70 милиони евра заем од ЕБОР за трамвај на тркала во Скопје
Како што соопшти владината прес-служба, проектот „Воведување на брз автобуски превоз во Град Скопје“ опфаќа воспоставување две линии за брз автобуски превоз со коридори кои се резервирани само за автобусите, со цел подобрување на квалитетот на превозните услуги на патниците во правец од Ѓорче Петров до Ново Лисиче и од Бутел до Кисела Вода, намалување на времетраењето на превозот на патниците, подобар пристап и користење на превозните услуги и за намалување на загадувањето на воздухот.
Предлог-законот за задолжување сега треба да помине во Собранието, по што ќе биде потпишан договорот на заем со ЕБОР. Истовремено, се изработува идејниот проект за трасата од Ѓорче Петров до Ново Лисиче.