Franske soldatar prøver å ta kontroll på veg til flyplass i Ny-Caledonia
Franske styrkar har starta ein større aksjon for å skape ro og orden i hovudstaden i Ny-Caledonia, Noumea, melder AFP.
Målet er å ta kontroll over ein vegen som går mellom hovudstaden og den internasjonale flyplassen.
Natt til søndag var det nye opptøyar i det franske landområdet i Stillehavet, trass i portforbod, unntakstilstand og forbod mot TikTok.
Seks menneske er drepne og fleire hundre er såra i uroa som starta måndag, ifølge tal frå lokale styresmakter.
Striden på Ny-Caledonia handlar om ei lovendring som skal gi stemmerett og med det meir politisk innverknad for om lag 25.000 franskmenn.
Lokale leiarar fryktar lovendringa kan gå ut over urfolket kanak.