ОН-Авганистан се движи „кон авторитаризам“ под талибанска власт

Специјалниот известувач за човекови права од Авганистан за ОН Ричард Бенет смета дека  условите во Авганистан под талибанско владеење водат кон авторитаризам и повика на радикални промени за да се запре трендот. Бенет на состанокот на Советот за човекови права на ОН во Женева изјави дека евидентно е „сериозното укинување на правата на жените и девојчињата, одмаздите насочени против противниците и критичарите, како и ограничувањето на слободата на изразот на талибанците е спуштање кон авторитаризам."


Авганистанските девојчиња протестираа поради затворање на средните училишта


Неговите коментари доаѓаат во истиот ден кога мисијата на ОН ја обвини владата водена од Талибанците дека ги заплашува и малтретира жените вработени во мисијата. Во соопштението на ОН е наведено дека е зебележан модел на вознемирување на авганистанскиот женски персонал на ОН од страна на талибанските властите. Во извештајот се цитираат изјави на три Авганистанки кои работат за ОН, а беа издвоени и привремено задржани на испрашување од вооружени безбедносни талибански сили.


Портпаролот на владата Билал Карими го отфрли обвинението, велејќи дека од жените било побарано објаснување, а кога било утврдено дека се вработени во ОН, тие биле ослободени.