Ерупција на вулканот Етна, прекинати летовите од Катанија

Најактивниот вулкан во Европа, Етна еруптираше денеска и исфрли пепел врз Катанија, најголемиот град во источна Сицилија, што предизвика прекин на летовите на аеродромот во градот.


Аеродромот, кој се наоѓа јужно од Етна, соопшти дека поради падот на пепелта употребата на пистата е ризична.


„Летовите ќе продолжат кога ќе има безбедносни услови за тоа“, напишаа од аеродромот на Фејсбук.


Луѓето во Катанија и блискиот град Адрано споделија фотографии од автомобили и патишта покриени со пепел. Нема извештаи за штета или повредени.


Италијанскиот Национален институт за геофизика и Вулканологијата забележа зголемена активност почнувајќи од раните утрински часови во неделата. Како мерка на претпазливост, властите за цивилна заштита го подигнаа нивото на тревога за областа.




Вулканиот Етна е еден од најактивните вулкани во светот со чести ерупции, и големи и мали. Висок повеќе од 3.300 метри, вулканот е еден од највисоките во Европа.


На почетокот на 2021 година, ерупцијата на вулканот траеше неколку недели.