Во судница се слушаа пет „бомби“ за „Тендери

Со преслушување на пет телефонски разговори Судот ја продолжи работата по предметот „Тендери“. Од разговорите, четири се направени во 2011 година и во нив најчесто разговараат поранешната министерка за култура Елизабета Канческа Милевска и поранешниот министер за транспорт и врски Миле Јанакиески, а петтиот разговор е од 2013 меѓу Канческа Милевска и поранешната министерка за внатрешни работи Гордана Јанкулоска.


Во  првиот разговор што беше презентиран, покрај Канческа Милевска и Јанакиески, учествува и директорот на ГП „Бетон“ од Штип Илија Престилски. Во разговорот Канческа Милевска ги информира Јанакиески и Престилски дека „утре ќе биде објавен тендер“, но, како што посочува, „во него е наведено се за да го добие Бетон“.


Во вториот разговор меѓу Канческа Милевска и Јанакиески таа го информира Јанакиески дека нема денар за да им плати и дека треба со ребалансот да се обезбедат средства.


Во третиот разговор меѓу Канческа Милевска и Јанакиески, таа го информира колку ја нервирал директорот на "Бетон", Илија Бресилски.


Во четвртиот разговор повторно меѓу Канческа Милевска и Јанакиески, поранешната министерка за култура продолжува да му се жали на Јанакиески од однесувањето на директорот Бреслиски.


Петтиот разговор е меѓу Гордана Јанкулоска и Елизабета Канческа Милевска од 2013 година во кој поранешната министерка за култура ја информира Јанкулоска дека се јавил некој Николче Цветановски од СВР Битола кој и ги барал документите за изградбата на Музејот на ВМРО.Тогашната министерка за внатрешни работи ја советува доколку го добие налогот да му каже дека и треба време да ги собере документите и да не му ги дава веднаш на Николче Цветановски, а во меѓувреме, како што вели, ќе провери кој е тој и за што се работи.


По презентирањето на аудио материјалите судечкиот совет даде пауза од половна час по што треба да продолжи судењето