По синоќешната лава, Етна исфрла пепел

Вулканот Етна на Сицилија во Италија, денеска исфрла пепел, по синоќешното исфрлање лава, соопшти италијанскиот Национален институт за геофизика и вулканологија.


Етна синоќа речиси константно исфрлаше лава во висина до 150 метри, а денеска исфрла пепел во висина од над сто метри, се вели во соопштението на Институтот.


И покрај активноста на Етна, жителите од градовите на падините на вулканот не се евакуирани.