Новости за 01.02.2017

Пред 100 години Руската империја ѝ го отстапи своето место на Советска Русија - земја која во движење беше измислена од страна на луѓе кои се нарекуваат себеси „болшевици“. Епицентар на настаните стана Санкт Петербург, преименуван во 1914 година во Петроград, а протагонист е Владимир Ленин, кој за граѓаните на СССР стана легенда, како што е Че Гевара за Кубанците.

Лидерот на францускиот „Национален фронт“ Марин Ле Пен ја смета за многу погрешна одлуката на Западот за воведување санкции против Русија, изјави таа во интервју за Си-Ен-Ен.

„Има одредена политичка деликатност во вклучувањето (во преговорите) на Украина, затоа што е очигледно дека тоа може да предизвика претерана реакција од страна на Русија“, изјави извор за „Вол Стрит Џурнал“.

По должината на руско-белоруската граница ќе биде воспоставен режим на погранична зона, следува од наредбите потпишани од директорот на Федералната служба за безбедност на Русија Александар Бортников. Претходно таква зона на границите на руските региони со Белорусија немаше.

Од почетокот на 2017 година вкупното богатство на руските милијардери пораснало за 7,9 милијарди долари, велат податоците на Индексот на милијардери на „Блумберг“ (Bloomberg Billionaires Index-BBI).

Компанијата „Руски железници“ (РЖД) планира во рамките на развојот на работењето на Балканот во првата половина од годината да купи дел во една српска компанија чие име не се наведува, како и да основа заедничко претпријатие за железнички превоз во Грција.

Според министерот Лавров, кога станува збор за безбедносни зони, Американците се заинтересирани за намалување на бројот на мигранти кои од регионот, вклучувајќи ја и Сирија, одат на Запад, пренесува „Взгљад“.

Претседателот на САД Доналд Трамп е свесен за загриженоста на некои членови на парламентот на земјата поради моменталната состојба на руско-американските односи, но смета дека двете земји „треба да се движат нанапред“. Ова во коментарот за РИА „Новости“ го изјави советникот на Трамп за надворешна политика во текот на изборната кампања Валид Фарес.

Претседателот на Европскиот совет, конзервативец и поранешен премиер на Полска Доналд Туск ги повика лидерите на земјите-членки на ЕУ да предложат теми за дискусија кога ќе се сретнат на Малта во петокот за да дискутираат за иднината на Европската унија, додека Велика Британија се подготвува да ја напушти, соопштува „Ројтерс“.

Русија минатата година произведе повеќе од 50 милиони тони шеќерна репка и за прв пат стана светски лидер во оваа област, пред Франција, САД и Германија, соопшти министерот за земјоделство на РФ Александар Ткачев.

Сенатот на САД сѐ уште не го ратификувал протоколот за пристапување на Црна Гора во НАТО, соопштува „Балкан Инсајт“. И покрај тоа, раководството на балканската република е убедено дека тоа е само прашање на време и дека земјата сепак ќе стане „полноправна членка на западната алијанса“, истакнува изданието.

„Блумберг“: Русија ја обновува „големата игра“ на Балканот