Оваа недела средба на Меркел и Путин во Берлин

Германската канцеларка Ангела Меркел на 18 август во Берлин ќе се сретне со рускиот претседател Владимир Путин, што ќе биде нивна втора средба во нешто повеќе од три месеци, соопшти германската влада.


Во агендата на разговорите ќе бидат вклучени конфликтите во Сирија и во Украина, како и енергетски прашања, изјави денеска портпаролот на германската влада Штефан Заиберт.


Москва и Берлин подготвуваат контроверзен нов гасовод на Балтичкото Море, Северен поток 2, со кој ќе се удвои количината на природен гас што Русија ќе може да ја пренесе во Западна Европа.


САД и неколку други европски земји се противат на планот.


Меркел и Путин последен пат се сретнаа во мај во Сочи.