Во Косово уапсени поранешниот градоначалник на Штрпце и уште 9 лица

Косовската полиција денеска уапси десет лица во акција во општината Штрпце. Тие се сомничат дека извршиле кривични дела земање поткуп, давање поткуп и злоупотреба на службената положба, јави дописникот на МИА од Приштина.

Меѓу уапсените е и поранешниот градоначалник на Штрпце, Братислав Николиќ, објавија официјални извори.


Цел на акцијата, изведена по налог на Основното јавно обвинителство во Урошевац, е расветлување на кривични дела во врска со нелегални градби во Брезовица на Шар Планина.



Косово би можело да ги изнајмува своите затвори на Данска


Покрај Николиќ, уапсени се и директорот на Управата за урбанизам и други општински службеници, како и сопственици на неколку претпријатија.