Новости за 29.07.2025

په افغانستان کې د طالبانو د حکومت له لوري په رسنیو او خبریالانو د محدودیتونو په دوام تازه د افغانستان د خبریالانو مرکز ویلي په وروستیو دریو اونیو کې په کابل او یو بل ولایت کې د طالبانو استخباراتو او د دوی د امربالمعروف او نهی عن المنکر محتسبینو لږ ترلږه اوه خبریالان او رسنیز فعالان نیولي دي. د دغه مرکز له لوري په یوه خبرپاڼه کې د خبریالانو د نیونې پر دې تازه لړۍ اندېښنه ښودل شوې او د طالبانو له حکومته یې غوښتي چې د خبریالانو او رسنییزو فعالانو اساسي حقونو او ازادیو ته درناوی وکړي او نیول شوي خبریالان له کوم قید او شرط پرته بېرته خوشې کړي. Читать дальше...

اسدالله لودین په دې خبري ټولګه کې د نن ورځې مهمو پیښو ته کتنه کړې

پر اوکراین د روسیې د تیرې شپې په توغندیز او بې پيلوټه الوتکو برید کې لږ تر لږه ۲۰ تنه وژل شوي او لسګونه نور ټپيان شوي دي. دا بریدونه څو ساعته وروسته تر هغه وشول چې د امریکا ولسمشر ډونالډ ټرمپ وویل، د روسیې ولسمشر ولادمیر پوتین لس- دولس ورځې وخت لري چې دا جګړه و دروي. ټرمپ دوه اونۍ مخکې پوتین ته پنځوس ورځې مهلت ورکړی و، خو اوس یې دا مهلت نژدې سم نیمایي را کم کړ. هغه ویلي، که پوتین له اوکراین سره سوله ونه کړي، پر روسیې به پراخ بندیزونه ولګوي. کریملین تراوسه د ډونالډ ټرمپ له خوا دوی ته په نوي ضرب الاجل تبصره نه ده کړې.

د افغانستان د بېلابیلو ولایتونو یو شمیر اوسېدونکي ادعا کوي چې په دې ورستیو کې ترافیکي پېښې زیاتې شوې دي. دوی یې لاملونه، د سړکونو خرابوالی، د چلوونکو بې احتیاطي او ترافیکي مقراراتو ته نه پاملرنه ګني. د خوست ولایت د نادر شاه کوټ ولسوالی اوسېدونکی رووف شاه دی چې وایي شاوخوا شپږ ورځې مخکې (د جولای په ۲۳مه) د دوی په سیمه کې یوې ترافیکې پېښې یو اتلس کلن ځوان مړ او شپږ ماشومان ټپیان شول. ده ازادي راډیو ته وړاندې زیاته کړه، "دا پېښه د مازدیګر او ماښام تر منځ، د دوو موټر د تېز تګ او یو بل سره د رقابت له... Читать дальше...

د روغتیا نړیوال سازمان خبرداری ورکړی چې افغانستان کې کور په کور د پولیو واکسین پر کمپاین بندیز ماشومان په ځانګړي ډول نوي زېږېدلي هغوی، پولیو واکسین څخه د محرومیت له جدي خطر سره مخ کوي. د دې سازمان د ماشومانو ګوزڼ د بېړنۍ کمېټې له قوله په یو بیان کې چې پرون یې خپور کړی راغلي، په افغانستان کې محل په محل د واکسین تطبیق کولای د پولیو ویروس بیا راپورته کېدو ته زمینه برابره کړي. د پروان ولایت د یوې لرې پرتې سیمې اوسېدونکی عبدالمصور وايي ماشومان یې روغتیايي مرکز نه د لیرې والې له امله، د پولیو له واکسین پاتې شوي دي. Читать дальше...

د غزې د روغتیا وزارت وایي، پر دغې تړانګې د اسراییل د بریدونو له پيله تراوسه څه باندې ۶۰ زره فلسطینیان وژل شوي دي. د اسوشیتید پریس خبري اژانس د راپور له مخې وزارت دغه شمیرې نن سه شنبه ( د زمري ۷مه) اعلان کړي، خو دا یې نه دي ویلي چې څه شمیر یې پوځیان او څومره یې ملکیان دي. خبر کې راغلي چې د وژل شویو شاوخوا نیمایي برخه ښځې او ماشومان دي. دا په داسې حال کې ده چې غزه کې د لوږې کچې د لوړېدو په اړه د ملګرو ملتونو له خبرداریو وروسته دغې تړانګې ته ځمکنۍ او هوایي مرستې رسیدلي دی.

رویټرز او اېسوشیټېډ پریس اژانسونو د نیویارک د چارواکو په حواله لیکلي دي چې د جولای پر ۲۸مه یو وسلوال تن د ښار په مرکزي سیمه مېنهیتن کې یوې ودانۍ ته له ننوتلو وروسته ناتاره ډزې پیل کړې. چارواکي وايي په دې برید کې د يولیسو د یو افسر په ګډون څلور کسان وژل شوي او یو ژوبل دی. پولیس وايي له ډزو وروسته د بریدګر جسد یې ترلاسه کړی دی او ګومان کېږي چې ځان به یې پخپله ویشتی وي.

سایره شمس د دیر یوه باهمته نجلۍ ده. هغې د معذورۍ باوجود لوړې زده کړې او شاعري کوي. د سایرې شمس د شاعرۍ دوه کتابونه چاپ شوي دي. هغه وايي، د ادب او ټولنیزو فعالیتونو له لارې د نورو معذورو نجونو د حقونو لپاره غږ پورته کول غواړي. د سایره شمس خبرې دلته واورئ.

په نیویارک کې یوه بریدګر په ډزو څلور تنه وژلي او وروسته یې خپل ځان هم وژلی دی. وژل شویو کې د پولیسو هغه افسر هم شامل دی چې په خټه بنګله دیشی و.

د هند د کورنیو چارو وزیر امیت شا نن ( سه شنبه د اسد ۷مه) ویلي، هغه درې " ترهګر" یې وژلي چې په تیره اپریل میاشت کې یې په جمو او کشمیر کې پر سیلانیانو برید کړی و. هغه برید کې ۲۶ تنه ووژل شول چې وروسته یې د هند او پاکستان ترمنځ څلور ورځنۍ پوځي شخړې ته هم زمینه برابره کړه. هغه مهال هندي چارواکو بریدګر پاکستاني اتباع بللي وو چې په وینا یې د اسلام اباد په ملاتړ یې د کشمیر پهلګام سیمه کې دا خونړی برید کړی دی. پاکستاني اسلامپاله ډلو په دغه برید کې لاس لرل رد کړل. دا له ۲۰۰۸ کال راهیسې پر ملکیانو تر ټولو خونړی برید بلل شوی دی.

له ایرانه د اخراجېدونکو کډوالو لاسنیوي ته د سیمې عامو خلکو هم ور دانګلي او تر خپلې وسې مرستې ورسره کوي. فرانس پریس لیکلي، دا مرسته چې خوراکي او نور اړین مواد په کې دي، تر ډیره د هغو افغانانو له خوا برابره شوې چې په اروپایي هیوادونو او امریکا کې اوسیږي. د روان میلادي کال له پيل راهیسې یو اعشاریه شپږ میلیونه افغانان له ایرانه راغلي چې یوشمیر یې په خپله خوښه او ګڼ شمیر نور په زور ایستل شوي دي. نړیوالې موسسې هم د را ستنو شویو کډوالو لاسنیوی کوي، خو فرانس پریس ویلي، دا بنسټونه په لویه کچه د بودجې له کمښت سره مخامخ دي. Читать дальше...

د جولای پر ۲۸مه د بلوچستان په ۱۲۳ سیمو کې د ګوزڼ ضد څاڅکو ورکولو بهیر پیل شو. په دې کمپاین کې چې اته ورځې به دوام کوي ۸۸۵،۰۰۰ ماشومانو ته به د پولیو واکسین ورکړل شي. سږ کال تراوسه په بلوچستان صوبه کې د پولیو یوه پېښه هم مخې ته نه ده راغلې خو په ټول پاکستان کې یې شمېر ۱۷ دی. نور حال د مشال راډیو د خبریال په راپور کې.

رویټرز او اېسوشیټېډ پریس اژانسونو د نیویارک د چارواکو په حواله لیکلي دي چې د جولای پر ۲۸مه یو وسلوال تن د ښار په مرکزي سیمه مېنهیتن کې یوې ودانۍ ته له ننوتلو وروسته ناتاره ډزې پیل کړې. چارواکي وايي په دې برید کې د يولیسو د یو افسر په ګډون څلور کسان وژل شوي او یو ژوبل دی. پولیس وايي له ډزو وروسته د بریدګر جسد یې ترلاسه کړی دی او ګومان کېږي چې ځان به یې پخپله ویشتی وي. نور حال په دې ویډیويي راپور کې.

د پاکستان د وګړو د نوملیکنې، شناختي کارډونو او نورو اسنادو ادارې (نادرا) په ۲۰۲۱ز کال کې ویلي ول چې د هېواد شاوخوا ۴۵ مېلیونه وګړي ورسره راجسټر نه دي. په هغو کې زیاتره کسان د فارم (ب) په نوم د زېږون سند نه شتوالي له وجې شناختي کارډ نه شي جوړولای. د شناختي کارډ نه لرلو له وجې ډېری کسان تر یو خاص حد وروسته زده کړې نه شي کولای او د کار نه موندلو تر څنګ له یو لړ نورو مشکلاتو سره هم مخامخېږي. د اې اېف پي له ویډیو جوړ رپورټ.

د افغانستان د خبریالانو مرکز وايي، په کابل او یوه بل ولایت کې لږترلږه ۷ خبریالان او رسنیز فعالان نیول شوي دي. دغه مرکز پرون په یوه خبرپاڼه کې د خبریالانو د نیونو پر تازه لړۍ د اندېښنې د څرګندولو په ترڅ کې د طالبانو له حکومته غوښتي چې د خبریالانو او رسنییزو فعالانو اساسي حقونو او ازادیو ته درناوی وکړي او نیول شوي خبریالان ژر تر ژره خوشي کړي. د افغانستان د خبریالانو د مرکز په وینا په وروستیو درې اوونیو کې د امربالمعروف وزارت د محتسبانو او د استخباراتو له لوري په کابل او یوه بل ولایت کې دا خبریالان نیول شوي او وسایل یې ضبط شوي دي. Читать дальше...

«زه به له نننۍ نېټې څخه په شاوخوا ۱۰ يا ۱۲ ورځو کې نوی مهلت وټاکم.»

د کډولو  نړیوال سازمان (ای او ام) وايي چې په تیرو لسو ورځو کې له تاجکستانه افغانستان ته ستانه شوي ۹۳ سلنه کسان په زوره ایستل شوي دي.

د ایران د بهرنیو چارو وزارت پرون (دوشنبې) وویل چې د دغه هیواد ولسمشر مسعود پزشکيان دا مهال افغانستان ته د سفر کوم رسمي پلان نه ‌لري، او په دې اړه وروستۍ څرګندونې یې یوازې د نېک نیت له مخې کړې وې. د ایران د بهرنیو چارو وزارت ویندوی، اسماعیل بقایي، په تهران کې یوې خبري غونډې ته وویل چې د ولسمشر له خوا د کابل د سفر په اړه وروستۍ څرګندونې «یوازې د ښه نیت شخصي بیان» و، نه دا چې کوم رسمي یا د مهالوېش پر اساس کوم سفر پلان شوی وي. بقايي دا خبره وروسته له دې وکړه چې ولسمشر پزشکيان د یکشنبې په ورځ د بهرنیو... Читать дальше...