Обвинителството ќе го истражува доделување грантови од Фондот за иновации

Основното јавно обвинителство за гонење на организиран криминал и корупција денеска соопшти дека по објавите во медиумите за евентуални злоупотреби при доделување на грантови по јавен повик од Фондот за иновации и технолошки развој, оформило предмет по допрен глас.


Од Обвинителството велат дека работат на утврдување на факти во предметот, а во врска со евентуални сторени кривични дела во постапката по јавен повик за финансирање проекти во рамки на третиот столб од Планот за економски раст - прв инвестициски бран.