„Стоп за извршителите“ бараат да прекине блокирањето на сметките
Од Организацијата велат дека блокирањето на сметките на граѓаните не е законски и уставно и е спротивно на Декларацијата за човекови права.
Организаторите посочија дека денеска биле примени на средба од заменик – министерот за правда Оливер Ристовски и им било кажано дека заедно со Министерството за финансии и Народната банка ќе направат луѓето да плаќаат помалку пари за одблокирање на сметките.
„Стоп на извршителите“ организираат протести со барање за итни измени на Законот за извршување, кој, според нив, им става јамка околу врат на луѓето, а извршителите ги штити како бели мечки.