Во Македонија евидентирани 600 лица без државјанство

Јована Тренчевска, државен секретар во МТСП, информираше дека до сега се идентификувани околу 600 лица за кои се вршела проверка во базата за матичен број на граѓанинот, како и матичните книги на родените и било утврдено дека дел од нив веќе се евидентирани во матичните книги, но немаат изводи, некои се родени во болница, но не им е определено лично име, а дел во домашни услови, но никогаш не било пријавено нивното раѓање.


„Потребна е измена на законите за вонпарнична постапка и за матична евиденција во насока на отворање посебен регистар за лица кои немаат упис на граѓани и посебен регистерски број од времен карактер до упис во книгата на родени“, рече Тренчевска на денешната презентација на „Анализата на правната рамка поврзана со матичната и граѓанската регистрација во однос на спречување на бездржавјанството", од проф. Борче Давитковски.


.