Саркози тврди дека нема докази за обвинувањата против него
„Јас сум обвинет без никакви физички докази“, рекол Саркози на распитот, а пренесува весникот Ле Фигаро. Тој порачал и дека преживува пекол поради клеветата, која според него е лажна.
По распитот, кој траеше два дена, 63 годишниот Саркози е обвинет за нелегално финансирање, пасивна корупција и примање на проневерени либиски средства. Истражителите ги проверуваат наводите дали владата на Гадафи тајно му дала 50 милиони евра на Саркози за претседателските избори во 2007 година.