Бројот на смртни случаи од уривањето на зградата во Флорида се искачи на 97
Бројот на загинати од срушена станбена висококатница во близина на Мајами се искачи на 97 лица, соопштија властите.
Од 97-те жртви, идентификувани се 90, соопшти денеска на Твитер градоначалничката на округот Мајами-Дејд, Даниела Левин Кава.
„Вкупниот број на потврдени смртни случаи сега е 97 - зачудувачка и срцепарателна загуба на животи. Идентификувани се 90, а известени се 88 семејства“, рече таа.
Продолжува спасувачката акција во урнатата зграда во Мајами
Осум лица сè уште се водат како исчезнати, бидејќи тимовите продолжуваат да ги отстрануваат урнатините и остатоците од уривањето на зградата „Сурфајд“.
Зградата од 12 ката во Флорида делумно се сруши на 24 јуни, што доведе до повеќедневни операции за пребарување и спасување за да се пронајдат преживеани.
Никој не е извлечен жив од урнатините уште од првите часови на трагедијата.