په غزني کې اعتراض کوونکو لا هم د ټاکنو د کمېسيون دفتر تړلی

د غزني د مرکز او ولسواليو یو شمېر او سېدونکو له تېرو شااوخوا ۳۴ ورځو راهیسې نن دوشنبه هم د دغه ولایت په مرکز کې د ټاکنو د خپلواک کمېسيون د دفتر دروازه تړلې او د یاد دفتر مخې ته يې د پرلت خېمه درولې ده.


غوښتني یې دادي چې په دغه ولایت کې دې ټاکنې حوزوي شي، پر تذکرو دې سټیکرونه نه لګول کېږي، د ټاکنو د کمېسيون په مامورینو کې دې ټولو قومونو ته یو ډول ونډه ورکول شي او په ناامنه ولسواليو کې دې د ټاکنو لپاره زمینه برابر شي.


هڅه مو وکړه چې په دې اړه د غزني د ولایتي ادارې او په مرکز کابل کې د ټاکنو د کمېسيون له مسؤلینو سره خبرې وکړو، خو هغوی په کراتو کراتو زموږ ټيلیفون ځواب نه کړ.

دا په داسي حال کې ده چې د غزني په ګاونډ وردګ ولایت کې هم خلکو په دې هدف

اعتراض کړی وو چې ګنې په دغه ولایت کې دې ټاکنې حوزوي شي.