Харадинај – Нема визна либерализација за Косово до крајот на годинава
Харадинај во интервју за приштинскиот портал „ЕкономиаОнлајн“ изјави дека упатил писмено барање за либерализација до членките на Европската унија, но веќе не верува дека Брисел може да ја донесе одлуката до крајот на годинава. Според премиерот во оставка, за пролонгирање на датумот за визна либерализација придонело и одолговлекувањето на процесот на градење на институциите по парламентарните избори одржани на 6 октомври. Тој вели дека одолговлекувањето на договорот за коалициона влада меѓу девте партии победнички на октомвриските избори, Движењето Самоопределување (ВВ) на Албин Курти и Демократскиот сојуз на Косово (ЛДК) на Иса Мустафа, му ја отежнува работата во водењето на владата во ваква ситуација.