Новости за 27.06.2022

د افغانستان د بشري حقونو د وضعیت په اړه د ملګرو ملتونو ځانګړي راپور ورکوونکي ریچارډ بینیټ د سرپل ولایت له بلخاب ولسوالۍ د خپلسرو وژنو، د اوسېدونکو د بې ځایه کېدو، د ملکیتونو له منځه تللو او له بشري حقونو د نورو سرغړونو د اندېښمنونکو راپورونو د ور رسېدو خبر ورکړی. بینیټ نن په خپل ټویټر اکاونټ کې زیاته کړه، چې د انټرنېټ د بندېدو او د رسنیو د پوښښ نشتوالي له امله نه شي کولی دا راپورونه تایید کړي. خو هغه ټینګار وکړ، چې ټولې خواوې باید نړیوال بشردوستانه قوانین رعایت کړي. تر دې مخکې د بشري حقونو... Читать дальше...

د طالبانو حکومت د عامې روغتیا سرپرست وزیر د پکتیکا او خوست ولایتونو د زلزله ځپلو سیمو لپاره له نړيوالې ټولنې، خیریه بنسټونو او له عامو افغانانو د ډېرو مرستو غوښتنه کوي. د طالبانو حکومت د عامې روغتیا وزارت سرپرست په خوست او پکتیکا کې د زلزله ځپلیو د راتلونکي په اړه اندېښنه ښيي او له ملي او نړيوالو بنسټونو غواړي چې له دې خلکو سره ډېره مرسته وکړي. د دې وزارت سرپرست قلندر عباد د دوشنبې په ورځ یوې خبري غونډې ته وویل، چې د زلزله ځپلو سیمو اوسېدونکي سرپنا، د څښاک اوبو او خوراکي توکو ته اړتیا لري. هغه وویل... Читать дальше...

د هند او ایرلنډ ترمنځ د دوه شل اوریزه سیالیو لومړۍ لوبه کې هندوستان په ۷ ویکټو بریا خپله کړه.  د ورزشي اژانسونو د راپورونو له مخې، لوبه د باران له امله ” ۱۲ ” اورونو ته راښکته شو چې ايرلنډ په ۱۲ اورونو کې د ۴ لوبغاړو سوځېدو سر ۱۰۸ د منډو هدف وټاکه. هند ټاکل شوی هدف د لوبې په لسم اور کې د ۳ لوبغاړو په سوځېدو سره ترلاسه کړ او په ۷ ویکټو یې بریا خپله کړه. د دواړو هېوادونو ترمنځ به دوهمه او وروستۍ شل اوریزه لوبه سبا د جون ۲۸ مه نېټه په ایرلنډ کې ترسره شي.

د تکواندو په اسیايي لوبو کې نن افغان تکواندو کار حکمت الله زین خپل اندونیزیايي سیال ته ماتې ورکړه او د برونزو مډال یې وګاټه. د افغانستان د تکواندو ملي فدراسیون په خپل فېسیوک پاڼه ليکلي، چې په دغو سیالیو کې سبا دوه نور افغان لوبغاړي هم د خپلو سیالانو په وړاندې د سیالۍ ډګر ته وځي. د فدارسیون په وینا، افغان تکواندو کارانو تر دا مهاله په دې سیالیو کې درې د برنزو مډالونه ګټلي دي. د دوى په وینا، تر لاسه شوي مډالونه د محسن رضایي، علي اکبر امیري او سید رستم اکبري په نوم ثبت شوي. د فدارسیون په خبره،... Читать дальше...

د بدخشان، بغلان او سمنګان ولایتونو ترمنځ د فوټبال په سیالیو کې کندز ولایت لومړی مقام خپل کړ. د افغانستان د بدني روزنې او ورزش ریاست په خپل فېسبوک پاڼه لیکلي ،چې د بدخشان د عقابان پامیر، پیروزي سمنګان، استقلال پلخمري او د کندز پیروزي لوبډلو ترمنځ د فوټبال سیالۍ چې د سرطان میاشتې په درېيمه په کندز کې پیل شوې وې، تېره ورځ ناوخته پای ته ورسېدې. د دې ریاست د معلوماتو له مخې، د دغو سیالیو په پایله کې کندز ولایت لومړی، بغلان دوهم او بدخشان درېیم مقام خپل کړ. د دې لوبو هدف ورزش ته د ځوانانو هڅول ښودل شوي.

د طالبانو په حکومت کې یوې رسنیزې سرچینې ازادي راډیو ته ویلي، چې د لویې جرګې په خیمې کې د علماو د چهارشنبې ورځې ناستې خبري پوښښ به محدود وي. که څه هم د بشري حقونو ملاتړي بنسټونه د طالبانو په خبره، د علماو له ناستې چې ټاکل شوې د چهارشنبې په ورځ په کابل کې جوړه شي، د مثبت بدلون تمه نه لري خو له دې سره هم د رسنیو ملاتړي بنسټونه او خبریالان د دې ناستې د خبري پوښښ ورکولو غوښتونکي دي. دا خبریالایان او د رسنیو ملاتړي بنسټونه اطلاعاتو ته لاسرسی د خلکو حق بولي او د طالبانو له حکومته غواړي، چې د دې ناستې په پوښښ ورکولو کې دې محدودیت نه وضع کوي. Читать дальше...

اوکرایني ځواکونه په داسې حال کې د لېسېچانسک د دفاع هڅې کوي چې د جون پر ۲۵مه یې هغه ښار ته نېږدې د سېوېرودونېڅک ښار واک له لاسه ورکړ. روسیو ځواکونو لېسېچانسک ښار ته د ننوتو دعوه کړې چې خپلواکه سرچینو نه ده تایید کړې. دواړه ښارونه د ختیز اوکراین په دونباس سیمه کې پراته دي. د اژانس فرانس پرېس له ویډیو جوړ رپورټ.

د ایران د کورنیو چارو وزارت اعلان کړی چې په دې هېواد کې د افغان کډوالو شمېره  ۴ نیم میلیونه تنو ته رسېدلې ده. د ایران د کورنیو چارو وزارت امنیتي مرستیال سیدمجید میر احمدي وايي، د دوی د شمېرو له مخې په ایران کې د افغان کډوالو کره شمېره، له ۴ میلیون ۳۰۰ زرو تر ۴ میلیون ۵۰۰ زرو تنو ته رسېدلی ده. د ایران تسنیم خبري اژانس د ښاغلي میراحمدي له قوله لیکلي، په دې کډوالو یوازې ۲ میلیونه او ۳۰۰ زره تنه افغان کډوال په ایران کې د اوسېدو لپاره قانوني اسناد لري. ښاغلي احمدي ویلي، دا شمېرې وړاندې تخمینې وې، خو اوس د سرشمېرنې وروسته، کره شوې دي. Читать дальше...

د سيند انتخاباتي کمېشن چارواکي اعجاز احمد چوهان د جون پر ۲۶مه مشال راډیو ته وویل چې د سیاسي او مذهبي ګوندونو ترمنځ په نښتو کې دا کسان په ټنډو ادم او سکر سیمو کې وژل شوي دي.

د افغانستان په پکتیکا او خوست کې د جون پر ۲۲مه تر نیمې شپې وروسته په زلزله کې زرګونه کسانو ته مرګ ژوبله واوښته او ګڼې ودانۍ ویجاړې شوې. د پکتیکا رحمان الله هم له هغو کسانو یو دی چې په زلزله کې یې کور ړنګ شو. دی وايي، اوس خپل کور بیا ودانوي خو په یوازې سر دا کار نه شي کولای. د رویټرز اژانس ویډیويي رپورټ.

د اوکراين ولسمشر ولودمیر زلنسکي به دا غوښتنه نن د ۷ سترو صنعتي هېوادونو یا ( G7)  غونډې ته د وینا پر مهال مطرح کړي.  دا غونډه پرون یکشنبه د جرمني د مونیخ ښار په ایلماو ماڼۍ کې پیل او سبا د جون په ۲۸مه یې وروستۍ ورځ ده. له دې غونډې سره همهاله روسیې د اوکراین پر اودیسې ښار مرګونی برید کړی دی. د اوکراین پوځي قومندانۍ نن سهار وختي ویلي، پر اودیسې برید یوه ورځ وروسته تر هغه کېږي چې روسیې پوځیانو کييف کې د هستوګنې پر یوې سیمې توغندي وتوغول. پر اودیسې ښار روسیې ( Tu-22) بم غورځونکې الوتکې برید کړی... Читать дальше...

د امریکا په نیو جرسي ایالت کې یوه نڅاګره زیات عمر لرونکو ښځو ته د مصر او منځني ختیځ دودیزه نڅا ورزده کوي. هغه وايي، د رقص البطن په نوم نڅا پر مغزو او وجود ښه اغېز لري. د رویټرز اژانس له ویډیو جوړ رپورټ.

د طالبانو په مشرۍ د افغاني سرې میاشتې ټولنه وايي، په پکتیکا او خوست کې زلزله ځپلو ته خوراکي او غیرخوراکي بشپړې مرستې رسېدلي او اوس اړتیا ده چې د کورونو د رغېدو فکر یې وشي. افسر د پکتیکا د ګیان ولسوالۍ اوسېدونکی دی او هلته یې په شوې زلزله کې نه یوازې دا چې کور ړنګ شوی، بلکې د کورنۍ لس تنه یې هم په کې مړه شوي دي. د افسر د کورنۍ دوه تنه ژوندي پاتې، خو وايي، داسې ځای نه‌لري چې شپه په کې تېره کړي. نوموړی وايي: "نه تمبو لرو نه بل څه، همداسې پراته یوو. د تره زامنو او عزیزانو سره پراته یوو، خپل کور مو ټول خراب شوی دی. Читать дальше...

د طالبانو حکومت په مشرۍ د افغانستان بانک د یوې خبرپاڼې په خپرولو سره ټولو هغه کسانو ته چې د (فوریکس اپلکیشن) له لارې د پېسو انلاین راکړې ورکړې کوي خبر ورکړی چې له دې وروسته په انلاین بڼه دغه معاملې ترسره نه‌کړي. دغه بانک ویلي، چې لا هم په مرکز او ځیني ولایتونو کې له دغې لارې پولې راکړې ورکړې کیږي او دا غیر قانوني چاره ده. د افغانستان بانک ویلي، دوي هڅه کوي چې دغه کسان وپېژني او ژر تر ژره یې د قانون منګلو ته وسپاري. فوریکس د پېسو هغه انلاین بازار دی چې کارونکي کولای شي په دې بازار کې په انلاین... Читать дальше...

د طالبانو حکومت د مالیې وزارت ویلي، چې د ټولو دولتي کارونکو د سرطان د میاشتې معاش له لوی اختره مخکې ورکوي. یاد وزارت په یوې خبرپاڼه کې ویلي، چې دغه پرېکړه دوی دولتي کارنکوکو سره د همکارۍ له مخې کړې. مالیې وزارت له ټولو دولتي ادارو غوښتې چې د خپلو معاشونو حوالې دې د سرطان میاشتې تر پنځمه د دې وزارت د خزاینو لوي ریاست ته وسپاري. دغه وزارت په داسې حال کې دغه ګام پورته کوي چې د طالبانو له بیا ځلې واکمنېدو وروسته د دولتي کارکونکو په معاشونو کې جدي ستونزې رامنځته شوې چې د راپورنو پر بنسټ لاهم دغه ستونزې په خپل حال دي. Читать дальше...

د بشري حقونو د څار سازمان (هيومن رايټس واچ) د ښځو د څانګې مشره هیدر بار وايي فکر نه کوي د طالبانو له خوا جوړېدونکې غونډه کې څوک خپل غږ پورته کړای شي.

د افغانستان کرېکټ بورد وايي، په پکتیکا او خوست ولایتونو کې له زلزله ځبلو سره مرسته کوي. د کرېکټ بورد ویاند فرید هوتک نن ازادي راديو ته وویل، چې له همدې امله کرېکټ بورد یو پلاوی هم سیمې ته استولی دی. نوموړي وويل: "د افغانستان کرېکټ بورد پکتیکا او خوست ولایتونو ته د سروې په موخه یو ټیم استولی دی، چې ډېر ژر به سروې تکمبل او مرستې به ورته ورورسېږي." خو نوموړی د مرستې د رقم په اړه جزیات ور نه‌کړل. ښاغلی هوتک دا خبرې ورسته له هغه کوي، چې د افغانستان د کرېکټ مشهور لوبغاړي راشد خان مخکې تر دې زلزله... Читать дальше...

د خوړو نړیوال پروګرام وايي، د دوی ډلې د افغانستان په زلزله ځپلو سیمو کې خلکو ته د ژوند ژغورنې خوراکي مواد، انرژي بخښونکي بسکېټ او نور مواد برابروي. د دغه سازمان د اسیاپسفیک څانګې نن په یوه ټویټ کې ویلي، له تېرې چهارشنبې په دې زلزله کې تر ۱۰۰۰ ډېر کسان مړه شوي چې په هغوی کې ۱۵۵ ماشومان هم شامل دي. دغه سازمان د ټپیانو شمېر شا و خوا ۳۰۰۰ یاد کړی دی. ګڼو هېوادونو او سازمانونو له زلزله ځپلو سره د بشري مرستو اقدام کړی دی. دغې زلزلې تر ډېره په پکتیکا ولایت کې ډېر خلک اغېزمن کړي دي.

یو شمېر افغان ژورنالیستان او د دغه ټلوېزیون لیدونکي ادعا کوي، چې ملي تلوېزيون اوس د طالبانو د جګړه ييزو فعاليتونو او ځانمرګو بريدګرو ويډیوګانې خپروي او محتوا یې تر ډېره د دې ډلې په مخکینو او اوسنیو فعالېتونو او ایډيالوژۍ راڅرخي، هغه ادعا چې طالبان یې ردوي. د افغانستان ملي ټلوېزیون چې اوس د طالبانو په واک کې دی د دوی د حکومت په خوښه خپرونې کوي. د ملي ټلوېزیون اوسنۍ خپرونې د یو شمېر ژورنالېستانو او د دغه ټلوېزیون د لیدونکو له انتقادونو سره مخ دي او ادعا کوي، چې په دې ټلوېزیون کې د طالبانو جکړه... Читать дальше...

د جنوبي افریقا پولیس د لږ تر لږه ۲۰ کسانو مرموزه مړینه څېړي، چې ډېری یې تنکي ځوانان دي. دغه کسان د ایست لندن ښار په یوه مشهور بار کې دننه مړه وموندل شول. د پولیسو افسیر تمبينکوسکي کینانا پرون ویلي، لا ډېره وختي ده چې د دغو کسانو د مړینې د علت په باب څه وویل شي. چارواکو ویلي چې د قربانیانو ډېری برخه هغه تنکي ځوانان وو، چې د عالي لېسې د پای ته رسولو خوشحالي یې لمانځله. چارواکو دا نه ده منلي چې دغه کسان دې په ټېل ماټېل کې مړه شوي وي، خو ویلي یې دي چې د عدلي طب تر څېړنو وروسته به معلومه شي چې دغه کسان مسموم کړای شوي که نه.

ملګري ملتونه وايي، د اوکراین جګړه ښايي د مخدره موادو غیرقانوني تولید ته وده ورکړي، ځکه د تریاکو د بازار راتلونکی د بحران ځپلي افغانستان په برخلیک پورې اړه لري. د مخدره موادو او جرمونو په وړاندې د مبارزې لپاره د ملګرو ملتونو ادارې نن دوشنبه په خپل کلني راپور کې ویلي، د منځني ختیځ او جنوبي اسیا مخکنیو تجربو ثابته کړې، چې جنګي ساحې ښايي د جعلي مخدره موادو د تولید د عمده عامل په توګه عمل وکړي. راپور وايي د افغانستان وضعیت به چې په ۲۰۲۱م کال کې د نړۍ په سطحه د تریاکو ۸۶ فیصده تولید کړي وو، د مخدره موادو د بازارونو پر تحولاتو اغېز وکړي. Читать дальше...

د نړۍ د لویو اوه اقتصادي قدرتونو ډله G7 په بې وزلو هېوادونو کې د نړیوالو بنسټيزو پروګرامونو لپاره شاوخوا 600 ملیارد ډالر راټولوي. دوی یکشنبې د چین د یو کمربند یوې لارې د نوښت په وړاندې د سیالۍ لپاره د دې لویې اندازې بودیجې د راټولولو اعلان کړی دی. جي اوه هېوادونو ډله چین تورنوي چې د اقتصادي پروګرامونو له لارې سیاسي اهداف لټوي او د کوربه هېوادونو په پرتله خپله ډېره ګټې کوي. د امریکا ولسمشر جوبایډن وویل چې د شپږو سوو میلیاردو ډالرو له ډلې چې تر ۲۰۲۷ کال به راټولیږي ۲۰۰ میلیارده ډالره امریکا او پاتې نور د جي اوه ډلې غړي ورکوي. Читать дальше...

د تکواندو په اسیايي لوبو کې نن د افغانستان دوه لوبغاړي حکمت الله زین او رامش حسیني له خپلو سیالانو سره مخ کېږي. دا لوبې د جنوبي اسیا په کوربه‌توب له پنځو ورځو مخکې پيل شوي او نن یې وروستۍ ورځ ده. د تکواندو فدراسیون د نشراتو مسوول ذبیح الله شهزاد په خپل فېسبوک لیکلي د افغانستان د تکواندو ملي لوبغاړو تر دې دمه د اسیا له دې اتلولیزو سیالیو د ژېړو/برنزو دوه مډالونه ګټلي. محسن رضايي او علي اکبر امیري د مبارزې په برخو کې دا مډالونه ترلاسه کړي. تر هغه مخکې د فورم د اجرا په برخه کې د افغانستان یوه بل لوبغاړي سیدرستم اکبري د برنزو مډال ګټلی.

د طالبانو د حکومت د عامې روغتیا وزارت وايي چې نن (دوشنبه) په افغانستان کې د پولیو د واکسین د کمپاین پنځم پړاو پیلېږي او تر پنجشنبې به دوام وکړي. د پولیو د له منځه وړلو د ملي مرکز مشر ولي شاه مومن هیله څرګنده کړه، چې وزارت به د تېرو کمپاینونو په څېر دا ځل هم نږدې لس میلیونه ماشومان واکسین کړای شي. نوموړي وويل: "موږ په دې اونۍ کې د واکسین کمپاین مخته وړو چې د دوشنبې څخه تر پنجشنبې پورې دوام کوي. د زلزلې له امله به یوازې په پکتیکا ولایت کې کمپاین په ځنډ پيل شي." د طالبانو د حکومت د عامې روغتیا... Читать дальше...

د روغتیا نړیوال سازمان وایي د پکتیکا او خوست د زلزله ځپلو د درملنې لپاره یې شپږو روغتیايي مرکزونو سره ملاتړ کړی. دغه سازمان پرون د زلزله ځپلو خلکو د درملنې په اړه یو مفصل راپور خپور کړی. په راپور کې راغلي چې د روغتیا د نړیوال سازمان په همکارۍ باندې په پکتیکا، خوست، پکتیا او غزني ولایتونو کې شپږ روغتونونه فعاله ساتل شوي او د ټپيانو او زیان لیدلو درملنه کوي. په راپور کې د ټپیانو تازه شمېر ۲۹۴۹ تنه یاد شوی او د مړو بیا ۱۰۳۶ تنه ښودل شوی. د روغتیا د نړیوال سازمان په هڅو سربېره د ملګرو ملتونو... Читать дальше...