د سولې خبرې؛ دوحه کې د اصلي مذاکرو پر اجنډا دویمه غونډه جوړېږي
د دواړو لوریو کاري ډلو پرون شنبه هم په خپله لومړۍ غونډه کې پر دې موضوع بحث وکړ.
د سولې په چارو کې د دولت د وزارت ویاندې ناجیې انوري رسنیو ته وویل: "دغه بحثونه نن هم دوام لري. د افغانستان اسلامي جمهوریت مذاکره کوونکی پلاوی له هغه پیاوړي ملاتړ سره چې د خلکو او د دولت د مشرتابه او د هېواد د سیاسي او ملي مشرانو له خوا یې لري، په لا ټینګ هوډ سره د تلپاتې سولې لپاره هڅه کوي."
دا لا معلومه نه ده چې اصلي مذاکرې به کله پیلېږي، خو دولت او طالبانو مذاکره کوونکي د سېپټمبر له ۱۲مې په قطر کې په مذاکرو بوخت دي.