Со трета доза досега вакцинирани над 2300 граѓани
Во текот на вчерашниот ден аплицирани се вкупно 2.919 дози вакцини, од кои 565 се аплицирани како прва доза, 1.286 се ревакцинирани, а 1.068 граѓани примиле трета доза вакцина.
Според бројот на аплицирани вакцини, 38 отсто од целата популација во нашата земја е вакцинирана, а 35 проценти од популацијата во државата примила две дози вакцина.
Вакцинираните со „Синовак“ и „Синофарм“ трета доза може да примаат три месеци по ревакцина
Од крајот на минатиот месец и во Македонија почна вакцинација со трета доза. Одлуката првин важеше за лица над 60 години, здравствени работници и луѓе со послаб имунитет, а условот беше да поминеле шест месеци од последната доза. Потоа се донесе одлука тоа да важи за сите без разлика на возраста, доколку сакаат. Пред неколку денови Националниот комитет за имунизација препорача, граѓаните кои се вакцинирани со „Синовак“ и „Синофарм“, да може да примат трета доза Фајзер три месеци по вакцинирањето.