Над 23 отсто излезеност на изборите во Штип до 15 часот

На предвремените избори за градоначалник на Општина Штип до 15 часот гласале над 23 проценти од граѓаните со право на глас, односно 9.620 гласачи, додека во Општина Пласница гласале 1.658 гласачи или 33.4 отсто, соопшти Државната изборна комисја (ДИК).


Гласањето во Штип започна денеска, откако претходно гласачките места беа дезинфицирани поради епидемијата на Ковид-19. 


На изборите за градоначалник на општината, откако во изминатите два дена гласаа болните од ковид, лицата во изолација, болните и немоќни лица и осудениците.


Изборите во Пласница и Штип се одржуваат предвремено, бидејќи претходниот штипски градоначалник стана министер, а градоначалникот на Пласница пратеник.


Во трката за градоначалник на Штип учествуваат пет кандидати, додека за Пласница двајца.  


Од ДИК наведуваат дека до овој момент до нив не пристигнале никакви преговори во однос на изборниот процес.


Право на глас во Штип имаат 41.777 граѓани, додека во Пласница 4.954. За изборите да бидат успешни треба да гласаат една третина од вкупниот број избирачи.


Гласањето започна во 7 часот, а ќе трае до 19 часот.