Хан и Могерини: Договорот е добар компромис во кој сите добиваат

Требаше многу време и многу пат за да стигнеме таму каде што сме денеска. Ова е историски ден и можност за граѓаните на Северна Македонија да добијат позитивни одговори за евроатлантските интеграции. На крајот од денот сите ќе видат дека договорот е добар компромис во кој сите добиваат по нешто, изјави еврокомесарот за проширување и добрососедска политика Јоханес Хан.



Шефицата на европската дипломатија Федерика Могерини, пак, рече дека ова е историски ден за двете земји, но и за Европската унија и за Балканот. 


„Многумина беа скептични за договорот, а двајцата премиери и министри за надворешни работи беа истрајни за да го постигнат. Двете страни не направија горди, нас, европејците со вин-вин солицијата што ја потпишаа. Се надевам дека ова ќе биде инспирација за многумина во регионот да преземат храбри чекори, како и за цела Европа. Овој договор им покажа на Европа и светот дека секој проблем може да се реши со дијалог и лидерство“, изјави Могерини.


Таа најави дека ЕУ ќе ја следи имплементацијата на договорот, бидејќи, како што кажа, тој не е значаен само за двете земји, туку и за Европа и светот.


Тие денеска присуствуваа на потпишувањето на договорот за името во Преспа.