Новости за 21.05.2019

Пратениците на седницата на собраниската Комисија за мандатно имунитетни прашања в четврток ќе го разгледуваат предлогот за одземање на пратеничкиот мандат на поранешниот премиер Никола Груевски кој е во бегство во Унгарија. Причината поради која оваа точка е ставена на дневен ред е дека ова прашање ќе се разгледува поради неоправданото отсуство на пратеникот од ВМРО-ДПМНЕ повеќе од шест месеци, е наведено во собраниските материјали. Оваа известување до претседателот на комисијата Павле Богоевски... Читать дальше...

Полицијата во Австрија приведе 14 осомничени лица од Балканот и заплени дрога во вредност од 8,6 милиони евра. Кај приведените биле пронајдени околу 112 килограми кокаин, 71 килограм амфетамини и 19 килограми марихуана. Полицијата соопшти дека станува збор за мафијашки огранок, чии врски досегнуваат до Јужна Америка, од каде што го  набавувале кокаинот.  Истрагата ширум Европа, под раководство на австриската полиција, уште во 2017 година влезе во трагата на оваа српско-црногорска група, која ја следеле со месеци.

Материјалот бил транспортиран со ратраци до 2.550 метри надморска височина, а уште близу 200 метри планинарите го носеле на раце.

Премиерот Зоран Заев и претседателот на ДУИ Али Ахмети започнаа со разговорите за детектирање на одредени слабости кај дел од функционерите од извршната власт. На денешната средба е договорено дека ќе следуваат консултации во двете политички партии на чие чело се двајцата лидери, по што разговорите ќе продолжат, се вели во владиното соопштение. „Целта на овие иницијативи е обезбедување кадровски решенија за зајакнување на капацитетите на институциите, во насока на исполнување на подобри резултати... Читать дальше...

Премиерот Зоран Заев и лидерот на ДУИ Али Ахмети зад затворени врати одржуваат средба во Владата на која се очекува главна тема да бидат најавените кадровски промени. Дел од медиумите јавуваат дека не им било дозволено да снимат видео инсерти од почетокот на средбата. Претходно Заев најави дека тие денеска како коалициски партнери ќе разговараат за кадровски промени во извршната власт. „Иако симболиката дојде од зборот „метла“, сепак, се работи за луѓе професионалци. Зборуваме за ароганција,... Читать дальше...

Во кино „Фросина“, во Младински културен центар, во понеделник на 27 мај во 19 часот, ќе биде 50-тата изведба на детската театарска претстава „Check in: Пред зграда“ која се бави со прашањето колку интернетот и социјалните мрежи се неизбежна алка од времето во кое живееме.

Причината поради која УНЕСКО испрати мониторинг мисија во април 2017 година беше долгогодишното лошо управување со регионот и мегаломанските проекти кои беа закана за езерото и националниот парк, се вели во реакцијата на Владата по нацрт-извештајот на УНЕСКО. Во владиното соопштение е наведено дека се постапува со внимание и сериозност кон комплексните состојби со кои се соочува светското природно и културно наследство во Охридскиот регион години наназад. „Оваа предлог одлука, која не е финална... Читать дальше...

Украинскиот претседател Володимир Зеленски издаде декрет за распуштање на Парламентот и одреди датум за парламентарни избори за 21 јули. Зеленски веднаш по неговата инаугурација го распушти Парламентот. Во неговото обраќање пред пратениците при преземањето на функцијата тој повика и на оставка од државниот обвинител Јуриј Луценко, министерот за одбрана и шефот на тајната служба.

Регулаторната комисија за енергетика од следниот понеделник ќе ги утврдува цените на нафтените деривати по новата методологија. Од комисијата најавија дека новата медотологија ќе биде донесена во текот на овие два дена и посочија дека со неа очекуваат цените да бидат пониски од оние кои биле одредувани со старата методологија. Според новите правила најбитни елементи во одредувањето на цените ќе бидат движењата на цените на секој дериват одделно на светските берзи и курсот на доларот. Од РКЕ велат дека наместо на 14 како досега... Читать дальше...

Апелациониот суд ја отфрли жалбата на поранешниот министер за образование Спиро Ристовски, по што осомничениот останува во притвор. Судот со тоа што ја отфрли неговата жалба го потврди решението на Кривичниот суд за продолжување на мерката притвор. Ристовски, е еден од осомничените како организатор на настаните на 27 април во Собрание во 2017 година. Како организатори за „27 април“ освен Ристовски осомничени се и поранешниот премиерНикола Груевскикако и вработениот во УБК Никола Бошковски кои се во бегство. Читать дальше...

Хируршкото одделение во струшката болница е затворено затоа што половина од перосналот заболел од морбили. Пациентите на кои им се потребни операции се препраќаат во Охрид или во Скопје. Само минатата недела имаше 130 новозаболени од кои поголемиот дел во внатрешноста на земјата, покажуваат податоците на Центарот за јавно здравје.

Претседателот Стево Пендаровски потпиша укази за прогласување на 21 закон, кои не беа потпишани од неговиот претходник Ѓорге Иванов. Од неговиот кабинет информираат дека меѓу потпишаните се и указите за прогласување на законите за оперативно-техничка агенција, за Централен регистар на населени и за финансиска поддршка на инвестиции. Пендаровски, како што се наведува во соопштението, смета дека тие закони и нивната идна имплементација се од витален интерес за граѓаните на земјата.

УНЕСКО во најновиот нацрт извештај препорачува Охридскиот регион од културно и природно наследство да се стави на листата на загрозено светско наследство. Од организацијата на ОН соопштуваат дека главниот проблем е недоволниот напредок во решавањето на проблемите и постојаните закани и опасност од големите инфраструктурни и развојни проекти. Според извештајот, малку е направено и за имплементација на приоритетните препораки на мисијата на УНЕСКО од 2017 година. „Несоодветна градба со несоодветно урбано развивање и експлоатација на брегот... Читать дальше...

Ерменската фудбалска ѕвезда Хенрик Мкитаријан нема да игра на финалето од Европската лига во Баку, соопшти неговиот клуб Арсенал со што се стави крај на неизвесноста дали тој ќе настапи на натпреварот. Во соопштението се наведува и дека Арсенал е многу разочаран што тој нема да може да придонесе во борбата за европската титула против Челзи на 29 мај во Азербејџан. „Ние темелно ги испитавме сите опции за Мики да биде дел од тимот, но откако разговараме со него и неговото семејство заедно донесовме одлука дека тој нема да отпатува со тимот“... Читать дальше...

Шефот на руската Федерална служба за безбедност Александар Бортников изјави дека милитантите од екстремистичката група Исламска држава се собираат во северен Авганистан, во близина на границата со поранешните советски републики во Централна Азија. Тој за време на посетата на Таџикистан, која се граничи со Авганистан, изрази загриженост за како што го нарече, прераспоредувањето на околу 5000 милитанти и повика на поголема контрола на границите. Американската војска проценува дека има околу 2000 борци на Исламската држава во Авганистан.

Премиерот Зоран Заев денеска изрази оптимизам дека е можно деновиве да се дојде до решение за статусот на СЈО, во рамки на предлог Законот за јавното обвинителство. „Мислам дека можеме овие денови пред објавување на извештајот на 29 мај да го заокружиме овој процес и двете условно кажано страни во преговарачкиот процес да објават дека е постигнат договор“, изјави Заев по денешната дебата за нацрт текстот на Националната стратегија за развој на коцептот за едно општество и мултикултурализам. Според министерката за правда Рената Дескоска... Читать дальше...

По вчерашните информации дека САД распоредуваат т.н. сајбер воини и во Македонија за борба против сајбер нападите на демократијата, од Министерството за одбрана потврдија дека постои тесна соработка со сајбер командата на САД

Украинскиот претседател Володимир Зеленски денеска се среќава со претседателот на Парламентот, Андриј Парубиј и лидерите на политичките партии за да разговара со нив за неговиот план за распуштање на законодавниот дом. На неговата инаугурација Зеленски изјави дека го распушта Парламентот. Се очекува по средбите тој да го потпише декретот, а согласно Уставот новите парламентарни избори мора да се одржат во рок од два месеци.

Премиерот Зоран Заев и лидерот на ДУИ Али Ахмети денеска попладне во Владата ќе имаат средба на која ќе разговараат за најавените кадровски промени во извршната власт. „Иако симболиката дојде од зборот „метла“, сепак, се работи за луѓе професионалци. Зборуваме за ароганција, за неисполнување на очекувањата од одредени институции и зборуваме за немукаетност или неможност да се постигнат очекуваните цели кои граѓаните ги очекувале. Значи зборуваме за личности, не зборуваме за припадници на политички партии или професионалци кои се во Владата. Читать дальше...

Министерот за здравство Венко Филипче денеска негира дека следуваат разрешувања на раководни лица на болници по оставката на директорката на Детската клиника, Катерина Ставриќ. „Не станува збор дека следува некакво разрешување. И во текот на вчерашниот ден изјавив дека имаме континуирана, одлична комуникација со сите директори поставени во јавно здравствените институции“, рече Филипче по положувањето цвеќе и по молебенот на УКИМ. Тој информира дека Ставриќ понела оставка пред неколку месеци од... Читать дальше...

Новиот состав на Европскиот парламент ќе влијае врз македонските евроинтеграции, предупредуваат експертите. Дали земјава ќе го добие саканиот датум и со каква брзина ќе ги отвора поглавјата ќе зависи и од тоа која коалиција на партии ќе раководи со оваа европска институција

Иранскиот претседател Хасан Рохани изјави дека бара проширени воени овластувања за да се справи со „економската војна“ која ја водат САД против државата. Односите меѓу двете земји се нарушија откако американскиот претседател Доналд Трамп донесе одлука Вашингтон да се повлече од нуклеарниот договор и да воведе нови санкции против Иран. Рохани како пример ја посочи војната со Ирак од 1980 до 1988 година кога Врховниот совет на војната имаше можност да ги заобиколи сите други институции во донесувањето... Читать дальше...

Индонезискиот претседател Јоко Видодо кој беше реизбран на изборите минатиот месец, освоил околу 55 отсто од гласовите, соопшти државната изборна комисија. Видодо го победи пензионираниот генерал Прабово Субианто. Комисијата требаше да ги објави официјалните резултати утре, но поради стравувањето од потенцијални немири и протести, тие беа соопштени ден порано. Субианто најави дека ќе ја оспори победата на Видодо, поради наводни нерегуларности на гласањето и предупреди дека тоа може да предизвика... Читать дальше...

Министерот за надворешни работи Никола Димитров на покана на шефот на романската дипломатија Теодор Мелешкану, денеска и утре ќе престојува во официјална посета на Романија. Димитров, како што соопшти МНР, ќе се сретне и со министерот за европски прашања Џорџ Чамба, како и со потпретседателот на Долниот дом на романскиот Парламент, Кармен-Илеана Михалческу. Посетата на Димитров на Романија се случува за време на романското претседавање со Советот на ЕУ што претставува своевидно реафирмирање на... Читать дальше...

Нови одобренија за градба на мали хидроелектрани во планирани заштитени подрачја додели државата и покај заложбите за заштита на природата и животната средина. Активистите од еколошките здруженија алармираат дека изборот на локации е спrотивен на низа одредби од домашни и меѓународни закони.