Новости за 12.08.2018

Turqia ka përfunduar përgatitjet për të krijuar më shumë zona të sigurta brenda Sirisë, ashtu siç ka bërë në të kaluarën me dy sulme ushtarake në pjesën veriore të vendit, në kufi me Sirinë, tha presidenti turk, Recep Tayyip Erdogan. Duke folur në selinë e partisë së tij, në qytetin Trabzon, Erdogan tha se çerek milion njerëz tashmë janë kthyer në zonat e çliruara në Siri, raporton Reuters. Presidenti turk, Erdogan tha se përpjekjet diplomatike dhe ushtarake në provincën siriane Idlib, kanë përshpejtuar shmangien e një “katastrofe”... Читать дальше...

Jostabiliteti politik në Kosovë mund të sjellë pasoja edhe në zhvillimin e përgjithshëm ekonomik, sidomos tek investimet direkte të huaja. Përfaqësues të investitorëve të huaj dhe komunitetit të biznesit në Kosovë, japin vlerësime të ndryshme, se sa mund të ndikojë retorika politike e kohëve të fundit, tek interesimi i investitorëve potencialë. Shpend Balija, drejtor ekzekutiv i Këshillit të Investitorëve Evropianë në Kosovë, thotë për Radion Evropa e Lirë se luhatjet politike ditore nuk kanë... Читать дальше...

Një shpërthim në një depo të armëve ka lënë të vrarë të paktën 36 civilë, përfshirë 12 fëmijë. Shpërthimi ka ndodhur në provincën veriperëndimore siriane të Idlibit, thonë aktivistët dhe grupi monitorues. Mbrojtja Civile Siriane, e njohur edhe si “Helmetat e Bardha”, tha se shpërthimi ka ndodhur në qytetin Sarmada, që gjendet afër kufirit me Turqinë. Ndërkaq, Vëzhguesi Sirian për të Drejtat e Njeriut, organizatë me bazë në Londër, fillimisht ka thënë se numri i viktimave nga ky shpërthim është 18. Читать дальше...

Ekipet për kërkim-shpëtim në Indonezi kanë gjetur tetë persona të vdekur dhe një të mbijetuar, pasi një avion i vogël u rrëzua në provincën lindore Papua. Avioni i pasagjerëve kishte në bord nëntë persona, përfshirë një 12-vjeçar, i cili mbijetoi. Avioni humbi kontaktin me kontrollin e trafikut ajror në mbrëmjen e së shtunës dhe u gjet nga banorët në qarkun Pengungan Bintang. Fëmija që ka shpëtuar nga ky aksident, ka marrë lëndime trupore dhe është dërguar në spital për trajtim mjekësor. Në Indonezi ndodhin shpesh aksidente ajrore. Читать дальше...

Në takimin në qytetin kazak, Aqtau, liderët e Azerbajxhanit, Iranit, Kazakistanit, Rusisë dhe Turkmenistanit kanë nënshkruar sot një konventë të re mbi statusin ligjor të Detit Kaspik, që është i pasur me burime. Statusi ligjor i Detit Kaspik është njëra prej çështjeve më të diskutueshme në mes këtyre pesë vendeve fqinje për më shumë se 20 vjet. Liderët, megjithatë, nuk dhanë asnjë detaj mbi marrëveshjen e arritur, gjatë fjalimeve që mbajtën përpara se të nënshkruanin dokumentin. Presidenti rus... Читать дальше...

Jeta Aliu, studente në fakultetin e Shkencave Politike në vitin e tretë, ëndërron të punojë në Ministrinë e Punëve të Jashtme të Kosovës, por ajo thotë se e ka të vështirë sepse ky profesion dominohet nga meshkujt. Sipas saj, dominimi i gjinisë mashkullore tashmë shihet edhe në fakultet. “Unë jam në përfundim të studimeve në Shkenca Politike, dhe nuk është që shoh ndonjë perspektivë të madhe në të ardhmen, për shkak se meshkujt dominojnë. Unë si femër, besoj që do të jem e dominuar, tashmë ndjehem e dominuar në disa raste edhe në fakultet. Читать дальше...

Trupi kryesor zgjedhor në Afganistan ka rekomanduar që 35 kandidatëve t’u ndalohet pjesëmarrja në zgjedhjet e ardhshme parlamentare, për shkak të dyshimeve se mund të kenë lidhje me grupe të armatosura. Komisioni i Pavarur Zgjedhor për Ankesa ka listuar emrat e kandidatëve, ku janë përfshirë edhe 12 anëtarë aktualë të Parlamentit. Gjithashtu, ky komision ka paralajmëruar se në këtë listë mund të futen edhe 45 kandidatë të tjerë. Tashmë kjo listë me emra të kandidatëve i është dërguar Komisionit të Pavarur Zgjedhor... Читать дальше...

Beteja për qytetin lindor afgan Ghazni ka hyrë në ditën e tretë, teksa forcat qeveritare dhe luftëtarët afganë kanë zhvilluar përleshje të ashpra. Ghazni, kryeqytet i provincës me po të njëjtin emër, gjendet në një autostradë kyçe që lidh dy qytetet më të mëdha afgane, Kabulin dhe Kandaharin. Anëtari i këshillit provincial, Nasir Ahmad Faqiri tha se luftimet e reja nisën në mëngjesin e sotëm në afërsi të selisë qendrore të policisë dhe shërbimit sekret. Por, sipas tij, luftime po zhvillohen edhe... Читать дальше...

Dhjetë persona janë dërguar në spital, pas të shtënave në zonën Moss Side në Mançester, ka njoftuar policia. Policia ishte thirrur në orën 2:30 të së dielës dhe ka gjetur disa persona të lënduar. Shumica e të lënduarve thuhet se nuk kanë lëndime të rënda. Shumë njerëz ishin në këtë zonë, ku është mbajtur një Karnaval i Karaibeve. “Zyrtarët policorë janë duke u munduar që të kuptojnë pse ka ndodhur ky incident dhe kush është përgjegjës. Zona është duke u kontrolluar dhe jemi duke biseduar me njerëzit që kanë qenë në vendin e ngjarjes. Читать дальше...

Këto janë disa nga fotografitë e përzgjedhura nga redaktorët e fotografisë të Radios Evropa e Lirë, të cilat janë realizuar nga ngjarje të ndryshme nëpër botë, në javën që po lëmë pas.

Agjencia amerikane e hapësirës, NASA ka nisur misionin e saj për të dërguar një satelit më pranë Diellit se kurrë më parë. Raketa që barte sondën Parker Solar, u ngrit në qiell nga Cape Canaveral, Florida. Lansimi i kësaj sonde vjen pas një përpjekje të dështuar një ditë më parë, pasi NASA njoftoi se nuk arriti të lansojë në kohë sondën për shkak të motit. Sonda e lëshuar bëhet objekti më i shpejtë në histori, i krijuar nga njeriu, raporton BBC. Të dhënat që pritet t’i marrë kjo sondë mëtojnë... Читать дальше...

Gjatë verës, me organizimin e më shumë dasmave dhe festave të ndryshme familjare, del në pah se qytetarët në Maqedoni e keqpërdorin lejen për armëmbajtje, duke shtënë në vende publike. Madje, organizatat joqeveritare thonë se një pjesë e të shtënave në festat familjare bëhet me armët që i posedojnë qytetarët pa leje. Nga dikasteri i Policisë së Maqedonisë për Radion Evropa e Lirë kanë bërë të ditur se “vetëm gjatë javës së fundit janë të regjistruar 11 raste të dëmtimeve nga të ashtuquajturit ‘plumba qorr’... Читать дальше...

Bashkimi Evropian i ka bërë thirrje Arabisë Saudite që të ofrojë informacione mbi arrestimet e grave aktiviste për të drejtat e njeriut. “BE është angazhuar në mënyrë konstruktive me autoritetet saudite duke kërkuar sqarim mbi rrethanat që lidhen me arrestimet e grave aktiviste në Arabinë Saudite”, tha një zëdhënëse e shefes për Politikë të Jashtme të BE-së, Federica Mogherini. “Ne kemi theksuar rëndësinë e rolit të mbrojtësve për të drejtat e njeriut dhe grupeve të shoqërisë civile, në procesin e reformave... Читать дальше...