Сириските сили ја преземале контролата врз клучен граничен премин

Сириските владини сили поддржани од руската војска ја преземале контролата врз клучниот граничен премин со Јордан откако беше постигнат договор меѓу бунтовниците и руските посредници, јавија медиуми и набљудувачи. Граничниот премин Насиб беше под контрола на бунтовниците три години.


Сириската опсерваторија за човекови права со седиште во Лондон ја потврди веста. Бунтовниците претходно соопштија дека се близу до постигнување договор со Москва околу предавањето на 30 градови во стратешките зони на Сирија кои граничат со Јордан и со Голанската Висорамнина, Сириските сили поддржани од Русија ја започнаа офанзивата во реонот пред две недели.