Претседателски избори во Чешка, фаворити екс премиерот Бабиш и генерал Павел

Денеска и утре во Чешка се одржува првиот круг од претседателските избори. Поранешниот премиер Андреј Бабиш и поранешниот шеф на Воениот комитет на НАТО, генерал Петр Павел, кој е поддржан од гласачи од десниот центар, се фаворити на изборите, а во анкетите и изборните модели секогаш се наоѓа на прво место со поддршка од околу 27 проценти од гласачите, но разликата меѓу нив е на ниво на статистичка грешка. Трета е поранешната ректорка на Универзитетот Масарик во Брно, Дануше Нерудова, со околу 24 отсто од гласовите, додека останатите кандидати имаат поддршка само од едноцифрен процент од јавноста.


Бабиш ослободен од обвиненијата за измама


Во вториот круг пред Бабиш, според сите изборни модели и анкети, генералот Павел би победил со 57 отсто од гласовите, но и Нерудова доколку влезе во вториот круг. Аналитичарите очекуваат дека шансите на Бабиш може да се зголемат со пресудата на првостепениот градски суд во Прага, кој деновиве го прогласи Бабиш за невин и го отфрли обвинението, за злоупотреба на европските грантови од два милиони евра. Актуелниот претседател Милош Земан два пати беше избран на оваа функција. За овие избори, според проценките на аналитичарите, ќе одлучуваат неопределени гласачи, кои ги има невообичаено многу: од петтина до третина од гласачкото тело според различни анкети. Исходот од првиот круг од изборите ќе биде познат в сабота навечер, а вториот круг ќе биде за 14 дена.