Шестмина нови позитивни на коронавирус, вкупно 76
Како што се вели во соопштението на Министерството, лицата биле дијагностицирани попладнево.
„Во текот на денов потврдени се и 2 сопружници од Кавадарци позитивни на вирусот, а во процес на тестирање е уште едно лице од Кавадарци кое нема поврзаност со другите два случаи“, наведуваат од Министерството за здравство.
Досега се регистрирани заболрни од Скопје, Дебар, Гостивар, Охрид, Штип и Кавадарци.
Инаку, Владата по денешното одржување на 24 седница, меѓу другото, ја задолжи Комисијата за заразни болести при Министерството за здравство да подготви детален писмен предлог со мерки и препораки за воведување на најстроги рестриктивни мерки во врска со спречување, внесување и ширење на коронавирусот Ковид-19.
„Забрана и посебен режим на движење на територијата на Република Северна Македонија за време на ден и ноќ, организирање на јавниот превоз, сменско работење, опфатени категории на лица по возраст и истите да ги достави до Владата за седницата што ќе се одржи на 21 март“, се вели во владиното соопштение.
Исто така во соопштението на Владата се вели се задолжуваат Министерството за внатрешни работи, Министерството за одбрана и Армијата на да направат детален оперативен план за спроведување на најстроги рестриктивни мерки што ќе ги преземе Владата, со цел спречување, внесување и ширење на коронавирусот Ковид-19.
„Сите лица што не ја почитуваат мерката за самоизолација да бидат спроведени во државен карантин и против истите да биде поведена соодветна постапка, трошоците за време на престојот во државен карантин ќе бидат на товар на лицата што не ја почитувале оваа мерка“, се вели во соопштението на Владата.