Новата шефица на бугарската дипломатија: Нема промена во ставот за С. Македонија

За време на примопредавањето на должноста од техничкиот министер за надворешни работи Светлан Стоев, новата министерка за надворешни работи на Бугарија Теодора Генчовска рече дека во оваа фаза нема да има промена на ставот на Бугарија и дека ќе се придржува до Договорот од 2017 година и декларацијата за Националното собрание, јави дописникот на МИА од Софија.

Техничкиот министер за надворешни работи Стоев рече дека македонската страна треба да разбере дека тоа не е прашање што може да се реши со надворешен притисок, туку само со билатерален дијалог.



Бугарскиот премиер Петков- комуникација со Скопје ќе воспоставиме во најкус можен рок


Коментирајќи ги односите меѓу Бугарија и Северна Македонија, Стоев рече дека одговорите на пакетот 5 + 1 биле презентирани на министерскиот состанок на НАТО во Рига. Светлан Стоев на прес-конференцијата рече дека во Скопје има политичари кои излегле во јавноста и рекле дека не преговарале со преодната влада во Софија, бидејќи немала мандат за тоа. Тој додаде дека имало недипломатски изјави упатени кон него дека тие не преговараат со бугарски амбасадор во Копенхаген и покрај тоа што тој во тоа време бил привремен министер на Бугарија.


На утрешниот совет Бугарија ќе ја претставува постојаниот претставник во Брисел, а на 16 декември претседателот на Бугарија Румен Радев, јавува МИА. Стоев на својата наследничка Теодора Генчовска и го предаде изготвениот документ поврзан со стратешката анализа на активностите на Министерството за надворешни работи на Бугарија