Германска поддршка до Заев за успешен референдум

„Македонија и граѓаните се пред историски момент и јас сум убеден дека мнозинството граѓани ќе дадат поддршка за светла иднина на Македонија, во Европската унија и во НАТО. Верувам во граѓаните дека ќе најдат сила да ја обезбедат својата иднина и иднината на младите кои ќе бидат мотивирани да останат да живеат, учат и работат во Македонија, наместо да си ја напуштаат родната земја“, рекол премиерот Зоран Заев на средбата со пратеници од германскиот Бундестаг, претставници нафондацијата Фридрих Еберт, кои биле придружувани од амбасадорот на Сојузна Република Германија во Република Македонија, Томас Герберих.


Според владината прес служба тие на Заев му порачале дека со успешната реализација на претстојниот референдум, се отвора европската и атлантската иднина за Македонија и граѓаните.


Премиерот Заев информирал дека во тек се фер, транспарентни и едукативни подготовки за гласањето на претстојниот референдум.