Новости за 03.07.2025

وړاندې کوونکی: عصمت څاروان

په باجوړ کې د جماعت اسلامي په بلنه د ناامنۍ پرضد لاریون او مظاهره شوې ده. د جولای درېیمې احتجاج ته د جماعت اسلامي، عوامي نیشنل ګوند او نورو ګوندونو سیاستوالانو ویناګانې وکړې او له حکومته یې د امنیت غوښتنه وکړه. د خیبر پښتونخوا حکومت او د پاکستان پوځ وايي، په صوبه کې امنیت ته ژمن دي او د وسلوالو ضد یې هدفي عملیاتو ته دوام ورکړی دی. د باجوړ په مرکز خار کې دا مظاهره تر هغې یوه ورځ وروسته شوې چې په یوه بمي چاودنه کې د ناوګۍ د انتظامي مشر په ګډون پینځه تنه ووژل او ۱۷ ژوبل شول. ویډیويي رپورټ.

په ورته وخت کې د "حال وش" په نوم د بشري حقونو یوې ادارې ویلي دي چې ګڼ افغانان او بې اسناده بلوڅانې د زاهدان الغدیر کیمپ ته لېږدول شوي چې هلته د څښاک اوبه او مناسب خواړه نه لري.

د طالبانو حکومت د راستنېدونکو چارو کمېسیون وايي، یوازې د چارشنبې په ورځ له ایران څخه د هرات د اسلام کلا، نیمروز د ورېښمو پله، له لارو  نږدې ۵ زره افغان کډوالې کورنۍ ورستنې شوې دي.

د پاکستان دولتي ټېلېوېژن، د انګرېزۍ ژبې ډان ورځپاڼې او نورو رسنیو د جولای پر دویمه د اېن ډي اېم اې په حواله ویلي دي چې په وژل شویو کې ۲۳ د خیبر پښتونخوا اوسېدونکي ول چې پکې ۱۰ ماشومان هم شامل دي.

په افغانستان کې اشر یو پخوانی دود دی چې پکې خلک په ډله ییزه او رضاکارانه ډول بېلابېل کارونه ترسره کوي. د جون پر ۳۰مه د پکتیا ولایت د مرکز ګردېز اوسېدونکو او د ښاروالۍ کارکوونکو په ګډه د ښار د پاکوالي لپاره لستوڼي رانغښتي ول. دوی د ښار واټونه، بازارونه او کوڅې جارو کړې. د ښاروالۍ مسوولین وايي، له دې کاره یې موخه په ولس کې دې فکر ته وده ورکول دی چې د ښار په پاک ساتلو کې باید خپله ونډه واخلی. ویډیويي رپورټ.

د امریکا مشهور رپ سندرغاړی شان دیدي کامبز د جنسي قاچاق له تورونو برایت ترلاسه کړ. خو نوموړی د فحشا اړوند تورونو کې مجرم پیژندلی شوی دی. د نوموړي مدافع وکیل دا پرېکړه "قانوني بریا" بللې، خو څارنوالانو ویلي چې کامبز لا هم ممکن د فحشا په تور تر ۱۰ کلونو بند سره مخ شي. د محکمې قاضي د ده د مشروطې خوشې کېدو غوښتنه رد کړې او ویلي یې دي چې کامبز ممکن ټولنې ته خطر پېښ کړي. په محکمه کې یو شمېر ښځو چې پخوا یې د نوموړي سره اړیکې لرلې شاهدۍ ورکړې او ادعا یې کړې چې له بدرفتارۍ سره مخ شوې دي. دا ادعاوې د محکمې... Читать дальше...

د اندنیزویا په بالي ښار مې د یوې مسافروړنکې کښتۍ د ډوبیدو له کبله۶۱کسان نادرکه دي. دغه کښتۍ له جاوه بالي ته په لار وه. په کښتۍ کې ۶۵کسان سپاره وو، چې څلور تنه يې ژغوړل شوي دي. تراوسه معلومه نه ده چې دا کښتۍ ولې ډوبه شوې ده.

د جرمني د زاکسن ایالت کې په یوې پوځي سیمه کې د اورلګیدو له کبله څه باندې ۶۰۰ هکتاره ځمکه سوځیدلی ده. د راپورونو له مخې دغه اور براندنبورګ ایالت ته رسیدلی دی. د اوروژنې ادارې ۲۰۰ مامورین هڅه کوي دغه لګیدلی اور مهار کړي. د اور له کبله په سیمه کې د معلولینو د ساتنې یو مرکز خالي شوی او د ګازو یو ساتنځای د اور د پراخیدو له جدي ګواښ سره مخامخ دی. بل پلو په براندنبورګ کې د اوروژنې ادارې دوه کارکوونکي شدید ټپیان شوي دي. دغه اور له سه شنبې راهیسې پیل شوی دی.

د امریکا د دفاع وزارت ویاند وايي، د ایران اټومي پروګرام دوه کاله شاته شوی دی. شان پارنل پرون چهارشنبې په یوه خبري کنفراس کې خبریالانو ته وویل، " زموږ معلومات ښيي چې د امریکا د بریدونو له کبله د ایران اټومي پروګرام دوه کاله شاته شوی دی". له دې وړاندې امریکايي چارواکو د ایران د دریو اټومي تاسیسات د ویجاړیدو خبره کړې وه. بل پلو، د اټومي انرژۍ د نړیوالې ادارې مشر رافایل ګروسي وایي، ایران کولی شي په څو راتلونکو میاشتو کې بیرته د یورانیم د غني کولو پروسه پیل کړي. د ګروسي دغو څرګندونو د امریکا د بریدونو... Читать дальше...

د طالبانو د حکومت د ریاست الوزرا اقتصادي مرستیال ملا عبدالغني برادر د اذربایجان له صدراعظم علي اسدوف سره د ایکو سازمان د سرمشریزې په څنډه کې کتلي دي. د طالبانو د حکومت مرستیال ویاند حمدالله فطرت پرون چهارشنبې د یوې خبرپاڼې په خپرولو سره ویلي، "په کتنه کې ملا برادر له اذربایجاني لوري غوښتي چې د کرنې د میکانیزه کولو، د اوبو مدیریت، د اسان خدمت د پروګرامونو د تطبیق، ماین پاکۍ او د مسلکي زده کړو په برخه کې له افغانستان سره مرسته وکړي". د خبرپاڼې په ټکو، ښاغلي اسدوف د کانونو د استخراج، د اوبو مدیریت او... Читать дальше...

له ایرانه د افغان کډوالو د جبري ایستلو د بهیر په چټکېدو سره یو شمېر افغان پخواني پوځيان او د ښځو د حقونو فعالان چې پر افغانستان د طالبانو له بیا واکمنېدو وروسته ایران ته کډه شوي، د فشارونو له زیاتوالي او د جبري ایستلو د احتمال په اړه اندېښمن دي. دوی ازادي راډیو ته ویلي، د خپلو پوځي او مدني فعالیتونو، مدني مبارزو او په اعتراضونو کې د ګډون له امله د طالبانو له ګواښ سره مخ دي او که بېرته په جبري ډول افغانستان ته ستانه کړل شي ژوند به یې له جدي خطر سره مخ شي. یوشمېر پخواني پوځيان وايي، د جبري ایستلو له وېرې ان له خپلو کورونو نه وځي. Читать дальше...