Европскиот парламент го призна Гваидо за претседател на Венецуела
Парламентот на ЕУ гласаше да го признае Хуан Гваидо за привремен претседател на Венецуела, како симболичен чекор да се изврши притисок врз оспоруваниот претседател на оваа земја, Николас Мадуро.
Пратениците од Европскиот парламент усвоија необавезна резолуција и ги повикаа владите на земјите членки да го сторат истото.
Документот беше усвоен со 439 гласа наспроти 104, а 88 пратеници беа воздржани.
Гваидо е лидер на опозицијата и претседател на парламентот. Тој неодамна се прогласи за шеф на државата по протестите на опозицијата која смета дека Мадуро е избран на нерегуларен начин. Гваидо за претседател го признаа САД и повеќето западни земји, а Кина Русија и Иран се противат на тоа.