Новости за 17.12.2019

له افغانستانه د زرګونو امریکایي ځواکونو د وتلو احتمال، په مرګ د پاکستان د پخوانی ولسمشر پرویز مشرف محکومیدل او په ترکیه کې د لسګونو کسانو د نیولو ترڅنګ مو د فوټبال د یوه لوبغاړې د خبرو پرسر له یوې لانجې خبروو.

پاکستاني پوځ نن په خپله يوه خبرپاڼه کې ليکلي چې دې پرېکړې د پوځ په صفونو کې ډېر زيات دړد او کړاو راوست.

په پنځو کالونو کې پر قامي تګلاره څومره عمل شوی او ايا ويرجنيو کورنيو ته انصاف ترلاسه شوی دی؟ دا او نورې پوښتنې د کرښې په غاړه خپرونه کې د وژل شوي ماشومانو وکيل فضل خان اېډوکېټ، ټولنيز او سياسي فعال ضیاوالدين یوسفزي، د پښتون ژغورنې غورځنګ يوه مشره او د حقونو فعاله ثنا اعجاز او خبريال رفعت الله اورکزي سره څېړل شوې دي.

د لبنیاتو دغه مرکز په روان کال کې بازار ته ۸۰ زره کیلو شیدې عرضه کړي دي. د دغه مرکز په جوړېدو سره مالدراۍ ته د بزګرانو لیوالتیا زیاته کړې ده. نور حال د منصور خسرو په راپور کې:

د پاکستان يو ځانګړي عدالت ددې هېواد پخواني پوځي امر جنرال مشرف ته نن (سېشنبه) د ايین ماتولو او غدارۍ په تور د مرګ سزا اورولې ده. عدالت د نومبر په مياشت کې د هغه پرضدد مقدمې فيصله خوندي کړې وه.

د بې پولي خبریالانو ټولنه خبر ورکوي چې سږکال تر اوسه ۴۹ خبریالان په نړۍ کې وژل شوې دي. دا په تېرو ۱۶ کلونو کې تر بل هر وخت لږ خبریالان دي چې د یوه کال په ترڅ کې وژل کیږي خو دا شمېر په افغانستان لاهم کې د پام وړ دی. له سوریې وروسته تر بل هر هیواد ډير خبریالان سږکال په افغانستان کې وژل شوي چې شمیر یې پنځو ته رسیږي، البته تېرکال دا شمېر په دغه هېواد کې تر دې نږدې درې برابره زیات و. سربیره پر دې چې سږکال د وژل شویو خبریالانو شمېره په نړۍ کې راټیټه شوې ده، خو ۳۸۹ تنه زنداني شوي دي. د بې پولي خبریالانو... Читать дальше...

په قامي اسمبلۍ کې د شمالي وزیرستان استازي او د پښتون ژغورنې غورځنګ مخکښ محسن داوړ د غونډې دوران وویل، پنځه کاله تېرېدو باوجود د پېښې پلټنې نه دي شوي.

د غزني په ښار کې هغه سوداګر چې سوداګریز مارکیټونه جوړوي شکایت کوي چې د ودانیو د جوړولو په بدل کې سیمه ییزه اداره او د ښاروالۍ مامورین ترې په لسګونه لکه افغانۍ بډې غواړي. د کاګرانو ترڅنګ پنځوس کلن ولاړ کس چې ځان د جوړېدونکې ودانۍ مالک بولي خو نه غواړي نوم یې واخیستل شي. دی وايي، د دغه مارکیټ د جوړېدو په بدل کې سیمه ییزې ادارې او ښاروالۍ ته یې پنځه ویشت زره امریکايي ډالره رشوت ورکړی دی. هغه وايي: "دا مارکیټ چې زه جوړوم له ما څخه یې په خپله اخیستې دي، له ما څخه یې پنځه ویشت زره ډالره اخیستې دي،... Читать дальше...

د پښتو ژبې مخکښ هنرمند او ټوکمار ظاهر الله چې د بابو جي په نوم مشهور دی وايي، اووه کاله وروسته نوی البم جوړوي چې دغه البم به د نوي کال په ورځ یوټيوب کې وړاندې کوي. نور حال د ځلاند یوسفزي په ویډیويي راپور کې.

د یونېسف د نوي خپور شوي راپور پر اساس په ورځني ډول په افغانستان کې د جنګ جګړو له امله ۹ ماشومان ټپيان یا وژل کېږي.

د بلخ ولایت امنیتي چارواکو تائيد کړه چې د افغان امنیتي ځواکونو تر عملیاتو وروسته د جنبش ګوند یو سخت دريځی مشر نظام الدین قیصاري له تښتېدلو وروسته اوس هم په جوزجان ولایت کې دی. د بلخ د ملي امنیت ادارې مرستیال سید شاه سادات نن دا خبره رسنیو ته وکړه. د بلخ امنیې قومندان اجمل فایز ویلي چې تر اوسه يې له قیصاري سره اړوند ۴۵ وسله وال کسان او ګڼ شمېر جنګي مهمات ورسره نیولي دي. د امنیت اداره په داسي حال کې په جوزجان کې د قیصاري حضور تائیدوي چې تېره شپه اجمل فایز ازادي راډيو ته ويلي وو چې قیصاري یو ملي... Читать дальше...

د افغانستان لپاره د ملګرو ملتونو د سرمنشي ځانګړی استازی تدامیچي یاماموتو وايي، د ولسمشرۍ نوماندان او د هغوی پلویان باید اجازه ورکړي چې ټاکنیز کمېسیونونه خپل کارونه مخته یوسي.

د پاکستان چيف جسټس اصف سعيد کوسه وايي د ملک چارواکي او ادارې بايد پوه شي چې که رياست پر خلکو ځان تپل شروع کړي نو هغه رياست نه شي پاتېدلی.

په بلخ ولایت کې د ماین چاودنې په پېښه کې ۱۸ کسان ټپیان شوي دي. د بلخ د پولیسو ویاند عادل شاه عادل ازادي راډیو ته وویل چې دا چاودنه نن د مزار شریف دوهمې امنیتي حوزې ته نږدې په الکوزي چوک کې وشوه. ښاغلي عادل زیاته کړه چې یو ماین پر یوه بایسکل ځای پر ځای کړل شوی و او د پولیسو پر رینجر موټر وچاودېد. ده وویل چې په دې پېښه کې د ټرافیکو ۵ پولیس، د پولیسو یو سرتېری او ۱۲ ملکیان ټپيان شوي دي. د بلخ پولیسو په دې اړه د څېړنو د پیل خبر ورکړی. تر اوسه د دې پېښې مسولیت چا پر غاړه نه ده اخیستی.

د پېښور پر ارمي پبلک سکول په شوي برید کې د وژل شویو پنځمه تلین د ډېسېمبر پر۱۶مه ولمانځل شوه.

د مخابراتو وزارت د پُست ریاست به وروسته له دې د افغان تیليکام د مخابراتي شبکې سیم کارټونه، په مرکز او لایتونو کې مشتریانو ته د پست په ذریعه رسوي. د دغو خدماتو د رسولو تړون د سې شنبې په ورځ د پُست د ریاست او د افغان تیليکام د مخابراتي شبکې د مسؤلینو ترمنځ یو تړون لاسلیک شو. د افغان پُست رئیس احمد وحید ویس وویل، د دغه تړون په اساس به د هېواد په ۴۶۳ پستي مرکزونو کې د افغان تیليکام لپاره دا اسانتیاوې برابرې کړي چې خپل سیمکارټونه مشتریانو ته په خوندي او اسانه توګه ورسوي. همدارنګه د افغان تیليکام... Читать дальше...

د پاکستان سپريم کورټ د د دسمبر په ۱۶مه د پوځ د مشر ملازمت مودې غځولو په اړه په تفصيلي مقدمه کې ويلي که حکومت په شپږو مياشتو کې په دې اړه قانون جوړ نه کړي نو جنرل قمر جاوید باجوه د پوځ مشر نه شي پاتې کېدلی.

د امریکا سېنېټر لېنډسي ګراهم د پاکستان پوځ مشر جنرال قمر جاوید باجوه سره د افغانستان سولې بهیر او د سیمې د امنیت په اړه خبرې کړې دي.

د افغانستان د ټاکنو خپلواک کمېسیون وايي په څلورو ولایتونو کې د رأيو د بیا شمېرنې او څېړنې بهیر پای ته رسېدلی او ټاکل شوې چې د نن ورځې تر پایه په دوه نورو ولایتونو کې هم دغه بهیر بشپړ شي. پنجشېر، سرپل، جوزجان او تخار له هغو ولایتونو څخه دي چې د رأیو بیا شمېرنه او څېړنه په‌کې بشپړه شوې ده. د افغانستان د ټاکنو خپلواک کمیسیون وايي ټاکل شوې چې د نن ورځې تر پایه په بدخشان او فاریاب ولایتونو کې هم دغه بهیر بشپړ شي. د دې کمېسیون د دارالانشأ رئیس حبیب‌الرحمن ننګ نن ازادي راډيو ته وویل، که څه هم د بغلان... Читать дальше...

تر دې وروسته مشرف یوازې یو ځل دغې محکمې ته حاضر شو او بیا د درملنې لپاره له هېواده بهر لاړ چې تر دې دمه له پاکستانه بهر دی.

د ګراهام په وینا د افغان امنیتي ځواکونو وړتیا زیاته شوې او څومره چې د دوی وړتیا زیاتېږي هومره به د امریکايي ځواکونو شمېر کمېږي.

جوزجان کې د سړک غاړې ماین چاودنه کې یو کارګر وژل شوی او پنځه نور ټپیان دي. د جوزجان د والي ویاند عبدالمعروف اذر ازادي راډیو ته وویل، دغه پېښه نن له ماسپښین مخکې د شبرغان د جرقدوق فابریکې ته نږدې رامنځته شوې ده. هغه زیاتوي، د شبرغان د جرقدوق فابریکې څلور کاګران د غازو له څاګانو څخه د غازو د را ایستنې په هدف دغې فابریکې ته پر لاره و چې موټر یې د سړک غاړې پر ماین برابر شوی او له کبله‌یې یو کارګر روغتون ته له رسېدو وروسته ساه ورکړې او درې تور ټپیان دي. د لذر په وینا په ټپیانو کې دوه امنیتي سرتېري... Читать дальше...

د افغانستان د ښځو د سوداګرۍ او پانګونې خونه وايي، په ټول هېواد کې ۱۴۲۸ ښځې په رسمي ډول په سوداګرۍ بوختې دي. د دې خونې یوې غړې زینب یوسفي ازادي راډیو ته وویل، کېدای شي دا شمېر ډېر وي، خو له دوی سره په همدې شمېر سوداګرې مېرمنې ثبت دي. هغه زیاتوي: "دوی په بېلابېلو برخو لکه لاسي صنایعو، د خوراکي او کرنیزو سربېره د ساختماني موادو په صادراتو او وارداتو، وچې مېوې او همدا ډول غالۍ اوبدنې برخه کې په سوداګرۍ بوختې دي." مېرمن یوسفي زیاتوي، دا مېرمنې توانېدلي چې ډېر شمېرو نورو مېرمنو ته د کار روزګار زمینه برابره کړي. Читать дальше...

د جسټس وقار سېټ په مشرۍ درې کسيزه عدالت د ډېسېمبر پر ۱۷ مه نېټه د غدارۍ او ايين ماتولو په تور کې جنرال مشرف مجرم وګرځاوه او ورته يې د مرګ سزا واورله.

قطر رسماً افغانستان ته بلنه ورکړې چې د دې هېواد د ۲۰۲۰ کال نندارتون یا "Expo 2020 Qatar" کې ګډون وکړي. د افغانستان د کرنې، اوبو لګونې او مالدارۍ وزارت ویاند اکبر رستمي د سې شنبې په ورځ ازادي راډیو ته وویل، په افغانستان کې د قطر سفیر تېره ورځ د کرنې وزیر سره لیدنه کې په دې نندارتون کې د ګډون بلنه ورکړې ده. د قطر ۲۰۲۰ میلادي کال نندارتون کې د سیمې او نړۍ کرنیز محصولات نندارې ته وړاندې کېږي چې یو کال دوام کوي. ښاغلی رستمي زیاتوي، په دې لیدنه کې د قطر سفیر هیله ښودلې چې د افغانستان د هوايي شرکتونو... Читать дальше...