Опозицијата поднесе 528 амандмани на буџетот за 2021 година
Пратеничките групи доставиле 528 амандмани за Буџетот за 2021 година, за кого утре почнува комисиската расправа почнува утре и ќе трае во следните десет дена. Најголем дел од амандманите, односно 390, како што информираа од ВМРО-ДПМНЕ, се поднесени од нивните пратеници, а останатите над стотина се од Алијанса на Албанците и Алтернатива.
Буџетот за 2021 година е дел од стратегијата на Владата за економско заздравување и забрзан раст во периодот од 2021 до 2025 година. Во иницијалната фаза од планот треба да обезбеди економско заздравување од последиците од пандемијата со Ковид-19, а веќе во следните три години забрзан и одржлив економски развој.
Буџет 2021 - економијата уште две години ќе се опоравува од ковид
Предлог-буџетот за 2021 година е проектиран на 247,5 милијарди денари или околу 4 милијарди евра. Се очекува значително зголемување на
приходите за околу 8,3 отсто со што буџетскиот дефицит, од 8,5 проценти, колку што ќе биде годинава, ќе падне на 4,9 проценти од БДП. Во Предлог-буџетот за следната година проектирани се и средства во висина од 50 милиони евра за евентуални идни мерки за справување со Ковид-кризата со кои ќе го поддржи стопанството и граѓаните.