Новости за 26.12.2018

Американскиот претседател Доналд Трамп ненајавено ги посети американските војници во Ирак. Белата куќа денеска соопшти дека претседателот пристигнал во воздухопловната база Ал-Асад, западно од Багдад, откако вчера го напуштил Вашингтон. Со него била и неговата сопруга Меланија. Трамп беше остро критикуван зашто не ги посетил американските војници во ниедна борбена зона откако стана претседател. Во октомври, тој рече дека не мисли дека таквите посети се „претерано неопходни“. Патувањето доаѓа... Читать дальше...

Четири меѓународни медиумски организации денеска ја повикаа албанската Влада да се откаже од два предлог-закони за државна регулатива и обврзна регистрација за онлајн медиуми, кои планира да ги усвои со цел борба против лажните вести. Во писмо до премиерот Еди Рама и министерката за правда Етилда Ѓонај, Европскиот центар за слобода на медиуми, Европската федерација на новинари, Репортери без граници и „ПЕН Интернешнл“’ побараа од албанските власти да го повлечат законот, да ги вклучат новинарите... Читать дальше...

Во изминатата година Битола беше на врвот од табелата со загадени градови во Македонија според мерењата на Министерството за животна средина, а според некои европски мерења и меѓу најзагадените градови во Европа.

Собранието попладнево по скратена постапка ги донесе Законот за задолжителни капитално финансирано пензиско осигурување, Законот за пензиско и инвалидско осигурување и Законот за лековите и медицинските средства. Пратениците од ВМРО-ДПМНЕ Весна Пемова и Илија Димовски го критикуваа донесувањето на закони по скратена постапка, нагласувајќи дека кога претходната власт во правела тоа, тие оценувале дека е негативно. Продолжението на 77. седница е најавено за в петок.

Собранието на Македонија на денешната седница на предлог на Владата ги именува Елвин Хасан за министер без ресор задолжен за привлекување странски инвестиции и Музафер Бајрам за министер без ресор задолжен за имплементација на Стратегијата за подобрување на состојбата на Ромите. Претходно пратениците ги разрешија министрите Аднан Ќахил и Аксел Ахмедовски. Премиерот Зоран Заев, во образложение на предлогот, рече дека младиот доктор на науки Елвин Хасан доаѓа на позиција министер без ресор задолжен... Читать дальше...

Косовскиот претседател Хашим Тачи во годишното обраќање пред Парламентот рече дека Косово ја доби војната со Србија, но сега на ред е да се добие и мир. „Со Србија еден век сме во непријателства. Ја добивме војната, но по голема цена. Сега е време да добиеме мир со Србија, за нашата генерација и за тие што доаѓаат, затоа го поздравувам формирањето на преговарачката група со Србија“, рече Тачи. Седницата ја бојкотираа пратениците од Демократскиот сојуз на Косово, Самоопределување и Социјалдемократската партија на Косово.

Собранието на денешната 77-седница на предлогот на Владата ги разреши Аксел Ахмедовски од функцијата министер без ресор задолжен за имплементација на Стратегијата за подобрување на состојбата на Ромите во Република Македонија и Аднан Ќахил од функцијата министер без ресор задолжен за странски инвестиции во Владата. Премиерот Зоран Заев, во образложение на предлогот рече дека разрешувањето е исклучиво од политички причини и по одлука на двата коалициони партнери во Владата. „Јас сум задоволен... Читать дальше...

Министерот Асаф Адеми негира дека има говор на омраза во видео-спотот посветен на навивачката група „Балисти“ од Тетово чиј автор е Фатон Ислами, а работен е во рамките на проектот „Запознајте ја Македонија“ и е спонзориран од Министерството за култура на Република Македонија.

Пратениците од ВМРО-ДПМНЕ нема да учествуваат во собраниската дебата за Кривичниот законик, оти, како што велат, со тоа се урива правната држава. Координаторот на пратеничката група, Никола Мицевски, вели дека предложените измени и дополнувања претставуваат погубни акробации на Зоран Заев и СДСМ. „Зоран Заев преку ова решение тргува со правото и правната држава. Многу од предложените норми се противуставни, спротивни на функцијата и намената на законот и просто нелогични и апсурдно бесмислени.... Читать дальше...

Албанската влада денеска соопшти дека им ги исполнила барањата на студентите кој ја бојкотираа наставата. Во соопштението од Владата се наведува дека на вонредна седница одлучиле да ги исполнат студентските барања. Студентите повеќе од две недели ја бојкотираа наставата, а најавија дека со протестите ќе продолжат во јануари. Со прифаќањето на нивните барања, сега талентираните и сиромашните студенти ќе плаќаат помала школарина, а сиромашните ќе добиваат и стипендија од околу 80 евра. На останатите... Читать дальше...

Косовското Собрание денеска одново не успеа да одржи седница на чиј дневен ред беше Предлог-договорот со Белград, затоа што на заседанието не присуствуваа пратениците од редовите на партиите од владината коалиција. Координаторот на пратеничката група на опозицискиот Демократски сојуз на Косово (ЛДК), Авдулах Хоти изјави дека недоаѓањето на пратениците од владејачката коалиција е одраз на „голема неодговорност“. „Сметаме дека ова е голема неодговорност, бидејќи владејачката коалиција не дозволува... Читать дальше...

На 2 јануари нема да работат вработените во јавната и државната администрација, а препорака е оваа одлука да ја следат и единиците на локалната самоуправа и приватниот сектор. Неработниот ден ќе се одработи во текот на годината. Владиниот портпарол Миле Бошњаковски денеска на прес-конференција во Владата рече дека денот мора да се одработи бидејќи се работи за одлука која не е дел од законското решение, туку е одлука на Влада.

Украинскиот претседател Петро Порошенко објави крај на воената состојба во источните делови на земјата, која беше воведена минатиот месец, откако Русија заплени три украински воени брода и ги уапси посадите во Црното Море. Порошенко рече дека ја донел одлуката „врз основа на анализа на сите компоненти на безбедносната ситуација во земјата“. Украинскиот парламент на 26 ноември го прифати барањето на Порошенко за воведување воена состојба, откако руските сили ги запленија украинските бродови во близина на Керчскиот Теснец. Читать дальше...

Француските власти поради недостиг на докази ја прекинале повеќегодишната истрага за падот на авионот на претседателот на Руанда во 1994 година, кој беше повод за геноцидот во Руанда. Под истрага во тој случај беа и неколкумина луѓе блиски до сегашниот претседател на Руанда, Пол Кагаме. Претставник од судот денеска наведе дека надлежните судии минатата недела одлучиле да го затворат случајот по барање на обвинителството, но не изнесе детали. Во соборувањето на авионот во 1994 година загина тогашниот претседател на Руанда... Читать дальше...

Авганистанската изборна комисија денеска соопшти дека претседателските избори закажани за во април ќе бидат одложени за неколку месеци за да се решат техничките проблеми кои се појавија на парламентарните избори во октомври. Портпаролот на Комисијата изјави дека е потребно повеќе време за изборната администрација да се запознае со биометрискиот систем на идентификација која треба да ја намали можноста од изборни измами, како и повеќе време за проверка на избирачките списоци. На парламентарните избори имаше бројни одлагања... Читать дальше...

Градоначалникот на Скопје, Петре Шилегов, вели дека наредната година ќе почне изградбата на трамвајска линија од Ново Лисиче до Ѓорче Петров. Во соработка со збратимениот град Загреб од јануари годинава се работело на техничко решение за изградба на првата фаза на трамвајот од Ново Лисиче до Ѓорче Петров. Решението е изготвено и како што вели Шилегов догодина очекува да стартува реализацијата на овој капитален проект за Скопје, кој ќе го помогне и Владата, објави порталот Сакам да кажам. Според првичните проценки... Читать дальше...

Дали заедно со претседателските ќе има и предвремени парламентарни избори? СДСМ и ВМРО-ДПМНЕ не ја отфрлија таквата можност, но според упатените, предвремени избори не се потребни.

Сите 65 компании кои денеска добија грантови од Фондот за иновации и технолошки развој тврдат дека во нивната сопственичка структура нема поврзаност со носител на јавна функција. Од Фондот ги охрабруваат компаниите да бидат креативни, конкурентни и извозно ориентирани.

Премиерот Зоран Заев засега не планира поголема реконструкција на Владата и верува дека денеска во Парламентот ќе бидат поддржани предлозите за разрешување на двајцата министри Аксел Ахмедовски и Аднан Ќахил, за на нивно место да бидат поставени Музафер Бајрам и Елвин Хасан. „Предлозите за разрешување на двајцата министри во Парламентот се одлуки донесени од страна на раководствата на политичките партиципиенти во власта, кои бараа соодветна замена“, изјави премиерот одговарајќи на новинарски прашања... Читать дальше...

Шест луѓе загинаа во пожар во мала дрвена зграда која ја користеле бездомници во предградие на Варшава, соопшти денеска полската противпожарна служба. Пожарот се случил доцна синоќа, на Божиќ. Пожарникарите одговориле на повикот, но кога дошле ја затекнале дрвената зграда во пламен и ги нашле телата на настраданите. Во тек е истрагата за пожарот.

Меѓу 62-те лица кои поднеле барање за амнестија за насилствата во Собранието од 27 април минатата година е и адвокатот Еленко Миланов, кој е бранител на неколку од обвинетите за случувањата. Пред почетокот на денешното рочиште во Кривичниот суд во Скопје, судијката Добрила Кацарска го праша дали можеби е обвинет за настаните од 27 април. „Ваше законско право е да поднесете барање за амнестија, но не знам по кој основ е. Дали можеби и вие сте обвинети“, праша судијката Кацарска. Рочиштето требаше... Читать дальше...

Укината е првостепената пресуда за случајот „Триста“ на Специјалното јавно обвинителство и случајот е вратен на повторно судење, потврдија за МИА од Апелациониот суд во Скопје. Одлуката, како што информираат од Апелација, е донесена минатата недела. Во овој случај, што се однесува на набавката на возила за потребите на Министерството за внатрешни работи, на деветгодишна затворска казна е осуден поранешниот помошник министер во МВР, Ѓоко Поповски. Тој, како што напишаа дел од медиумите, е префрлен... Читать дальше...

Индонезиските власти апелираа до населението да го избегнува крајбрежјето долж Сундскиот Теснец, каде што во цунами минатиот викенд загинаа над 420 луѓе. Цунамито беше предизвикано од ерупцијата на вулкан, а засилено од плимските бранови настанати поради полната месечина. Индонезиската агенција за метеорологија, геофизика и климатологија издаде предупредување граѓаните да бидат најмалку 500 метри до еден километар оддалечени од брегот во теснецот меѓу островите Јава и Суматра.

Јапонија денеска ја соопшти одлуката за повлекување од Меѓународната комисија за лов на китови. Портпаролот на јапонската влада изјави дека неговата земја планира „повторно да почне со лов на китови во комерцијални цели во јули“ наредната година. Јапонската влада во септември најави повлекување од Комисијата. Се очекува таа одлука да наиде на бројни критики од странските влади и од организациите за заштита на животни. Норвешка и Исланд сега се единствените држави кои ловат китови во комерцијални цели... Читать дальше...

Многумина од пазарџиите се стечајци, пензионери и луѓе кои на студ и горештина го вадат лебот. Од Нова Година стравуваат дека ќе останат без работа поради новиот закон со кој се предвидуваат лиценци а на тезгите нема да можат да работат хонорарци и пензионери.