Ципрас: Денес започнува нова ера за Грција

Од денес, со визија и одлучност започнуваме нова ера за нашата татковина со претпазливост и одговорност, за никогаш да не се вратиме назад кон Грција со дефицити и банкрот, изјави грчкиот премиер Алексис Ципрац во неговото обраќање од грчкиот остров Итака по повод завршувањето на последната 3-годишна финансиска помош за Грција.


„Но, и со смелост за одново раѓање на Грција, за татковина на еднаквост, демократија и општествена правда, бидејќи Итака е само почетокот“, рече Ципрас во неговото обраќање до Грците, велејќи дека со „битка и пожртвуваност го испишале крајот на меморандумите“, пренесува МИА.


Обраќање на Ципрас до јавноста беше полно со симболика, поврзувајќи ја актуелната ситуација во Грција и она што земјата го поминала во изминатите осум години на финансиската криза со патешествието на „Одисеја“ од Хомер за да стигне до неговата родна Итака.