaj marrëveshjes. Читать дальше...