د افغانستان د هواپوهنې ریاست ۳۲ ولایتونو کې د اورښتونو او سېلابونو اټکل کړی
د افغانستان د هواپوهنې ریاست په اکثریت ولایتونو کې د اورښتونو او سېلابو اټکل کړی دی.
دغه ریاست پرون یکشنبه په یوه اعلامیه کې وویل چې له بغلان او کندز ولایتونو پرته په ۳۲ نورو ولایتونو کې د باران او واورې اورېدل نن پیلېږي او تر سبا به دوام کوي.
د هواپوهنې ادارې په بېلابېلو ولایتونو کې د بارانونو اندازه له ۱۵ تر ۵۰ ملي مترو او د واورې هغه له ۱۵ تر ۵۰ سانتي مترو اټکل کړې ده.
تر دې مخکې د سالنګونو د ساتنې او څارنې ادارې مشر، عبدالله عبید ازادي راډیو ته ویلي و چې په سالنګ کې د درنې واورې اورېدل او وقفهيي توفان د جمعې ناوخته پیل شوي چې د هغه په وینا څو ورځې به دوام کوي.
هغه ویلي و چې دغه لار د ټېلري موټرو د تګ راتګ پر مخ تړل شوې ده.