Турскиот парламент одобри распоредување војници во Карабах
![Турскиот парламент одобри распоредување војници во Карабах](https://gdb.rferl.org/6c40d683-4f7b-4f0e-aaac-e79deb9bd91c_w800_h450.jpg)
Парламентот на Турција одобри распоредување војници кои треба да им се придружат на руските сили при набљудувањето во Нагорно Карабах, откако Ерменија и Азербејџан потпишаа договор со посредство на Русија за прекин на борбите над енклавата. Мандатот ќе им овозможи на турските трупи да бидат стационирани една година како дел од договорот меѓу Анкара и Москва за следење на спроведувањето на примирјето, кое беше постигнато со територијални придобивки од страна на Азербејџан. Околу 2.000 руски мировни трупи сега исто така се распоредуваат во регионот.
Технологијата и Турција стојат зад воената победа на Азербејџан во Нагорно Карабах
Во писмото до парламентот со кое се бара одобрување на мандатот, претседателот Таип Ердоган вели дека присуството на турски трупи и, „доколку е потребно, цивилен персонал ќе биде во корист на мирот и просперитетот во регионот и за национални интереси на Турција. Примирјето потпишано на 10 ноември ја запре воената акција во и околу Нагорно Карабах.